IIMU/UUNGW 2:8 - Biblía Axweesantá Hhohho' ar Mungú 2004

⁸ AAKOÓ Mungú asalmo guri dahaás bihhaá da/aáw baraá yaamaá Edeni. Heewós kudá' aa tleéhh guri baraadádí qaás.

IIMU/UUNGW 2:8 Iomraidhean Croise

IIMU/UUNGW 13:10

Loti iwa qaytsiít, xatstá Yordani gana ár ay gixsár Soari, i ma'aá koón umuúqo diiro, adór asalmoó Mungú, nee adór yaamaá Misri. Qoomaarí a qoomár AAKOÓ MUNGÚ Sodoma nee Gomora ngiwa qwaareesiiká.

IIMU/UUNGW 3:23

Naagáy AAKOÓ Mungú giri duúx baraá asalmooduú Edeniro, as yaamu ngiwa doosli, kudá' hhaper'ín inós kura tleéhh.

IIMU/UUNGW 3:24

AAKOÓ Mungú hee guri guús baraá asalmoodae, keruúbi gari qaás bihhaá da/aáw awa asalmoó Edeni. Paángár asla ar war'eeliim amorqá' nee amqae gari qaás, asma loohidá' amór xa'anoó slafíngw kaw kawa xun.

IIMU/UUNGW 4:16

Kaini iri tláy dír geeraá AAKOÓ MUNGÚ wa alé, iri hotaá áy baraá yaamaá ta bay Nodi Gídaabárós a taambeera.

2 WAAWITÁ 19:12

Xáy, munguaá xoorór Gosani nee Harani nee Resefu nee mukduú Edeni kudá' Telasárír hoót xoorduuká' taa hhaamiís nee taati'iieé', xáy inooín kaa /iísi nee munguii'ín?

ISAYA 51:3

Asma AAKOÓ MUNGÚ Siyoni ga gurkwa/as, wa/angwdá' sleémeero a hhiturumiit un amohhe'eés. Darmuuwós un adór Edeni tleéhh, xaanxaywós un adór asalmoó AAKOÓ MUNGÚ tleéhh, qwala/ nee bara/uuwo niri deerutiyá' baraawose sluufaay nee afór daa'aangw kari baraawósí axaas.

ESEKIELI 27:23

Yaamulouusér gixsadaá Harani, nee ar Kane nee ar Edeni nee mukduú Ashuru muruú tlaxuuma, nee oo Kilmadi, halaanu'uuma ana tlehhé' nee kiíng.

ESEKIELI 28:13

Ana Edenír wa hót, dír asalmoó Mungú, tuna qaalín ar tlaa/aá tlaxo uren, awa akiíki, nee topaási, nee yáspi, nee sabarajaádi, nee beriíli, nee sardoniíki, nee yakuúti-sirboo/, nee miisli, nee sumariídi. Tuna qaalín ar sahaábu hhohhó'. Muruuwí sleémeero kuna amohhe'eés as kuúng, iimír bál tuwa tleéhh.

ESEKIELI 31:16

Xoordu ina daaraxaás ar afór huu'umaawós, qoomár ngiwa yaamií daáhh baraá gi'i, dinkwa nee kudá' /e/etimá' baraá bohoongw, nee xaai sleémeero awa Edeni, xaa'aá hhohho' awa dimbé baraá Lebanoniro, kudá' taa eemiís ar ma'aay, kina gurkwa/amís baraadaá gi'iiwo.

ESEKIELI 31:18

«Hhohhoaarír xa'anoowí nee uraywós xa'anoó kur alqoomeesi i kaahh baraá asalmoó Edeniro. Hám daxta, xa'anoowí a kuúng waawutmo Farao. Kuúng tu yaamií kwaahh baraá gi'i dinkwa nee xaai sleémeero awa Edeni. Kuúng tari qát dinkwa nee mukdá' Munguú xuaaká, nee tari haraagwá' nee kudá' taa tsuú/ ar paánga. Adoorí an adór kuúng tay diri', aá Faráo, kuúng nee mukók. Anuú Aakoó MUNGÚ tí aga oó'.»

Yoeli 2:3

Adoodár asla ir /ayayiin, an adór ingigtí umuú gaaro ngir hhitiin. Amór aluuine kwaáo' yaamu asla gina /ák. Qoomár iwa hu'uká yaamu a adór Edeéni, alaá iwa hú', yaamu a adór xaanxaay. Gár /uw dir'ine i káhh.