IIMU/UUNGW 2:16 - Biblía Axweesantá Hhohho' ar Mungú 2004

¹⁶ AAKOÓ Mungú heedaádá' guri hara'ayín guri báy, «Mamaá xaai sleémeero awa baraá asalmoowí i asleér /aymaaro,

IIMU/UUNGW 2:16 Iomraidhean Croise

IIMU/UUNGW 1:29

Mungú iri oó', «Ga/aawaagáy, mamaá dahaasíngw koomá' sleémeero kudá' naa ti'iitiye' baraá yaamuwo, nee xaa'aá mamaá koomá' awa dahaasíngw koomá' baraaine, sleémeero ngaa haniís as tawa muruú /aymarhúng.

IIMU/UUNGW 2:15

AAKOÓ Mungú heedaádá' guri huúw nee guri qaás baraá asalmoodá' ta bay Edeni, as nguwa doosli nee nguwa amohhe'eemisi.

IIMU/UUNGW 2:9

AAKOÓ Mungú xaa'aá daa'aweemaá dimbadimbé giri baraá hhapér wa titi'iís, xaa'aá hhohho' nee awa /aymár ya/aamá'. Nee baraá tla/ángw asalmoowo Mungú xa'anoó mamuuwós slafíngw hanmiisá' guri qaás. Nee xa'anoó mamuuwós xu'utír muruú hhó' nee oo tlákw laqaaqamá' guri malé qaás.

IIMU/UUNGW 3:3

Ala Mungú ina oó', ‹Mamaá xa'anoodá' baraá tla/ángw asalmií dirií' mi /ayaara', tam mi kwatiitara', as kahhó' daqaní a qatla'aaká.› »

1 Timoteo 4:4

Asma umuúqo gaaro ar Mungú aa tleéhh ka hhoo'. Slám ar si'imá wa hariim i káhh. Ala umuúqo gaaro gár kawa hariím masók a kan ilaoh ar sluufaay.

1 Timoteo 6:17

Mukdá' daqaari'iimár baraakaá' yaamu ga koóm ádbaweek matawa daara/án. Daqaari'iimar'ín tí makawa harahhiíf, asma i fák. Ala masók inooín Mungú ngun harahhifiyá', kudá' mura' sleémeero oo ta sla'aan ngu hanmiís ar yaareema.

1 SAMUELI 15:22

Samueli iri oó', «Xáy, AAKOÓ MUNGÚ ilahhooár da/a nee ilahhooár muruú ta tsu/i gan ak ló'wa slái, ta ilaiwa/amér afór AAKOÓ MUNGUHE? Qaytsiít ilaiwa/ame ka hhoo' ta ilahhooár muruú taa tsu/i, nee iialoeesa i waaráhh ta di/tá gwaandaaweero.