IIMU/UUNGW 19:14 - Biblía Axweesantá Hhohho' ar Mungú 2004

¹⁴ Loti iri ti'iít, hhawaataá dasuuwós giri ádbeemuú áy, iri oó', «Qwalaasaré', ti'iitaré' baraá ayaawihe, asma AAKOÓ MUNGÚ gixsarí ga qwaarees.» Ala Loti tari adór heé tatlkuús dír hhawaataá dasuuwose.

IIMU/UUNGW 19:14 Iomraidhean Croise

IIMU/UUNGW 19:15

Qoomár matlaatlér boo/e malayke Loti guri harakés, i kat, «Tláw, kuúng nee hareerók nee dasuuwók kwí tsár diirí dirií', ma qwaarara' baraá tlakweemaá gixsarí.»

IIMU/UUNGW 19:17

Qoomár kiwa tsee/ií duúx, malaykamoó wák iri oó', «Goów, slafiingók ba/amiseek, ló' ma alií qaytaar, tam sleeme ma dír wák i sihhiitaar baraá xatstihe, ti ba/amis gawaá tloomaarí alé, as tawa gwa'aká.»

IIMU/UUNGW 19:22

Gimáy, ti ba/amis amoosií alé. Asma gár ni tleehh i ala káhh ay dír tay dat baraasí alé.» An gár gixsadá' kasa báy Soari.

2 QOM'I 30:10

Aluuwo mukdá' iri tláy tari waaraáhh ar umuúqo gixsaro baraá yaamaá Efraimu nee Manase tay hardáh ay yaamaá Sebuluni. Ala muu inooín giri ló'wa waaqaseesén nee kina niqmís nee kina waaqaqaá'.

2 QOM'I 36:16

Ala inooín tana kumiít ya/abuuseedá' Mungú aa ya/abiít ngiwa niqina', nee axweesantós ngiwa siaasi'iya', nee aaruuseerós ngiwa waaqaseesena'. AAKOÓ MUNGÚ mukós guri ló'wa i buúhh, tam adór ni kotsqotiya' iri qwát.

TI'INAANGW 12:31

Aluuwo Farao Mose nee Aroniwo giri ateét xweeraadae, giri báy, «Tlawsé', ti'iité' baraá tla/ángw muk'eene, kuungá' nee múk Israeliwo, AAKOÓ Munguúhúng sluufmisuú awaak, adoodá' kara oé'.

TI'INAANGW 9:21

Ala geeraharuuseedá' axweesantá Mungú ga hhaslitaaká lawaaler'ín nee makay'ín kudaá de'eengo ngiri mayé' baraá xatsa.

AXWEESANOÓ SAGALOOA 29:1

Heé ta gurbuaaín daqtá yaariire bira da/eewa gawdeés, in wa'aá wák ar qeqtín, sleeme i kotsqotiiká.

ISAYA 28:22

Gawaá adoorihe, kuungá' ma niqiimara' as tsegmuuwo mutunduwa harwaarahhaás. Asma aníng kángw qwanoó yaamu ugwa axaás, amór Aako, AAKOÓ MUNGÚ Aleesleemusmo ngin daahh.

YEREMIA 20:7

Aá AAKOÓ MUNGÚ, aníng iga al/ák, aníng al/aymaadá' ngiri ya/aám. Kuúng /uuru un koón ta ak aninge, kuúng aga baaliín. Tlaatla/aangw sleémeero aníng a heé ta waaqaseesen, umuú heewo in niqín.

YEREMIA 43:1

Qoomár Yeremia axweesantadá' sleémeero ar AAKOÓ MUNGÚ, Munguúín ngiwa dír muu sleémeerówí ilaahaniís,

YEREMIA 43:2

Asariya garmoó Hoshaya, nee Yohanani garmoó Karea nee mukdá' sleémeero oo tlakwén Yeremia nguri bayé', «Kuúng a lamusmo, AAKOÓ MUNGÚ, Munguúrén kuúng ugwa ya/aawiiká atén tiwa beer, ‹Ma yaamaá Misrír i hotaá awaara'.›

YEREMIA 51:6

Baraá Babulonír wa /akumiitaré', umuú heewo slaqwtós ngi tu/i, mutunduwa hhaamiís baraá sakwasleemarós, asma qoomaarihe AAKOÓ MUNGÚ i li/oó bu'ún, yaamuudá' gin sakwasleemuut ar adoodá' iwa harina'.

ESEKIELI 20:49

Naagáy, aníng niri oó', «Aá Aakoó MUNGÚ! Muu i ló'wa qununuu/ daanduueene ta kaahi, ‹Kwí bir axweés, a axweesantá bo/ kilós gan kah.› »

FAARO 16:21

«Kuungá' dír mukwihe ti paratle', as kahhó' hamír kilá' i adaá hhaamiís.»

FAARO 16:26

Iwa hardáh, muu guna báy, «Quutlé' dír heemadaá mukwí tlakwe, gar'ín tam ar wák ma kwatiitara' as mutundwa hhaamiís as tlakweemaaín sleémeero.»

FAARO 16:45

«Dír dinku'uumasinge ti paratle', hamír kilá' i adaá hhaamiís!» Ala Mose nee Aroni tana gur'ér ar qaát.

Matayo 1:18

Xwaylár Yesu Kristo a adoorí: Maria aayór Yesu, Yosefu gana sa'axweés. Nee dír inooín tira duxuuti'iiká, naxés Maria kari tsaáhh tawa tsiiháy ar /uuruú Qeeruú hhoohhoó' oo Mungú.

Matayo 9:24

Giri báy, «Quutlé', asma dasiirí aa gwaiká, in gú'.» Kuri ló'wa wa qasén.

Luka 24:11

Ala axweesanoó /ameenarí aa kát a adór axweesanoó dakti'iima dir'ine, slám kaa haratlintii'iiká.

Luka 9:42

Iwa amoodá' kay, na/aydá' neetlaame guri yaamií dáhh, guri pungaahhamuúr, Yesu neetlaame gari iigahhaát. Na/aay guri hungu/uús, guri dír baabuúwós i ki/ís.

Tlehhema'aá ya/Abuuse 17:32

Kángw waasle/ kuwa axaás, bahh'alé tari niqimís. Bahh'alé tari oó', «Atén kangwsíng u malé axaasaán looár hatlae.»

1 Tesalonike 5:3

Qoomaadá' tawa kaahi, «Wayda i deer nee amohhooa,» qoomaadá' an tidár hhitiru'uuma nuwa hhaawis, adoodá' /ameenír tsiiháy asltá xwayla ngir i hardaraarat. Ala guway ku aleeslayká.