IIMU/UUNGW 18:25 - Biblía Axweesantá Hhohho' ar Mungú 2004

²⁵ Aasla'áy, adoosíng ma tleehhaar, heé hota ganaá' nee tlakusmo kiwa alqwaares. Heé hota ganaá' tawa adór heé tlakusmo, Aasla'áy, sakwasleemusmoó yaamu sleémeero gan'amu gu tleehhikáhe?»

IIMU/UUNGW 18:25 Iomraidhean Croise

IIMU/UUNGW 18:24

Bar múk mibeeri kooán oo hota ganaá' bir deer baraá gixsaro, yaamu i qwaarésa sleeme, i meerakáhe as mukduú mibeeri kooán oo hota ganaá' oo baraadá' i dirií'.

1 QOM'I 16:33

Xaa'aá baraá gara sleémeero i daaiye' ar qwala/, geeraá AAKOÓ MUNGÚ wa ale. Asma inós nin hardah as yaamu ngiwa sakwasleemuuti.

2 QOM'I 19:7

AAKOÓ MUNGÚ na ilaiwawa/aak, ti ló' wa harmagahhe', asma AAKOÓ MUNGÚ, Munguúrén, qitla gu aleeslayká dír kudá' gan'amuú tlehhita'aakahe, laqaá kudá' barqaantír tlehhiitá', laqaá dír kudá' slukmár /ayá'.»

NEHEMIA 9:33

Tam adoorihe kuúng gan'amu u koón baraá muruuwí sleémeero atén taa slayi, asma kuúng tu inkihhím, atén a tlakuuse.

YOBU 34:10

Gawaá adoorihe, kuungásingá' tsaahhár koomá', aníng iiarí qaasaré', a gár ya/aamaaká Mungú tlakweema ngiwa tleehhi, nee Munguú Aleesleemusmo i baloó dakuusiiká.

YOBU 34:12

Looeemá kilae Mungú gár tlaakw ga tleehhiiká, nee Munguú Aleesleemusmo kwasleemár hee ga baloó hhitinká.

YOBU 8:20

Qaytsiít, Mungú heé tlakweemaá koomaaká gu si'iiká. Sleemé múk tlákw gu alee/isiiká.

YOBU 8:3

Kuúng ka xu' Mungú gan'amu gu warqeési? Laqaá Munguúdá' /uuruú koóm looeema gi warqeési?

WARA'AMI 50:6

Doori gan'amuuwós ngu alki/iitiyá'. Asma Mungú inós an sakwasleemusmo.

WARA'AMI 58:11

Muu iri ooi, «Ar looeemaawo bu'tuú heé ganaá' i deer. Ar looeemaawo Mungú i deer oo sakwasleemuút baraá yaamuwo.»

WARA'AMI 7:12

Hee barnaxes aa hhu'u'uniiká, Mungú paánga ga duuq, ga/aleerós ga mahángw i qaas, ga amohhe'ees tsaxaararo.

WARA'AMI 75:3

Tam yaamu nee muruú baraadí dirií' sleémeero i dingitiye'. Aníng kilooeé' iihhafiirir'ín an gawdeés.

WARA'AMI 94:2

Kuúng an kudá' muu sleémeero gu sakwasleemuút, sihhiitáng, múk dara/aám sakwasleemuuteek adoodá' inooín wa hariim.

WARA'AMI 98:9

Baraa/é' dír geeraá AAKOÓ MUNGUHE, asma ni hardah as yaamu ngiwa sakwasleemuuti. Xoordu sleémeero gin sakwasleemár i tleehh ar gan'amu. Gin sawaawuti'ín ar barqanti wasle.

DAHARUSMO 3:17

Aníng nay baraá muunaáeénií oó', Mungú múk hota ganaá' nee múk tlakwe sleémeero gin sakwasleemuut, asma umuú qoomaaro Mungú gana qaás as gaarós nee as gadiyeérós.

DAHARUSMO 7:15

Muruú yaariír ugwa ár baraá hotaeé' kuká' liitlakwe, heé hota ganaá i deer oo aa gwaa' tam inós i ganaai, heé tlaákw i deer oo hotaatiím tam inós ku tlaakwe.

YEREMIA 11:20

Ala aá AAKOÓ MUNGÚ Aleesleemusmo, kudá' sakwasleema ga adór ganaá'ár tleéhh. Kuúng munér muu nee fuqureeri'ine in tsee/aariín. Aníng masók an ár adór kuúng li/aywí ugwa bú', asma aníng umuú gaaro ngaa gawaá dabaawógií qaás.

YEREMIA 12:1

Aá AAKOÓ MUNGÚ, kuúng an ganá' aníng tam ui qununu/a. Aníng yaahasarka a koóm diroge. Ahaá múk tlákw baré gadiyeduuín i ya/aa/á'? Ahaá baré múk al/aymuuse aa diihhe'eés?

ESEKIELI 18:25

«Ala kuungá' a kata', ‹Gár Aakoó Mungú i tlehhiiti i qoondaaká.› Kuungaá múk Israeli, iia qaasaak daxta. Xáy, gár aníng ni tleehhiít iqo tsuwa qoondaakáhe? Gár kuungá' ta tlehhita' an tidá' qoomaaká.

MALAKI 3:18

Daqaní kuungá' kay tsahhá' dimbér awa tlakw nee awa ganaa'á', nee dimbér múk Mungú gu sagadiyuús nee oo gu sagadiyuusaaká.› »

FAARO 16:22

Ala Mose nee Aroni tari gur'ér qaqtín tawa kaahi, «Aá AAKOÓ MUNGÚ Kudaádá' oo slafíngw muu sleémeero, xáy heé wák bira dakuús, aqo xooro sleémeero an i búhha?»

2 korinto 5:10

Asma atén sleémeero gár tiwa hariím an sihhiitaán dír geeraá Kristó i alé, as tiwa sakwasleemuuti nee inós, as masók umuúqo heewo kuwa bui ar tlehhemi'iiwós kudá' aa tlehhiít baraá slafiingós oo baraakaá yaamuwo, barnaxes ki hho' laqaá ki tlakw.

DABE 1:16

«Qoomaadae har'ohuuserhúng ana kaangwí báw, ‹Qaa/oó mukhúng iiárií qamimaak, kwasleemár mukhúng tlaaqaak ar adór ganaa', nee ar hoomaadá' baraá ayaahúng hoota.

DABE 1:17

Sakwasleema ma barqaantír ar tlehhiitara', muu iiárií qamimaak ar barqaanti wasle, hee tam gaalá. Nee hee munduwa dae tsaát, asma kuungá' kwasleema an tlehhitá' kitángw Mungú wa ale. Ala barnaxes kwasleemár gawit aga sleeré', dir'eénií huwaare' as ngiwa iiárií qaas.›

DABE 32:4

Inós a tlaa/a, gadiyeérós gár kawa /aár i káhh lohduuwós sleémeero i ganaaiyá'. Inós a Munguú inkihhím nee ku dakuús wásl, inós ku hhoó' nee i ganaa'.

Ebrania 12:23

Kuungá' dír tay dir'a' a baraá boo/oó mukdá' qwal/uú koóm, dinkwaadár na/aá Mungú, kudaá baris umer'ín taa gooín gawaá doori. Kuungá' dír tawa sihhimita' a dír geeraá Mungú, kuduú sakwasleemusmoó muu sleémeero, nee dír geeraá qeereemaá mukdá' ganaá', kudá' taa hhoohhooeés.

HAR'OHUUSE 11:27

Aníng kuúng ugwa sadakuusiiká, nee án bir i haratlatleér a dakumís. AAKOÓ MUNGÚ kuduú kwasleemusmo kasi laarí ngi tsati tla/ángw múk Israeli nee oo Amoniwo.»