IIMU/UUNGW 19:3 - Biblía Axweesantá Hhohho' ar Mungú 2004

³ Loti giri harhhehhe'eemiís ak alé. Inooín niri ya/ané', niri dahiyé', baraá do'. Loti giri muruú /aymár i tleéhh, gina mikaáteedá' taa sluuftisiiká i tleéhh, inooín nay /ayiné'.

IIMU/UUNGW 19:3 Iomraidhean Croise

IIMU/UUNGW 19:2

Loti giri báy, «Bariiser'eé', na'asé' do' awaare'. Na'asé' dahaaré' baraá doó lawaalmoohúng i alé, ni delá'. Ya'aahúng hamaatlaak, daqaní matlaatlér boo/e ta tseewa tleerá', ta kumiitá' aaiiwo.» Malaykeedá' tari oó', «Aasla'áy, a adoosingeeká, atén looa a tsee/aá wa tleesaán.»

IIMU/UUNGW 21:8

Na/aay iri uráy, kuri /oomeés, Abrahamu deelór ur gari tleéhh, baalaadá' Isaka kuwa /oomeés.

IIMU/UUNGW 24:31

Labani heedaádá' guri báy, «Baraá do' i dahang, kuúnguusíng taa tsuúq nee AAKOÓ MUNGÚ. Ahaá waáy, mas tsee/aá wa sihhimít? Qatuwók ugwa amohhe'eesaán, nee dír angamíaro.»

IIMU/UUNGW 26:30

Naagáy Isaka giri muruú /aymár i tleéhh, inooín tari al/ayín, tari wahán.

2 WAAWITÁ 4:8

Looarka wake Elisha ina Shunémúr káy, /ameenirkar daqaarito'o do'ós i baraá ayaadá'. /Ameenidá' Elisha guri dah'ís dír muruú /ayma. Iimidá' Elisha kuwa dah'ís in do'odá' wa /ayaayín bir sawaaraahh.

TI'INAANGW 12:15

«Mikaátér taa sluuftisiiká an /agá' deelo faanqw. Bál geeraawo muruudá' taa sluuftís sleémeero un duxá' baraá marayhunge, asma umuúqo heé gár taa sluuftís gaa /aay iimír bál geraá wá ale ay bál faanqw, heé adoosíng a tlatlahhasa baraá xoorór Israeliwo.

TI'INAANGW 12:39

Muruú /aymár taa amohhe'eés i kaahh qoomár tawa tlatlay asma kararaslaay, ala mikaáte ngina tleehhiyé' ar puuruúdá' taa sluuftisiiká.

Luka 11:8

Án a kah, ala tam heedaádá' tleemu ngu slaiikahe as mikaáteedá' ngiwa haniisár ay, as heedaádá' tawa mulqumoowós, ala as heedaádá' iwa kumiiti firooro, in tláy nee gay haniisár áy hariímaarós tidá' inós i slai.

Luka 14:23

Aakoodá' iri oó', ‹Tláw, ti'iít tsee/áy alé ay baraá luhuudaá uren nee baraá irwadu, muu harhhehhe'eemisang iwa baraá dó' i dahi, as dooeé' iwa hatsi.

Luka 5:29

Laáwi muruú /aymár yaariír guri tleéhh dír do'ose as Yesu. Boo/oó úr oo ohomuusér koódi nee múk hatlá' oo nee inooín taa al/ayin i deer.

Yohana 12:2

Yesu kuri deelór úr i tleéhh amoodá' wa ale. Marta guri sagadiyús, nee Lasaro a heé wák dír mukdá' aa dír muruú /aymár i iwiiti.

1 Korinto 5:8

Gawaá adoorihe atén deelór ur masók an tleehhaán. Ala mawa tleehhaán ar mikaáteedár aáng taa sluuftimís, tidár tlakweema nee slasla/aruwo. Ala masók deelór ur an tleehhaán ar mikaáteedá' /aben ar taa sluuftisiiká, tidár hhohhoaari nee looeema.

2 korinto 5:14

Asma sla'aarír Kristo atén tin harakeemís, asma atén aga tsaahhaán adór heé wák ira gwaá' as muu sleémeero, gawaá adoorihe muu sleémeero ina qaátl.

Ebrania 13:2

Ma gunqaruutara' dahaaye kawa dahi'iimisa' baraá marayhunge. Asma awa adoorí ngaa tlehhiitiye', daqtakaaro malaykér Mungú ngaa dahi'isiyé', ala inooín kaa xuiiká.

HAR'OHUUSE 6:19

Gideoni iri tláy, iri dáh baraá do'ós, deelmoó leei guri gaás, nee puuruú deébe guri sláy, mikaátér taa sluuftisiiká gari tleéhh, fu'unaydá' giri qaás baraá lakwaanti, ma'aá fu'unaay giri qaás baraá qataai, giri dír gamuú ta/eewírií huúw, giri haniís.

1 SAMUELI 28:24

/Ameenidá' damarós tooka wák ar aa wahhat ga koón dír do'o, gana adaá gás ar gaanslaay, puuruú angaáno guri taatáhh, guri lufú/, mikaátér taa sluuftisiiká gari tléhh.