IIMU/UUNGW 18:7 - Biblía Axweesantá Hhohho' ar Mungú 2004

⁷ Abrahamu iri ta'aaín ar gaanslaay ay amór hikwaawós, dama ngina huúw, tidá' wahhaar, ar hhoohhoo', gay haniís dír sagadiyusmoowós as ngiwa gaanslár amohhe'eesi.

IIMU/UUNGW 18:7 Iomraidhean Croise

IIMU/UUNGW 18:6

Naagáy Abrahamu iri gaanslár kií/ amór Sara baraá heéma, gari báy, «Mutliít, slooqa'aá tám awa puurúdá' hhohhó' adaá amohhe'eeseek, lufu/eek, mikaáte ka tléhh.»

IIMU/UUNGW 18:8

Abrahamu di/tá /awak nee ilwa nee fu'unaá damaadá' aa amohhe'eés, giri qaás dír geeraaín, giri dahi'ís as tawa /ayin. Inós iri sihhiít bihhaaín dír gamuú xa'ano, as ngiwa sagadiyuusi qoomár inooín niwa /ayina'.

IIMU/UUNGW 19:3

Loti giri harhhehhe'eemiís ak alé. Inooín niri ya/ané', niri dahiyé', baraá do'. Loti giri muruú /aymár i tleéhh, gina mikaáteedá' taa sluuftisiiká i tleéhh, inooín nay /ayiné'.

AMOS 6:4

Tsaxwaahúng kuungaádá' qaqtimá' baraá qateenaá taa parootuús ar xareemaá daawe, nee kudá' ti alduxuumá' gawaá qateenoodá' bununuuqá' wa alé, fu'unaá deeloó bee/aangw kiri /agá' nee tari damaá lehhitá' baraá slumo.

MALAKI 1:14

«Heé al/aymusmo ku lu'usi, kudá' baraá daqtose gár xaslxaanslír koom ga ilahhooár wa gaamiís dír Aakoó i alé, ala laatí baraá al'axweesantose yaqaambuú hhoó' guna oó'! Asma aníng a Waawutmoó úr. Umuueé' baraá xoorduuwo i dae tlaaq. Anuú AAKOÓ MUNGÚ Aleesleemusmo tí ngina oó'.»

Matayo 22:4

Lawaalér hatlá' gari male ya/aáw, gana báy, mukdá' taa dahi'ís bawaagáy, ‹Ga/aawaak, muruú /aymar'eé' ugwa amohhe'eés, awe nee damaay kudaádá' wahhaará' iga hhe'eés tsu/utaaro, nee mura' sleémeero aa hhooáy. Qwalaasaré' amór doó duuxo.›

Luka 15:23

Awuú aa wahhaar huwaare', ku gasá'. Atén daqaní a /ayiimaán tay qwalaala/aán.

Luka 15:27

Guri báy, ‹Hhiyaawók naa hardáh, nee baabuúwók gwa awuudá' wahhaár i gaás, asma nguwa malé sláy iwa slafi.›

Luka 15:30

Ala garmaawók kwí niwa hardáh, oo muruuwók gwa faak dinkwa nee /ameenár tsaatuuse, ugwa awuudá' wahhaár i gás.›

1 SAMUELI 28:24

/Ameenidá' damarós tooka wák ar aa wahhat ga koón dír do'o, gana adaá gás ar gaanslaay, puuruú angaáno guri taatáhh, guri lufú/, mikaátér taa sluuftisiiká gari tléhh.