IIMU/UUNGW 20:6 - Biblía Axweesantá Hhohho' ar Mungú 2004

⁶ Mungú guri báy ar baraá tlata, «Aníng aga tsaáhh adoorí kawa tléhh ar muunuú hhoohhoó', ala án kuúng uri ilaá/ tlakweema kiwa tlehhká. Gawaá adoorihe ugwa mawiiká /ameenirí kawa kwatit.

IIMU/UUNGW 20:6 Iomraidhean Croise

IIMU/UUNGW 20:18

Asma AAKOÓ MUNGÚ /ameena sleémeero ar doó Abimeleki gana xwayla /iít, asma Sara harér Abrahamu.

IIMU/UUNGW 26:11

Abimeleki muu sleémeero guri gurbuú', giri báy, «Umuúqo heewo oo heewí laqaá hareerós gaa kwatiit, gár kuwa hariím a gaasa.»

IIMU/UUNGW 3:3

Ala Mungú ina oó', ‹Mamaá xa'anoodá' baraá tla/ángw asalmií dirií' mi /ayaara', tam mi kwatiitara', as kahhó' daqaní a qatla'aaká.› »

IIMU/UUNGW 31:24

Ala xweeraawo Mungú Labani, heé Aramu guri i daqáy ar baraá tlata, guri báy, «Ti harmagahh, Yakobo mu /aymuú bawaar ku hhoó' laqaá tam ku tlaakwe.»

IIMU/UUNGW 31:7

Slám inós aníng iga al/aáy, slaasláwar'eé' gari sagaá wa mibángw wa warqemaamiís. Ala Aakoó Mungú inós gwaa pa/ángw i haniisiiká oo aníng iwa hariiay.

IIMU/UUNGW 35:5

Yakobo nee daaqaywós qoomár niwa aa'aá kaya', Mungú yaamuloouuse nee inslaaway'ine giri dae tsaát, tari qiitliiká daaqoó Yakobo eeharto.

IIMU/UUNGW 39:9

Baraá do'wihe inós ku ureeká ta aninge, asma umuú gaaro ar aníng iwa /itín i káhh, aqo har kiíng as tawa hareerós. Gawaá adoorihe dakuúsár ur ar adór tisíng adór ngir tleehh dír geeraá Munguhe a adoomá?»

WARA'AMI 51:4

Án kuúng una tlakweemáy tleéhh, kuúngú kilá', nee muruú slasl/arén una tleéhh dír geeraá ilaawoge, gawaá adoorihe kuúng tu tsaahhi adór tar dakuúsár koondaaká bar axwés, nee kwasleema bar tléhh i hariín.

WARA'AMI 81:12

Gawaá adoorihe aníng ina máw tawa tlay ar adoodá' inooín i slaiya', nee ar baraá hara'ayduín.

WARA'AMI 84:11

Asma AAKOÓ Munguúrén an gwa/aateema nee an adór gaamboót, AAKOÓ MUNGÚ gurhhooa nee xirif gi kón. Inós ku hhoó' dír mukdaáduú gan'amuú kooma.

TI'INAANGW 34:24

Asma aníng xoordu in guús geeraahúng wa ale, nee digeemaá ayaahúng i bihheérí uuruúx, nee slám heé yaamuuhúng gi ilaatleeruús i kaahh qoomár kuungá' birna geeraá AAKOÓ MUNGÚ Munguúhúngí hardaté' ki/ima tám baraá kurko.

AXWEESANOÓ SAGALOOA 21:1

Inslawoó waawutmo baraá dabaá AAKOÓ MUNGUHE a adór kutlá ma'aay, gun warqeemiis amór ngur slai,

AXWEESANOÓ SAGALOOA 6:29

An slaqás sleeme nee heé a fuqtá ay amór harér heéwí ale. Umuúqo heé harér hee gaa kwatiit sakwasleemaro ku pa/asiiká.

TLAHHOÓ LAÁWI 6:2

«Barnaxes hee tlakweema gaa tleéhh dír AAKOÓ MUNGÚ ar inslaawmoowós nguwa al/aáy kángw peésaaro, laqaá gár tawa al'axweés, laqaá nguwa malguús, laqaá nguwa hara/uuntsín,

Matayo 27:19

Nee Pilato iwa iwiít gawaá kitaangós kuduú kwasleema, hareerós hee nguri ya/áp, guri beér, «Kángw heesíng gan'amuú koóm mu i dahaar. Asma laarí xweeraawo aníng tina slahh'eemaamiís ar baraá tlata as inós.»

1 Korinto 7:1

Ala gawaá kangwdá' kuungá' naa gooiindi'i, a gár hhoo' hhawaata /ameeni ngiwa kwatitiiká.

2 korinto 6:17

Gawaá adoorihe Aako i kaahi, «Ti'iité' baraá tla/angw'ine, nee ti partle' dir'ine. Muruú slasla/arén muu kwatmiitara'. Daqaní án kuungá' nu ya/aám,

2 Tesalonike 2:11

Gaarí an gár Mungú inooín ngisa ya/án kiwa qwaareesi, asma inooín lama kana haratlintií' hariímár looeemaá wa ale.

2 Tesalonike 2:7

Ala Heedá' Tlaákw i gadiyér qawti tleehh tam hamí, ay dír heedaádá' ga ila/aám kway hingeesi.

1 SAMUELI 25:26

Hamí aakooeé', adór AAKOÓ MUNGÚ slaáf ir daadeér, nee adór slafiingók i dirii'i, hamaá ga/eéra adór AAKOÓ MUNGÚ dakók ngura ilaá/, marmá aga bu'ká tseerdu kiwa ku'us, nee kuúng tari dakús. Wakuuseerók maweek, nee kudá' sleémeero kuúng u ar tlaákwí sla'á', i daktana tleehhitiye' adór Nabali wa ale.

1 SAMUELI 25:34

Ar loe, adoodá' AAKOÓ MUNGÚ, Munguú múk Israeli ir daadeér, inós bar aníng iga har'oohiiká, kiíng iwa hariiaw, geeraawo barnaxes na gaanslár hardatká án nee kiíng tiwa doogaan, geera matlaatlér matloowo hhawaatmo i kaahh doó Nabaliwo.»