IIMU/UUNGW 20:1 - Biblía Axweesantá Hhohho' ar Mungú 2004

¹ Abrahamu iri tláy yaamaá Mamrér wa alé, iri baskú xuú' ay yaamaá Negebu. Iri tla/ángw Kadeshi nee Shurír wa hoót. Naagáy iri hi'iimiít baraá Gerari wa alé.

IIMU/UUNGW 20:1 Iomraidhean Croise

IIMU/UUNGW 10:19

Digmuú yaamaá múk Kana'ani dír iwa iimu/ún a iimír Sidoni, bihhaá basko ay gixsár Gerari, iisaapoó gixsár Gasa, nee bihhaá da/aawe ay Sodoma nee Gomora, nee Adma nee Seboimu, iisaapoó gixsár Lasha.

IIMU/UUNGW 12:9

Abramu iri kumaamiít aaiiwo amór báskwí alé ay dír yaamaá Negebu.

IIMU/UUNGW 13:1

Abramu iri tláy iri /iikú xuú' ay yaamaá Negebu awa baraá yaamaá Kana'ani, inós nee hareerós nee umuúqo gár i kona. Nee Loti tina koné'.

IIMU/UUNGW 14:7

Nina ki/iyé', nay hardihiyé' ay En-mishpati, ar ta bay Kadeshi. Yaamaá múk Amaleki sleémeero kina baál, nee múk Amori kudá' Hasason-tamarír hoót kuri baál sleeme.

IIMU/UUNGW 16:1

Ala Sarai harér Abramu, na/aay gwa sleeriiká, inós sagadiyuso'o ga koón ar Misri, umuuwós a Hagari.

IIMU/UUNGW 16:14

Asma adoorihe hhalaangw kuri báy hhalángw Lahai-roi nee i baraá tla/ángw Kadeshi nee Beredírí dirii'.

IIMU/UUNGW 16:7

Malaykamoó AAKOÓ MUNGÚ Hagari gari ár, i dír kutltá ma'aay ar baraá xaanxaay. Kutltadá' dír i diri' a dír loohír Shurír kaw.

IIMU/UUNGW 18:1

AAKOÓ MUNGUÚ Abrahamu guna harati'iít baraá yaamaá Mamre. Abrahamu qoomaadae i iwiwiit dír afkú heémarós wa alé, qoomár siree/ír tlaatla/aangw.

IIMU/UUNGW 21:34

Abrahamu iri hoót deelór yaariire baraá yaamaá Filistír wa alé tawa /eetusmo.

IIMU/UUNGW 24:62

Qoomaarihe Isaka naa amór hhalángw Lahai-roi wa tláy. Dír i hooti a yaamaá Negebu.

IIMU/UUNGW 25:18

Xwaylár Ishmaeli ina hót iimír yaamaá Hafila ay yaamaá Shuri bihhaá da/aáw awa Misri, amór isaapoó Ashuru. Múk Ishmaeli ina iisaapoó hhaeeín wa hoót.

IIMU/UUNGW 26:1

Giyér hatlá' nina tleér baraá yaamuwo adór tidár qoomár slafíngw Abrahamu. Isaka iri tláy ay Gerari amór waawutmo Abimeleki oo múk Filisti.

IIMU/UUNGW 26:20

De'eemuusér ayaá Gerari tina aeér nee de'eemuusér Isaka, tana káh, «Ma'ayká' a koorén.» Isaka hhalangwdá' guri báy Eseki, asma inós nee de'eemuuseedá' tina a'ayé'.

IIMU/UUNGW 26:26

Naagáy Abimeleki ina tláy Gerari wa alé dinkwa nee Ahusati mulqumoowós, nee Fikoli, heé úr oo slaqwaruuseerós, iri tláy amór Isaka.

IIMU/UUNGW 26:6

Isaka ina amór Gerari wa hoót.

WARA'AMI 29:8

Afór AAKOÓ MUNGÚ darma gun daaraxás. AAKOÓ MUNGÚ darmuú Kadeshi gun daaraxaas.

TI'INAANGW 15:22

Mose xooroodár Israeli gari geerahaár tawa geerií kumiiti dír tlawtá Shamúr wa ale. Inooín tari tláy ay xaanxoó Shuri, tari hi'iimiít deelo tám baraá xaanxáy wa ale, ma'aay ngaa slay'iiká.

FAARO 13:26

Tari kií/ amór Mose, nee Aroni nee amór dinkwaadár múk Israeli sleémeero, tidár Kadeshi baraá xaanxoó Parani, kangwdá' naa baraadá' wa ariyé' nguri ooiyé' dír muu sleémeero, nee mamuudaá xaai ngiri laqané'.

FAARO 20:16

AAKOÓ MUNGÚ atén kuri i /aa/amimaán, inós /aa/eerén giri axaás, malaykamoowós nguri ya/aáw as tiwa duuxi baraá yaamaá Misrír wa ale. Ala hamí daxta a diirír Kadeshír i diriaán, gixsár dír digmuú yaamuuwógí dirii'.

DABE 1:19

«Naagáy adoodá' AAKOÓ MUNGÚ, Munguúrén ngira oó', aaiirén ina iimu/uumaán iimír tloomár Horebúr wa tleemu, tari waarahhaán ar baraá xaanxaydá' úr kudá' dae tlaaq, kuungá' u xuá', tari waarahhaán ar loohidár yaamaá tlom'i awa múk Amori. Tawa hardahaán didá' ta bay, Kadesh-barnea,

DABE 32:51

Asma kuungá' tsaraawo ana inkihhimu waslesé' dir'eene baraá múk Israeliwo, qoomár tawa dír ma'aá Meriba, iisaapoó Kadeshi baraá xaanxoó Sini. Qoomaadae kuungá' hhohhoaarir'eé' laqaamaro ana harslaaqaté' dír múk Israeliwo.

1 SAMUELI 15:7

Saulo múk Amaleki guri baál iimír yaamaá Hafilár wa ale ay awa Shuri, ti'inángw da/aáw oo Misri.