IIMU/UUNGW 19:29 - Biblía Axweesantá Hhohho' ar Mungú 2004

²⁹ Ala Mungú yaamuudá' ngiwa hhitín, Abrahamu guna insláy, Loti guna hiingeés baraá yaamudae, as Loti munguwa qwaareés dinkwa nee múk yaamuudá'.

IIMU/UUNGW 19:29 Iomraidhean Croise

IIMU/UUNGW 11:27

Kuká' an xwaylár Tera. Tera an baabuú Abramu, nee Nahori nee Harani. Harani Loti guri laqwaál.

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

IIMU/UUNGW 30:22

Mungú Raheli gari insláy, gari iiárií qaás, gari xwaylárí haniís.

IIMU/UUNGW 8:1

Ala Mungú Noa guri insláy nee makaydá' baraá miringamoó i diriiá'. Mungú fur'ár ur gari ya/aáw gawaá daanduú yaamu, ma'aay nay /aaruyé'.

NEHEMIA 13:14

Aá Munguúeé', án inslawáng baraá muruuwihe, tlehhmi'iieé' kudá' hho' naa tleehhahhiít as do'ók nee as gadiyeérók mi fitsaar.

NEHEMIA 13:22

Múk tlahhoó Laáwi una ádbáw tiwa kilooín hhohhoeesiya', niwa hardihiya' afér gixsa ngiwa xuna deelór Sabaátór hhoohhooe. Munguúeé', án inslawáng, tam tihe, gurtlawáng ar harqoomoó yaareemaá sla'aarirók tidá' warqawaaká.

YOBU 35:8

Tlakweemaá kuúng ta tlehhit, heé i slahh'eesiya' a heé adór kuúng, nee hotaawók awa ganaa'á', hee ngun tu/iyá'.

WARA'AMI 105:42

Asma al'axweesantós ar hhoohhoo' gana insláy, tidá' aa oó' dír Abrahamu sagadiyusmoowós.

WARA'AMI 105:8

Inós alqadoorós ga baloó gunqaresiiká ay kureeraá kureér, hara'ayaarós tidá' aa oó' gan boo/eemaamiis umuúqo qarto.

WARA'AMI 106:4

Aníng inslawáng, AAKOÓ MUNGÚ, mukók bur hhooeemaawógí tlehhít, alee/iisáng qoomár bar mukók ba/amiimís.

WARA'AMI 136:23

Kudá' atén taa inslay baraá daqatlakwerene, Asma sla'aarirós i warqeeraaká ay alhhe'eesay wasle!

WARA'AMI 145:20

AAKOÓ MUNGÚ kudaádá' sleémeero ngu sla'á' gin amohhe'eemiis, ala tlakuuse sleémeero gan qwaarees.

WARA'AMI 25:7

Tlakweemaeé' nee dee/aanuueé' awa iimír án tawa masoomo mi inslawaar, aá AAKOÓ MUNGÚ, án inslawáng ar har qoomoó sla'aarirók ar warqawaaká asma hhooeemawók.

ESEKIELI 14:16

Tam geera mukwí tám bar in deero baraá yaamuukae, lo'o an /aáy ar umuueé', anuú AAKOÓ MUNGÚ, tam na/ii'ínaá kilá' /iisaro ngi aleeslay'aaká, tam na/oó garma laqaá oo dasi, aqo har inooín kilooín kin ba/amis, ala yaamuudá' aqo in deewaaiyá' adór panmo.

HOSEA 11:8

Aá múk Efraimu adór nur geexaw? Án kuungá' múk Israeli adór nur sii'? Adór ngir aslaw nuwa adór gixsár Adma tleehh? Adór ngir aslaw nuwa adór gixsár Seboimu tleehh? Muunaáeé' aa warqáy, guruueé' aa ló'wa tláy.

DABE 7:8

Ala AAKOÓ MUNGÚ kuungá' nuna slaá' asma al'axweesantadá' aáng aa alqadín dír baabi'iihúng, an gár nusa ba/amís ar /uuruuwós kudá' úr, nee nuri baraá lawaali'iimár wa tuú/, baraá dabaá waawutmo Farao oo Misri.

DABE 9:27

Inslaweek sagadiyuuseerók Abrahamu, nee Isaka, nee Yakobo. Kuúng sagagawduú mukwí mu gaárí xuaar, laqaá tlakweemaaín mi gaárí xuaar, nee dakuúsar'ín.

DABE 9:5

Yaamuuín kuungá' i ala'aaká as kuungá' tawa hota gana'a', laqaá munerhúng kawa hhohhó', ala AAKOÓ MUNGÚ, Munguúhúng mukwí gun geeraahúng wa gusiisín, asma inooín kiwa tlákw, nee axweesantós tidá' aa lo'ór wa /aáy dír baabi'iihúng, Abrahamu, nee Isaka, nee Yakobo gan gawdeesár wa slaa'.

2 Petro 2:7

Ala Mungú Loti guna ba/amís. Inós a heé hota ganaá'. Inós kuna daawitimiís nee slafíngw slasla/arén oo mukdá' tlákw oo yaamuudá' wa hoót.