IIMU/UUNGW 2:7 - Biblía Axweesantá Hhohho' ar Mungú 2004

⁷ AAKOÓ Mungú hee guri tleéhh ar hhape, guri hiinsluú slafíngw i ufaáhh, hee tari heé slaáf.

IIMU/UUNGW 2:7 Iomraidhean Croise

IIMU/UUNGW 1:27

Mungú hee guri tleéhh ar slaqsaywósuú kilá'. Hee guna tleéhh ar slaqsoó Mungú. Hhawaata nee /ameeni gina tleéhh.

IIMU/UUNGW 2:6

Kutli niri baraá yaamuú wa ti'ít, nee yaamu sleémeero giri naa/ás.

IIMU/UUNGW 3:19

Ar hamér gadiyér gawide muruú /aymaarók un /ák, ay dír ti ki/ baraá hhape. Asma kuúng tuna tleéhh ar hhape. Kuúng a hhape, nee baraá hhape an i kí/.»

IIMU/UUNGW 3:23

Naagáy AAKOÓ Mungú giri duúx baraá asalmooduú Edeniro, as yaamu ngiwa doosli, kudá' hhaper'ín inós kura tleéhh.

IIMU/UUNGW 7:22

Umuúqo gár hiinsluú slafíngw kooma, ar duungár hiinsla ina gwá'.

YOBU 27:3

Dír hiinslueé' ir kumiiti, nee dir qeeruú Mungú ir baraeéní kahhi,

YOBU 33:4

Qeeruú Mungú aníng ina tleéhh, nee hiinsluú Munguú Aleesleemusmo ina slafís.

YOBU 33:6

Ga/aaweek, aníng Mungú i dirií' adór kuúng wa ale, tam aníng sleeme tina tleéhh ar hhape.

YOBU 4:19

Ala daxta dír heé taa tleehhi ar baa/í mi máy, Inooín dír kiwa iihhaáf a baraá baa/í, Múk naanaga iqo hifuur.

WARA'AMI 100:3

Xuaak adór AAKO tar Mungú! Inós an kudá' atén taa tleehh, nee atén an mukós, atén an mukós nee bee/ángw qawtantós.

WARA'AMI 103:14

Asma inós ga xuu' adór atén ti diriiaan, nee ga insláy adór atén tar teerír tawo.

AXWEESANOÓ SAGALOOA 20:27

Muunuú hee a tsaa'astá AAKOÓ MUNGÚ, Umuú gaaro ar baraá heéwí dirii' gan tsee/aarín.

DAHARUSMO 12:7

Dír kuúng tara baraá hhapeérí ki/iká, nee dír qeeru ira ki/iiká amór Munguúdá' ngwa haniis.

DAHARUSMO 3:7

Qoomár fehhaamis nee qoomár hirit. Qoomár xasliita nee qoomár axweesani.

ISAYA 2:22

Hee mawaák, slafiingós i hootiiká, a adór hiinsla, inós gár kuwa haraafat a milá?

ISAYA 64:8

Hám daxta AAKOÓ MUNGÚ, kuúng an baabuúrén, atén an tleei, kuúng an tleeusmoorén, atén sleémeero a gadiyér dabaawók.

WA/AA/I 4:20

Kuduú iimu/úngw slafingwrén, kudá' taa iimbalaáx ar di/i nee AAKOÓ MUNGÚ, nguna baa'ar'ín ar oohiyé', kudá' tawa kaahaan, «Baraá xuumarose atén a tla/ángw xoordu un wa hootaán.»

ESEKIELI 37:5

Aakoó MUNGÚ aníng iri báy, Aníng kuungá' nun hinslií qaás, tari slafá'.

ESEKIELI 37:6

Aníng kuungá' nun dee/ár i qaás nee fu'unaywo, nee nuri tuuntuúk ar kaahari, nuri hinslií qaás, kuungá' tari slafá'. Daqaní kari tsahhá' adór aníng tar AAKOÓ MUNGÚ.»

SEKARIA 12:1

Kaangwí an geehhoeemaá axweesantá AAKOÓ MUNGÚ daanduú Israeli. Tí an tidá' AAKOÓ MUNGÚ kudá' doori ga hhaaf, nee iihhafirír yaamu ga qaas nee qeeruú hee gwaa baraawós i tleehh.

FAARO 16:22

Ala Mose nee Aroni tari gur'ér qaqtín tawa kaahi, «Aá AAKOÓ MUNGÚ Kudaádá' oo slafíngw muu sleémeero, xáy heé wák bira dakuús, aqo xooro sleémeero an i búhha?»

FAARO 27:16

«Aá AAKOÓ MUNGÚ, kuúng an iimu/úngw slafíngw umuúqo gár slafa. Aníng kuúng u firiím, hee qaaseek oo dinku'uumarók tí ga sagesihhmiít.

Yohana 20:22

Aluuwo tí ooaro ngiwa hhe'eés, giri i hiínsl, giri báy, «Qeeruú hhoohhoó' oo Mungú ilaoohaak.

Tlehhema'aá ya/Abuuse 17:25

Laqaá inós gár i slai i káhh, tidá' inós kura sagadiyuús ar dabaá muu. Asma inós an kudá' muu sleémeero gu slafíngw i hanmiís, nee hiinsla nee mura' sleémeero.

Rumi 9:20

Ala kuúng heé, kuúng a heemá, tiwa tlaampa'aamisa' nee Mungú? Gár taa tleéhh, tleehharusmoowós gunqo beéra, «Aníng misa adoorír tléhh?»

1 Korinto 15:45

Adoorí an adoodá' Gooi i kat sleeme, «Heeduú geera, Adam, inós kuna slaqwtá slaáf i haniís.» Ala Adamuduú alhhe'eesaay inós aa Qeeru tleehhiít, kudá' slafíngw hanmiís.

1 Korinto 15:47

Heé geera dír i dahhi a baraá yaamu, gár kura tleéhh a hhape. Ala heé tsár dír i dahhi a gawaá doori.

2 korinto 4:7

Ala ateéká' daqaari'iimarí koomá', atén a adór xooslaadár tleei. Mungú adoorí gana tleéhh, as kaangwí iwa geehhouy adór /uuruuwí úr amór i dahhi tar amooreneeká, ala a amór Mungú.

2 korinto 5:1

Asma atén a xuaán heémaarén tí tawa hootaan baraaká' yaamuwo, bira hhitirút, atén do' u koomaán gawaá dooriwo, kudaádá' Mungú aa tleéhh. Do'wí a doó alhhe'eesay wásl, oo taa tleehhiiká ar dabaá muu.

1 Timoteo 2:13

Asma Adam an heé taa geerií tleéhh, nee Hawa kari aluudá' wa tleéhh.

Ebrania 12:9

Baabi'iirén awa slaqwa atén tina muxiyé', nee atén inooín ngiri ilaiwawa/aán. Gawaá adoorihe a tsiníheéke Baabuúduú muneerén bura ak ilaiwawa/aán, as tawa slafaan.