IIMU/UUNGW 19:5 - Biblía Axweesantá Hhohho' ar Mungú 2004

⁵ Loti kuri ateét, kuri báy, mukdá' xweerakae naa hardah i amá. Amoorén i duuxang as atén nee inooín tawa fuqusaan.

IIMU/UUNGW 19:5 Iomraidhean Croise

IIMU/UUNGW 19:6

Loti iri amor'ín i ti'iít afkú do', guri alií tseék.

1 WAAWITÁ 14:24

Gár ló'wa tlaakw a tí, hhawaate nina fuquusiyé' nee hhawaataá hatlá' baraá Doó Munguhe. Tlehhma'aá hatlá' awa Mungú i waki ngina tleehhiyé', adoodá' xoordaá hatlá' ta tlehhahhiti, kudá' AAKOÓ MUNGÚ aa guús baraá yaamuudá' wa ale, dír geeraá múk Israeli.

1 WAAWITÁ 22:46

Hhawaataá nee awa hatlá' fuquusá' kudá' naa meetiye' qoomaadár baabuúwós Asawo, Yehoshafati gina hingeés baraá yaamuuwose.

ISAYA 1:9

Barnaxes AAKOÓ MUNGÚ Aleesleemusmo, atén taa panáy meetisiiká, atén aga adór Sodoma tleehhitaán, a slaqamís nee Gomora.

ISAYA 3:9

Gitsee/er'ín baraá aán gár ir lamabu'uun a tlakweemaaín kudá', adór kuqaá Sodoma, slám ki lu/u/unká. Mukwí a tsaxwaaín, asma hhintleemooín ngaa tlakweemár ayé'.

YEREMIA 3:3

Gawaá adoorihe baafáy i taxatiiká, tam tluwoó saxi i tluwiiká. Tam adoorihe ilaahúng ki gawden adór kuqaá tsaatuso'o, mure tam ar niiná i káhh.

YEREMIA 6:15

Xáy, qoomár tawa tlehhma'aá slasla/aren tlehhiiti mure ka ara'ári? Aasla'áy, mure ka ara'ariiká tam ar niiná. Tam adór baraá gitsee/er'ine ngir laqana' ngi xuiaaká. Gawaá adoorihe inooín ta alhuu' nee kudá' huuhu'uumá' qoomár bira slaáhh ngiri hhaamiís. Anuú AAKOÓ MUNGÚ tí ngina oó'.»

ESEKIELI 16:49

Dakuúsár hho'oorók Sodoma a tí. Inós nee dasuuwós muruú /ayma nee balángw yaariír nguwa slayé', daara/ángw yaariír gina áy, tari pora/amuút, kudá' dabe kaaharen alee/iisaro ngina gunqareesiyé'.

ESEKIELI 16:50

Inooín tana daara/uút, muruú buhhtamís nguri tleehhiyé' dír ilaeé wa ale. Gawaá adoorihe ngiri wa'aá wák ar hhaamiís, adoorí ngiwa ár.

ESEKIELI 16:51

«Ala Samaria tam tlaqtá tlakweemaá adór kók gaa tlehhká. Kiíng muruú yaariír oo buhhtamís ugwa tléhh ta inooine. Barnaxes tlakweemaawós in alqoomeemesa nee awa hhaeewók, tlakweemaaín a gaarooká ta koge.

TLAHHOÓ LAÁWI 18:22

Ma baloó fuquusara' nee hhawaata adór /ameenír wa aleeró, adoosíng ka waak.

TLAHHOÓ LAÁWI 20:13

Bar hhawaata nee hhawaatuú hatlá' naa fuquusiyé' hariímár /ameenír wa alé, i hariín tsaraawo kiwa tsu/i, asma gár slasla/aar kaa tleéhh, nee tseerduuín i gawaá daandeemooín.

1 Korinto 6:9

Ahaá kuungá' a xua'akáhe adór /aytuuse waawuti'iimár Mungú ngir baloó alká? Kuungá' miti kiloohúng al/agiimara'. Múk tsaatuuse waawuti'iimár Mungú ga aaliiká, laqaá tam múk munguaá hatlá' haratlintaatií', nee tam fuquuse, laqaá hhawaateedá' nee hhawaataá hatlá' fuquusá', laqaá /ameenadá' nee /ameenár hatlá' fuquus,

DABE 23:17

«Heé Israeli oo hhawaata laqaá /ameeni i baloó harinká iwa fuquusi dír doó munguaá hatlá' wa aleeró.

1 Timoteo 1:10

Nee kana qaás as fuquuse nee as hhawaateedá' fuquusá' nee hhawaataá hatlá', laqaá /ameenár fuquus nee /ameenár hatlá', nee slám kana qaás as mukdá' muu gu halaanu'uumárár tlehhiít nee lamuuse, nee mukdá' tawó lo'ór huwahuúw. Nee hara'aya kana qaás as daanduú umuúqo /aymuuwo oo nee intsaahhasár ló' ti slaslaawa'aaká.

2 Timoteo 3:13

Ala múk tlákw nee al/aymuuse ta ak geerií kumiit baraá tlakweemaawo. Inooín in al/aginá', nee slám inooín awa kilá' kaa al/aáy.

2 Petro 2:2

Múk yaariír inooín gi eehar baraá slafingw'ín kudá' slasla/aare, nee loohidár looeema ka /ooslislín as inooín.

2 Petro 2:7

Ala Mungú Loti guna ba/amís. Inós a heé hota ganaá'. Inós kuna daawitimiís nee slafíngw slasla/arén oo mukdá' tlákw oo yaamuudá' wa hoót.

Yuda 1:7

Múk gixsár Sodoma nee Gomora inslawaak sleeme, nee múk gixsadaá hatlá' awa bihheedií tsewen. Inooín sleeme adoodár malaykeedá' kana tleéhh, tsaatu'uuma kana eehár, ilatleerír tlakw baraá slaqooine ina baaliín, tam tsaatu'uumadár tlakw ar iringeé kana tlehhiít. Mukwí kwaa sakwasleemuút baraá aslá alhhe'eesoó koomaaká as tawa slaqsaay tleehhiti dír múk hatlae.

HAR'OHUUSE 19:22

Qoomár tawa qwalaala/i, múk gixsadá' oo barawaslén doó heedaádá' nguna harweeriyé' bihhe sleémeero, nay ateetiyé' baraá do', tay axweés nee aakoó do' loó', kway báy, «Heedaádá' naa do'ógií qatuú ay, tsee/í duuxang as kahhó' nee atén tawa fuquusaan.»