IIMU/UUNGW 2:1 - Biblía Axweesantá Hhohho' ar Mungú 2004

¹ Ala Mungú doori nee yaamu nee muruuwós sleémeero gay adoorír hhe'eés tleehhamooro.

IIMU/UUNGW 2:1 Iomraidhean Croise

IIMU/UUNGW 1:1

Iimu/uungo Mungú doori nee yaamu ngiwa tleéhh,

IIMU/UUNGW 1:10

Mungú didá' kaahaar gari báy Yaamu, didá' ma'aay ni burumburiitiyé' gari báy Tlawi. Mungú adoodá' aa tleéhh gari ár naxés ka hhoohhoo'.

IIMU/UUNGW 2:4

Kaangwí an alki/ituú adoodá' doori nee yaamu kira tleéhh. Qoomaadá' AAKOÓ Mungú yaamu nee doori ngiwa tleéhh,

2 WAAWITÁ 19:15

Inós AAKOÓ MUNGÚ guri firín iwa kaahi, «Aá AAKOÓ MUNGÚ, Munguú múk Israeli, kuúnguudá' kitaangók gáwtí dirií' dír keruúbiro, a har kuúng kilók Munguú ló', kudá' waawituú baraá daanduú yaamu sleémeero gu sawaawuti'i'iím. Kuúng yaamu nee dooriwo ina tléhh.

2 QOM'I 2:12

Hiramu iri malé oó', «AAKOÓ MUNGÚ i xirfuuti, Munguú múk Israeli, kudá' doori nee yaamu gaa tleehh. Inós waawutmo Daudi gwaa garmoó sagalooár koóm haniís, nee dahar, nee tsaahharo, as AAKOÓ MUNGÚ nguwa dó' i tleehhi nee do'ós oo waawuti'iima nguwa tleehhi sleeme.

NEHEMIA 9:6

Esra iri adoorír firín, «Kuúng kilók an AAKOÓ MUNGÚ an kudá' doori iga tlehh nee muruudá' sleémeero baraadá' hoota, yaamu nee umuúqo gár baraaká' hoota, tlawi nee muruú baraadae, kuúng an kudá' gi amohhe'eemiís as iwa kumiitiya' hotaango, nee daqtá gawaá doori sleémeero kuúng un sluufmís.

YOBU 12:9

Baraá muruusíng sleémeero gár ga xuaaká a gaalá adór AAKOÓ MUNGÚ muruusíng sleémeero ngura tleéhh.

WARA'AMI 104:2

Gwa/aateema ina tsít adór hiyáy wa ale. Doori ina intlát adór inqwaarír wa ale.

WARA'AMI 146:6

Kuduú tleehharusmoó doori nee yaamu, tlawi nee mura' sleémeero kudá' baraaíní diriia, tidá' sleémeero aa oó' gan boo/ees ay alhhe'eesay wasle.

WARA'AMI 33:6

Ar axweesantá AAKOOWO doori nina tleehharuutiyé', muruú gawaá doori sleémeero ina tleehharuút ar afkós.

WARA'AMI 33:9

Asma inós ngiwa oó' iri tleehharút, inós iwa ilawaáts iri deerút.

TI'INAANGW 20:11

Asma AAKOÓ MUNGÚ ina gadiyuús deelo lahhoó', yaamu nee doori gina tleéhh nee tlabeemo nee umuúqo gár dawa, ala bál faanqwe iri hungu/uús. Gawaá adoorihe AAKOÓ MUNGÚ baalár Sabaáto gari tsuúq, gari hhoohhooeés.

TI'INAANGW 31:17

Baalaarí a layár warqawaaká tla/ángw aníng nee xoorór Israeliro, asma anuú AAKOÓ MUNGÚ, doori nee yaamuwo ina tleéhh deelo lahhoó', ala bál faanqwe gadiyeé ana máw niri hungu/uús.› »

ISAYA 34:4

Slaqwaruusér gawaá doori sleémeero iri hhitirút, doori kiri adór slaambare/ír wá marmaar, slaqwaruusér doori sleémeero iri huuhu'uún, adór loo/ór sabiíbu ir pahhaahhat, nee adór loo/ór /aantsí ir huuhuaaiin.

ISAYA 42:5

Adoorí an adoodá' AAKOÓ MUNGÚ i kaahi, Inós an kudá' doori nee yaamu gaa tleehh giri intláh, Inós an kudá' yaamu gaa tleehh, umuúqo gár baraadá' i diriia, Kudá' múk baraá yaamu gwa hiinslií haniis, kudá' qeeruuwós gwaa haniis dír múk baraá yaamuú wa hoót.

ISAYA 45:12

Aníng yaamu ina tleéhh, hee nguri tleéhh oo gawaadá' gi hoót. Doori aníng ina hhaáf ar dabaaeé', nee muruudá' gawaadií dirií' sleémeero un baliít.»

ISAYA 45:18

AAKOÓ MUNGÚ kudá' doori gaa tleehh, inós a Mungú. Inós yaamu gina tleéhh, nee gin gawdeemiis. Gaa tleehhiiká as kiwa gaa wásl, ala gina tleéhh as kiwa hooti. Inós i kaahi, «Aníng a AAKOÓ MUNGÚ, Munguú hatlá' i kaahh.»

ISAYA 48:13

Dakw'eé' iihhafiirír yaamu gana qaás, nee dakw'eé' oo doó /iyayhe doori ina hhaáf. Qoomár bira ateét inooín nin dinkwaárií sihhiitiyá'.

ISAYA 55:9

Asma adoodá' doori kir saáw gáwtí ale ta yaamuwo, an adoodá' lohduueé' kir gáwtí saáw ta lohduhunge, nee inslaway'eé' ta inslawayhunge.

ISAYA 65:17

«Ga/aawaak, dooraá /aben nee yaamaá /aben i tlehhiít, muruú aáng ku male inslayká, sleeme u iitleesaaká.

YEREMIA 10:12

AAKOÓ MUNGÚ yaamu gina tleéhh ar /uuruuwós, ar sagalooaarose yaamuuká' gina gawdeés, ar fuquraangose doori gina hhaáf.

YEREMIA 10:16

Ala Munguú Yakobo a adór slaqsi'iikaeeká, asma inós umuú gaaro gana tleéhh, nee múk Israeli guna tsawaár tawa xooroorós. Umuuwós an AAKOÓ MUNGÚ Aleesleemusmo.

YEREMIA 8:2

Fadu kiri intlah dír tsee/amá nee slahhaangw nee tsatse/uú gawaá doori, dír muruudá' aáng inooín naa slaiyé' nee naa sagadiyusiyé', nee kudá' naa eehariyé' nee ngina hara'ayaárí lehhiitiyé', nee ngiri sluufmisiyé'. Faduuká' ki burumburiiká laqaá ki fooliiká', aqo nin meetiyá' gawaá daanduú yaamu adór tsuunkáy.

SEKARIA 12:1

Kaangwí an geehhoeemaá axweesantá AAKOÓ MUNGÚ daanduú Israeli. Tí an tidá' AAKOÓ MUNGÚ kudá' doori ga hhaaf, nee iihhafirír yaamu ga qaas nee qeeruú hee gwaa baraawós i tleehh.

Luka 2:13

Naxés siiwadár kilae daqtá yaariir ar malaykér gawaá doori ta dinkwa nee malaykamoodá', ta Munguú xirfayeemiis, ta kaahi,

Tlehhema'aá ya/Abuuse 4:24

Adoorí kawa axaás, Mungú kuri firín ar muunuú wák, tari oó', «Aáko, kuúng a Mungú, kuúng an kudá' doori nee yaamu nee tlawto iga tlehh, nee umuúqo gár dawa.

Tlehhema'aá ya/Abuuse 7:42

Mungú iri gurhaamuút, giri geexáy as murslaaqatuuín nguwa xirfayeemisiya', adoodá' kara gooín baraá kitaábuú aaruuseero tawa káh, ‹Kuungá' múk Israeli, hikwaadá' taa tsu/é' nee ilahhooadár muruú ta tsu/i tidá' taa hanmisé' kureeridá' mibeeri tsiyáhh baraá xaanxáy wa ale, ngina aníng i hanmisí'i?

DABE 17:3

inós munguaá hatlá' giri sagadiyuús nee giri sluufmiís, nee sleeme tsee/amá, nee slahhaangw tam tsatse/uú gawaá doori guri sluufmiís, kudá' aníng naa ooiiká kuwa sluufmisá',

DABE 4:19

Ti ló'wa harmagahhe' tam qoomár bara qaytsité' gawaá doori, looa nee slahhaangw nee tsatse/ nee mura' sleémeero oo gawaá doori bura aandé' munduwa gee/aásl, as kuwa fiririinda', nee kuwa sagadiyusa' adór Mungú ló'wa ale. Muruuwí AAKOÓ MUNGÚ guna máy dír múk hatla' as nguwa sagadiyuusi.

Ebrania 4:3

Ala ateéká' aga haratlintiiaan, atén a dahaán baraá hungu/umaadá'. Asma Gooi kángw hungu/umaaká gu kát, «Aníng aga buúhh, lo'o ngiri /aay niwa kah, ‹Mukwí i baloó dahiiká baraá hungu/umaaeene.› » Mungú adoorí gana oó', tam gadiyeérós sleémeero ngaa hhe'eesi iimír yaamu kiwa tleéhh.