IIMU/UUNGW 19:17 - Biblía Axweesantá Hhohho' ar Mungú 2004

¹⁷ Qoomár kiwa tsee/ií duúx, malaykamoó wák iri oó', «Goów, slafiingók ba/amiseek, ló' ma alií qaytaar, tam sleeme ma dír wák i sihhiitaar baraá xatstihe, ti ba/amis gawaá tloomaarí alé, as tawa gwa'aká.»

IIMU/UUNGW 19:17 Iomraidhean Croise

IIMU/UUNGW 13:10

Loti iwa qaytsiít, xatstá Yordani gana ár ay gixsár Soari, i ma'aá koón umuúqo diiro, adór asalmoó Mungú, nee adór yaamaá Misri. Qoomaarí a qoomár AAKOÓ MUNGÚ Sodoma nee Gomora ngiwa qwaareesiiká.

IIMU/UUNGW 14:10

Nee baraá xatstá Sidimuro boh'ér laámi ka ur. Waawituú Sodoma nee oo Gomora niwa ta'aainé', nay /e/etiné' baraadí alé, ala kudá' hatlá' naa meetiye' tana gawaá tlom'ií goów.

IIMU/UUNGW 18:22

Naagáy mukdá' iri amoodá' wa tláy, nay Sodomár xuiyé', ala Abrahamu ina sihhiít dír geeraá AAKOÓ MUNGÚ.

IIMU/UUNGW 19:18

Loti giri báy, «A adoosingeeká, bariiser'eé'.

IIMU/UUNGW 19:22

Gimáy, ti ba/amis amoosií alé. Asma gár ni tleehh i ala káhh ay dír tay dat baraasí alé.» An gár gixsadá' kasa báy Soari.

IIMU/UUNGW 19:26

Ala harér Loti ina alií qaytsít, iri uhmoó diwi tleehhít.

IIMU/UUNGW 19:30

Loti iri iimír Soari wa tsa/án, iri baraá mar'ír wa hoót gawaá tlooma, inós dinkwa nee dasuuwós kudá' tsár, asma ina da'ayuút iwa yaamaá Soarír wa hooti.

1 WAAWITÁ 1:12

Gimáy, án garka ngi oó', iia qaaseek as kiíng nee garmaawók Solomon tawa tu/uta'.

1 WAAWITÁ 19:3

Eliya iri da'ayuút, iri goów as slafiingós nguwa /iisi. Sagadiyusmoowós nee inose tari tláy ay Be'er-sheba baraá yaamaá Yuda, sagadiyusmoowós guri didaádá' i geexáy.

WARA'AMI 121:1

Ana qaytsiít gawaá sagér tlom'ií ale, Alee/isay'eé' amór i dahhi a amá?

YEREMIA 48:6

/Akumiité', hhintleemoohúng tu/aak, ta'aaimé' adór daqoó aa nariis oo baraá xaanxaay.

FAARO 16:26

Iwa hardáh, muu guna báy, «Quutlé' dír heemadaá mukwí tlakwe, gar'ín tam ar wák ma kwatiitara' as mutundwa hhaamiís as tlakweemaaín sleémeero.»

Matayo 3:7

Múk yaariír oo Farisayo nee oo Sadukayo kuna i daqáy, as ngiwa baatimiisi. Ala Yohane ngiwa ár giri báy, «Kuungá' xwaylár dáyshe, heé kuungá' naa gurbuu' sakwasleemár hi'iit kawa ilagogoba'?

Luka 12:23

Asma slafiingw a gár afhhamít ta muruú /aymaaro, nee slaqwa a gár afhhamít ta tsitaywo.

Luka 9:62

Yesu guri báy, «Heé kurmoó doosla gwa oh, aluuwo iri alií xumiis, waawuti'iimár Mungú ga hardahasiiká.»

Ebrania 2:3

Gawaá adoorihe atén sakwasleemaro adór tar /uwaan a adoomá, bar ba/amár ur ar adór tí a gaárií xuanaaká. Ba/amarí geeraawo kana alki/iít nee Aako inósuú kilá'. Nee aluuwo kingiri diréní lamabu'ún nee mukdá' gaa dír Aakoó wa axaas adór tar ló'.

1 SAMUELI 19:11

Xweeraadaá kilae Saulo ya/abuuseerós gana ya/aáw doó Daudi nguwa xuumár eer, as kahhó' nguwa gaasi matlaatleero. Daudi hareerós Mikali guna beér, «Gám slafiingók bura /iská laarí xweeraakae, matlo tu gaas.»