IIMU/UUNGW 2:4 - Biblía Axweesantá Hhohho' ar Mungú 2004

⁴ Kaangwí an alki/ituú adoodá' doori nee yaamu kira tleéhh. Qoomaadá' AAKOÓ Mungú yaamu nee doori ngiwa tleéhh,

IIMU/UUNGW 2:4 Iomraidhean Croise

IIMU/UUNGW 1:1

Iimu/uungo Mungú doori nee yaamu ngiwa tleéhh,

IIMU/UUNGW 1:28

Mungú giri tsuúq, giri báy, «Laqwaalé', tlahhé', yaamu hatsiisaak, ki sawaawuti'iindá'. Siyó baraá tlawi kusa baaliliindá', nee tsir/ór gáwtí tlatlaawa, nee makaay sleémeero awa baraá yaamaá kaahaare.»

IIMU/UUNGW 1:3

Mungú iri oó', «Gwa/aateema i deeruutiye'.» Nee gwa/aateema niri deeruutiyé'.

IIMU/UUNGW 1:31

Mungú umuúqo gaaro ar aa tleéhh, gari ár naxés ka hhoohhoo'. Tay tsiindo tay matlaatle, tari baalár lahhoó'.

IIMU/UUNGW 1:4

Mungú gwa/aateema ngiwa ár, nguri qwal/atisiyé'. Naagáy Mungú gwa/aateema nee giwti giri paraátl.

IIMU/UUNGW 10:1

Tlahh'iiká' an xwaylár daaqoó Noa, ín Shemu nee Hamu nee Yafeti. Alaá tluwoó da/tene inooín daaqaay kuna laqwaál.

IIMU/UUNGW 11:10

Kuká' an xwaylár Shemu. Shemu kureeriiwós tawa tsiiru, Arpakshadi guri laqwaál, kureeraá tsár alaá tluwoó da/tene.

IIMU/UUNGW 2:3

Mungú baalaadár faanqw gana tsuúq, gari hhoohhoeés. Asma ina hungu/uús gadiyeeduwós kudá' sleémeero ngiwa hhe'eés awa tleehhamór doori nee yaamu.

IIMU/UUNGW 25:12

Kuká' an daaqoó Ishmaeli, kudá' Hagari ar Misri sagadiyuso'ór Sara aa dír Abrahamií xwayluúr.

IIMU/UUNGW 25:19

Kaangwí oo Isaka garmoó Abrahamu.

IIMU/UUNGW 36:1

Kuká' an xwaylár Esau. Umuuwós oo hatlá' a Edomu.

IIMU/UUNGW 36:9

Kuká' an xwaylár Esau, baabuú múk Edomu baraá yaamaá Seiri.

IIMU/UUNGW 5:1

Gaarí an umér xwaylár Adam. Baldá' Mungú hee nguwa tleéhh, guna tleéhh ar slaqsoó Mungú.

1 WAAWITÁ 18:39

Muu adoorí ngiwa ár tari gur'eérár qaqatín ta kaahi, «AAKOÓ MUNGÚ an Munguú ló', AAKOÓ MUNGÚ an Munguú ló'.»

2 QOM'I 20:6

Iri firín ar afór ur iwa kaahi, «Aá AAKOÓ MUNGÚ, Munguú baabi'iirén, kuúng a Munguú gawaá doori, xoordu sleémeero in sawaawuti'iín, kuúng a /uuruú koón nee aleesleemu, slamí heé kuúng u tlaampa'aás i kaahh.

YOBU 38:28

Xáy, tluwaay i baabuú kóna? Laqaá gár hara' ngu laqwlaaliim a milá?

YOBU 38:4

Kuúng dír ti diri' a diimá qoomár aníng niwa yaamaá iihhafiim? Ooang gimáy qoomaadae bar muruú xú'.

WARA'AMI 18:31

Mungú a heemá, aqo har AAKOÓ MUNGÚHEÉKE? Baqmoórén a heemá, aqo har Munguúréneéke?

WARA'AMI 86:10

Asma kuúng tu úr, kuúng an kudá' tlehhma'aá waa/oo/amór tlehhiít. Kuúng kilók an Mungú.

TI'INAANGW 15:3

AAKOÓ MUNGÚ an migusmoó slaqwara, umuuwós an AAKOÓ MUNGÚ.

TI'INAANGW 6:16

Daxta umeerí ar daaqoó Laáwi nee xwaylar'ín: Gershoni nee Kohati, nee Merari. Laáwi kureeri ngaa hoót a tsiiruú wák nee mibeeri tám nee faanqw.

ISAYA 44:6

AAKOÓ MUNGÚ waawutmoó Israeli, nee ba/amusmooín, AAKOÓ MUNGÚ Aleesleemusmo i kaahi, «Aníng an kuduú geera nee kuduú alhhe'eesaay Munguú hatlá' oo adór aníng i kaahh.

Geehhoeemaá 1:4

Anuú Yohane muruuwí una gooiím amór múk kríshaanáy oo baraá gixsadaá faanqw awa baraá yaamaá Asia. Tsuuqa nee wayda kudá' amór Mungú dahhá' masók i dinkwa nee kuungá'. Inós an kudá' dáw, nee kudá' qaroó daadáw, nee kudá' hardáh. Nee slám tsuuqaaká' nee wayda amór i dahhiya' a amór qeeremoodá' faanqw, kudá' dír geeraá kitaangós oo aleesleemuú i diriiá'.

Geehhoeemaá 1:8

Aakoó Mungú i kaahi, «Aníng an Alfa nee Omega, aníng an iimu/uungw nee alhhe'eesaay.» Aníng an kudá' qaroó dáw, kudá' daadáw, nee kudá' hardáh, kuduú Aleesleemusmoó mura' sleémeero.

Geehhoeemaá 11:17

tari oín, «Atén kuúng u sluufmiisaán, Aakoó Munguú Aleesleemusmoó mura' sleémeero. Kuúng a kudá' dáw nee kudá' qaroó daadáw iimír aange sleeme. Asma kuúng aleesleemuuwók kudá' úr ugwa ót nee aga waawuti'iín.

Geehhoeemaá 16:5

Aníng malaykamooduú aleesleemuú koóm daanduú ma'aaywo nguri axaás i kaahi, «Kuúsíng hhoohhoó', kuúng a kudá' dáw nee a kudá' qaroó daadáw. Kuúng a gan'amuú koón asma kuúng muruuwí kuwa sakwasleemút.