IIMU/UUNGW 19:34 - Biblía Axweesantá Hhohho' ar Mungú 2004

³⁴ Bál tsár dasír ur ar niina gana beér, «Ga/aaweek, aníng ana alqaataán nee baabá /isá'. U malé wahaasaán xweerakaákae, kiíng ta dát, ta qát dirós, as na/ii kiwa slawaan.»

IIMU/UUNGW 19:34 Iomraidhean Croise

IIMU/UUNGW 19:33

Baabuúín kuri wahaás xweeradaádae, dasidá' ur iri qatuú eér dír baabá, tam inós gár i xui i káhh, qoomár iwa qatuú eér, tam qoomár iwa tleér.

IIMU/UUNGW 19:35

Baabuúín nguri malé wahaasiyé'. Xweerawo tidá' niina iri tleér iri qatuú eér dír baabá, ala baabá gár i xui i káhh qoomár iwa qatuú eér, tam qoomár iwa tleér.

ISAYA 3:9

Gitsee/er'ín baraá aán gár ir lamabu'uun a tlakweemaaín kudá', adór kuqaá Sodoma, slám ki lu/u/unká. Mukwí a tsaxwaaín, asma hhintleemooín ngaa tlakweemár ayé'.

YEREMIA 3:3

Gawaá adoorihe baafáy i taxatiiká, tam tluwoó saxi i tluwiiká. Tam adoorihe ilaahúng ki gawden adór kuqaá tsaatuso'o, mure tam ar niiná i káhh.

YEREMIA 5:3

AAKOÓ MUNGÚ gár i leelehhiiti a inkihhimu. Iga mak múx kár ala naa faxati'iiká. Ina mak da/aa/aán ala nanaaqa ngaa ya/ani'iiká. Inooín ki mune gawden tlaa/a ba/a, nee tlakweema hhu'u'uungo naa si'iyé'.

YEREMIA 6:15

Xáy, qoomár tawa tlehhma'aá slasla/aren tlehhiiti mure ka ara'ári? Aasla'áy, mure ka ara'ariiká tam ar niiná. Tam adór baraá gitsee/er'ine ngir laqana' ngi xuiaaká. Gawaá adoorihe inooín ta alhuu' nee kudá' huuhu'uumá' qoomár bira slaáhh ngiri hhaamiís. Anuú AAKOÓ MUNGÚ tí ngina oó'.»

YEREMIA 8:12

Kuungá' tunda mureekeési qoomár muruudá' ta waki kuwa tlehhité'. Aasla'áy, kaa mureekesiiká, tam mureekesoó niiná ngwaa slay'iiká. Gawaá adoorihe inooín i huuiyá' baraá tla/ángw mukdá' aa huuhu'un. Qoomár bira sakwasleemút ta hhán. Anuú AAKOÓ MUNGÚ tí ngina oó'.»