IIMU/UUNGW 19:21 - Biblía Axweesantá Hhohho' ar Mungú 2004

²¹ Kuri báy, «Ga/aaweek, tam /aymuusíng naa ó' ugwa ya/aám. Gixsasíng naa ó' a qwaareesaaká.

IIMU/UUNGW 19:21 Iomraidhean Croise

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

IIMU/UUNGW 18:24

Bar múk mibeeri kooán oo hota ganaá' bir deer baraá gixsaro, yaamu i qwaarésa sleeme, i meerakáhe as mukduú mibeeri kooán oo hota ganaá' oo baraadá' i dirií'.

IIMU/UUNGW 19:20

Ga/aaweek gixsarí diirí tseew aníng a i goów. Inós ka niina, xaa ya/aám aníng niwa baraaqií goow, xáy, gixsarí ka niináweéke? As aníng hhiintlueé' nguwa tuu/.»

IIMU/UUNGW 19:22

Gimáy, ti ba/amis amoosií alé. Asma gár ni tleehh i ala káhh ay dír tay dat baraasí alé.» An gár gixsadá' kasa báy Soari.

IIMU/UUNGW 4:7

Xáy, bar gár hhoo' aga tléhh, ya/aám a sleerakáhe? Nee bar gár hhoo' aga tlehhká, tlakweema i dayá', i kuúng ilatleeruusiyá' as uwa arba/iya', adór makiito'ór xaraasl ar afkú dó' wa daamaraam, ala kuúng tlakweema na arba/eek.»

WARA'AMI 102:17

Múk aa haleeleeiit gu iiárií qaas, nee firor'ín ga si'iiká.

WARA'AMI 145:19

Kudaádá' ngu ilaiwawa/á' gi qáy tidaádá' i slaiia, /aa/eeín gi axaas giri ba/amiis.

WARA'AMI 34:15

Asma ilaá AAKOÓ MUNGÚ i dír mukdá' hota ganaa'á', nee firor'ín ga axamiis.

TI'INAANGW 33:17

AAKOÓ MUNGÚ Mose guri báy, «/Aymuusíng taa ó' i qón, as aníng kuúng uwa gurií baá/, nee umuuwók nguwa xuú', adoosíng kuúng ta kat ngi tleéhh.»

YEREMIA 14:10

AAKOÓ MUNGÚ daanduú mukwihe i kaahi, «Ar ló' inooín leehaád nguna intsaahhiyé', ala inooín ta hintiqisiiká tlakweema tlehhtuuwo. Gawaá adoorihe anuú AAKOÓ MUNGÚ inooín i ilaohaaká. Tlakweemaín i gunqaresaaká, nee in sakwasleemuút as tlakweemaaín.»

Matayo 12:20

Daaír aa qwaambit ga geeqayká, slám taámbír quu' ga gaasiiká, ay dír kwasleemár ganaa' tidá' inós i huwi i baaliin.

Luka 11:8

Án a kah, ala tam heedaádá' tleemu ngu slaiikahe as mikaáteedá' ngiwa haniisár ay, as heedaádá' tawa mulqumoowós, ala as heedaádá' iwa kumiiti firooro, in tláy nee gay haniisár áy hariímaarós tidá' inós i slai.

Ebrania 2:17

Gawaá adoorihe inós gár kuwa hariím, a kun adór hhaeewós tleehh baraá mura' sleémeerowo, as kahhó' inós masók a kaahamusmooín oo úr, oo Mungú kudá' gurtleemuú koóm nee oo inkihhím baraá kángw Munguhe, nee ilaahhooár haraki/isa ngiwa haniisi as tlakweemaá mukós ngiwa hingeesi.

1 SAMUELI 25:35

Daudi muruudá' sleémeero Abigaili i koon guri óh, gari báy, «Kiíng waátl amór do'ók ar wayda, ga/aaweek tidá' kiíng naa aníng beér aga axaás, nee firoorók aga ilaóh.»