IIMU/UUNGW 19:16 - Biblía Axweesantá Hhohho' ar Mungú 2004

¹⁶ Naxés Loti i hhawahhaaw, naagáy malaykeedá' Loti guri dawa ót, nee dákw hareerós nee dabaá dasuuwós kudá' tsár, ar adór AAKOÓ MUNGÚ ngura gurtláy, kuna duúx baraá gixsaro.

IIMU/UUNGW 19:16 Iomraidhean Croise

IIMU/UUNGW 19:15

Qoomár matlaatlér boo/e malayke Loti guri harakés, i kat, «Tláw, kuúng nee hareerók nee dasuuwók kwí tsár diirí dirií', ma qwaarara' baraá tlakweemaá gixsarí.»

IIMU/UUNGW 43:10

Asma geera bar aga tligaaniikahe, geera alók aga qaroó daqawán, niri qaroó ki/aán ki/imaá tsare.»

1 QOM'I 16:34

AAKOÓ MUNGÚ sluufmisaak asma inós ku hhoó', sla'aarirós ar warqawaaká in kumaamít ay alhhe'eesay wasle.

WARA'AMI 103:13

Adoodá' baabá na/iiwós ngir gurtlatlay, an adoodá' AAKOÓ MUNGÚ mukdá' ngu ilaiwawa/á' ngur gurtlaatlay.

WARA'AMI 106:1

AAKOÓ MUNGÚ xirfayeemisaak! AAKOÓ MUNGÚ sluufmisaak asma ku hhoó', asma sla'aarirós ar warqawaaká i baloó fakká!

WARA'AMI 106:8

Ala tam adoorihe gina ba/amís as umuuwós, as aleesleemuuwós oo úr nguwa laqan.

WARA'AMI 107:1

«AAKOÓ MUNGÚ sluufmisaak, asma ku hhoó', asma sla'aarirós ar warqawaaká i kumamít ay alhhe'eesáy wasle.»

WARA'AMI 111:4

Inós aleesleemu guna haniís oo tlehhmi'iiwós kudá' waa/oo/amo kiwa inslasláy. AAKOÓ MUNGÚ i hhooeemaá kón nee gurtleemuwo.

WARA'AMI 118:1

AAKOÓ MUNGÚ xirfayeemisaak, asma ku hhoó', sla'aarirós ar warqawaaká i kumamít kureerisleém!

WARA'AMI 119:60

An gaansluút, a tligaaká hara'ayaarók ngiwa oh.

WARA'AMI 136:1

AAKOÓ MUNGÚ sluufmisaak asma ku hhoó', Asma sla'aarirós i warqeeraaká ay alhhe'eesay wasle!

WARA'AMI 32:10

Heé tlakusmo muxtár yaariir ga sláy. Ala heé AAKOÓ MUNGÚ gu harahhiíf kwaa harweér ar sla'aarír warqawaaká ar AAKO.

WARA'AMI 33:18

Ga/aaweek, iltá AAKOÓ MUNGÚ i dír kudá' ngu ilaiwawa/á', kudá' sla'aarirós ar warqawaaká ngi harahhifá',

WARA'AMI 33:19

as inooín ngiwa tu/i baraá gwa'araro, nee ngiwa /iisi qoomár giyeede.

WARA'AMI 34:12

A heemá heé slafíngw slaá'? A heemá heé hootaá amohhooa awa deelór yaariir gi slaá'?

WARA'AMI 86:15

Ala Aáko, kuúng an Munguú gurtleemu nee oo qeemu, tu inslaahheeká buhhtaawo, a háts sla'aarír warqawaakahe nee inkihhimuwo.

WARA'AMI 86:5

Kuúng tu hhoó', Aáko, tu amohhoó' gurtleemuwo, nee sla'aarirók i warqeeraaká, dír kudá' sleémeero kuúng u ateetima'a.

TI'INAANGW 34:6

AAKOÓ MUNGÚ iri waaraáhh ar dír geeraá Mose, iri malé oó', «Aníng a AAKOÓ MUNGÚ, a AAKOÓ MUNGÚ, a Munguú gurtleemuuwo haáts nee oo gurhhoó', aníng ti inslahheeká buhhtaawo, nee a haáts sla'aarír warqawaakahe nee inkihhimuwo.

TI'INAANGW 34:7

Aníng sla'aarir'eé' ar warqawaaká an komkaakoóm ay nángw sagaáwa kumér kúm, aníng múk iringér koóm nee tlakweema nee dakumisuuwo un gurtlatláw. Ala heé tlakusmo u harafaaraaká tawa adór heé gana'amuú koóm, aníng li/oó tlakweemaá xwayliité un buú' dír na/ii'ín, nee na/aá nangw'ín tam ay nángw sagaáwa tám laqaá tsiyáhh.»

ISAYA 63:9

Baraá slahh'amaayer'ín sleémeero inós kuna slahh'eemiís, nee malaykamooduú dír geeraawós inooín gina ba/amís ar sla'aarirose nee ar gurtleemuwose inooín gina gweér. Iimír aange inooín gina loohiís nee gina gagaraarín.

WA/AA/I 3:22

Sla'aarír warqawaaká ar AAKOÓ MUNGÚ i baloó fakká, gurtleemuuwós i baloó alhhe'eesoó konká.

FAARO 14:18

‹Anuú AAKOÓ MUNGÚ ti inslaahheeká buhhtaawo, nee sla'aarír warqawaaká a koóm. Tlakweema nee dakumis in gurtlatláw. Ala tam adoorihe tlakweemaá xwayliité in buú' dír na/ii'ín tam ay nángw sagaáwa tám laqaá tsiyáhh.›

Luka 18:13

«Ala ohomusmooduú koódi amorqá' saaw gana i sihhiít. Sleeme tam iwa gáwtí qayti gaa qiitliiká, aqo har da/ewawós gina pupuxuumiís, iri oó', ‹Mungú, án gurtlawáng! Aníng a heé tlakweemaá koóm.›

Yohana 6:44

Heé hardahamuú amor'eé' gu aleesláw i kaahh, barnaxes kunga uuruuxiiká nee Baabuúdá' aníng iga ya/aaw. Nee aníng heedaádá' nguri waasle/atís bál deelór alhhe'eesaywo.

Rumi 9:18

Ala bar adoorí, Mungú barnaxes hee gu gurtleemuú wa slaa', guqo gurtláy, nee barnaxes hee gu muuná gawdeesár wa slaa', guqo muuná gawdees.

2 korinto 1:3

Mungú, Baabuú Aakoorén Yesu Kristo i xirfuuti. Inós an Baabuúdá' gurtleemu sleémeero ngu hanmiís, nee slám an Munguúdá' gurkwa/asa sleémeero ngi hanmiís.

DABE 4:31

Asma AAKOÓ MUNGÚ, Munguúhúng, an Munguú gurtleemuú koóm. Inós kuungá' nu si'iiká, nu hhaamisiiká, laqaá alqadoorós ga gunqaresiiká, tidá' aa lo'ór wa /aáy dír bariiserhúng.

DABE 5:15

Ala kuúng ma gunqarutaar adór kuúng aáng tar lawaalmo baraá yaamaá Misriro, anuú AAKOÓ MUNGÚ, Munguúwók uri baraadá' wa duúx ar /uuruueé' nee ar dakw'eé' kudá' naa gáwtí tleés. Gawaá adoorihe anuú AAKOÓ MUNGÚ, Munguúwók un babaw, deelór Sabaáto harmagahheek kawa ot.

DABE 6:21

Daqaní kuungá' na/iihúng ki adoorír mu/aywatsá', ‹Atén aáng a lawaalér waawutmo Farao oo yaamaá Misri, ala AAKOÓ MUNGÚ atén tina baraá yaamaá Misrír wa ba/amís ar dakós kuduú /uuruú koóm.

DABE 7:8

Ala AAKOÓ MUNGÚ kuungá' nuna slaá' asma al'axweesantadá' aáng aa alqadín dír baabi'iihúng, an gár nusa ba/amís ar /uuruuwós kudá' úr, nee nuri baraá lawaali'iimár wa tuú/, baraá dabaá waawutmo Farao oo Misri.

Tito 3:5

inós atén tiri ba/amís. Ala gár tisa ba/amís a ooanaaká atén tlehhema'aá ganaa'á' ina tleehhaán, ala tina ba/amís as gurtleemuuwós. Mungú tina slafís ar hamtlitór laqwali'iimár /aben, tina /abeemiís ar Qeeruú hhoohhoó',

YOSHUA 6:22

Yoshua mukdá' tsár aáng taa ya/aáw as yaamu kiwa tsawtsawuusi, guri báy, «Tlawsé' baraá doó Rahabudár tsaatuso'o, /ameenisíng tsee/ií duuxare' nee umuúqo gaarose ar adoodá' kara al'axwesé' nee inós.»

2 Petro 2:7

Ala Mungú Loti guna ba/amís. Inós a heé hota ganaá'. Inós kuna daawitimiís nee slafíngw slasla/arén oo mukdá' tlákw oo yaamuudá' wa hoót.

2 Petro 2:9

Tí ga laqaqaán adór Mungú múk gu ilaiwawaá/ ngur aleesláy ba/amisaro baraá iiara'aduwo. Slám ga aleesláy múk tlákw nguwa baraá tseegamór i ilaa/i, ay dír sakwasleema ngay slaya' bál deelór sakwasleemaro,