IIMU/UUNGW 18:21 - Biblía Axweesantá Hhohho' ar Mungú 2004

²¹ daxta, án a aweér ngiwa ar tidá' i tlehhitiya', áx a harqoomoó /aa/eedá' naa amor'eé' hardihií'i. Nee bar adooriheeká, masók a xuú'.»

IIMU/UUNGW 18:21 Iomraidhean Croise

IIMU/UUNGW 11:5

AAKOÓ MUNGÚ nay aweér baraá yaamu as gixsa nee tsitsini ngiwa ari, tidá' taa tleéhh nee muu.

IIMU/UUNGW 11:7

Qwalaasé', a aweeraán yaamu, tsifrir'ín a qasmisaán, kahhó' heé axweesantá kuqá' ga tsaáhh i kaahh.»

IIMU/UUNGW 18:17

AAKOÓ MUNGÚ iri oó', «Xáy, gaarí ni tleehh an lú/a dír Abrahamuwo?

IIMU/UUNGW 6:12

Mungú yaamu giri ár, naxés, naa hhitiruutiyé', asma umuúqo heewo aa hhitiruút baraá yaamuwo.

YOBU 34:22

Dír giiw nee ar boo/ i káhh dirose, ar múk tlákw i nahhaati ar kiwa ariiká.

WARA'AMI 14:2

AAKOÓ MUNGÚ muu gun i qaytsimiit gawaá doorií wa ale as ngiwa ari, axáy, i deéro heé sagalooár koóm, oo Munguú leelehhiít?

WARA'AMI 90:8

Tlakweemaarén ki geehhoo' diroge, tlakweemaá baraá naaqo naa geehhoouyé' baraá gwa/aateemaawoge.

TI'INAANGW 3:8

Aníng nina hardáh asma inooín ngiwa tuu/ baraá dabaá múk Misri wa alé, nee in huúw ay baraá yaamaá hhooá', yaamaá iintlaaxw, yaamaá diihooár ilwa nee dane, yaamuudá' ta hooti nee xoorór Kana'ani, nee ar Hiti, nee ar Amori, nee Perisi, nee Hifi, nee ar Yebusi.

TI'INAANGW 33:5

Adoorí kana tleéhh, asma AAKOÓ MUNGÚ Mose guna báy, «Xoorór Israeli ka beer, ‹Kuungá' a múk sagegawdén, aníng nee kuungá' birtin alkoomana har afi qoomár niina, aqo nun hhaamiís. Gimsé' xosluuhúng kudaá parooti qafimaak, as daqaní aníng gár ni kuungá' i tleehh a xuú'.› »

YEREMIA 17:1

Tlakweemaá múk Yuda kaa gooín ar kalaámuú muqsli, kaa gooín ar parhhamtá miisli ar afa ngwáts, baraá muner'íní ale, nee gawaá xareemaá kiteeri'ín kudá' ta ilahhooár wa hanmaamisi.

YEREMIA 17:10

Anuú AAKOÓ MUNGÚ inslawoó muu un tsee/ariím, nee munér muu an iiaraa'ár, as kahhó' umuúqo heewo nguwa buu' ar adoodá' ir hotaatin, nee adoodá' tlehhmi'iiwós i dirii'iya'.»

YONA 1:2

«Tláw, daqáw dír gixsár Ninewi, gixsadá' ur, tseé' amoorós i ale ar afór ur, asma tlakweemaawós naa hardihiyé' gawaá doorí alé, dír geeraaeé'.»

MIKA 1:3

Ga/aawaak, AAKOÓ MUNGÚ ni hardah amór hotaangós ngin wa tláy. Inós ni aweer nee gongoama' giri adarah.

SEFANIA 1:12

Qoomaadae gixsár Yerusalemu an tsaa'astár tsee/aariím, nee mukdá' aa baraá horondoó buurárí wahhadiit un sakwasleemuút, Mukdá' baraaíní káh, ‹AAKOÓ MUNGÚ gár i tleehhi i káhh ta ka hhoó' laqaá ta ka tlaákw.›

Luka 16:15

Yesu giri báy, «Kuungá' ti geehhooatimisá' dír geeraá muko, tawa kudá' hota ganaa'á'. Ala Mungú munerhúng ga xuu'. Muruudá' muu i gaárí xui, ala dír geeraá Munguhe an kudá' buhhtamís.

Yohana 6:38

Asma aníng naa gawaá doorí wa aweeriiká tidá' ni slaa' ngiwa tleehh, ala a sla'aarír kudá' aníng iga ya/aaw ngiwa tleehh.

2 korinto 11:11

Asma milá gár adoorí án ngis kah? A an kuungá' nun sla'aakáhe? Aasla'áy. Mungú ga xuu' adór aníng kuungá' nur slaa'.

DABE 13:3

axweesanoó aaruusér adór tí mu iiárií qaasara', laqaá heé adoorír tlatitiím mu iiárií qaasara'. Asma AAKOÓ MUNGÚ, Munguúhúng inooín gin ar gadiyuus as kuungá' nuwa iiari, as inós ngiwa xu'utír wa slai, áx kuungá' inós u ló'wa sla'á'a ar munerhúng sleémeero nee qeereemoohunge.

DABE 8:2

Inslawaak adoodá' AAKOÓ MUNGÚ, Munguúhúng, nura geerahaár aaiidá' tleere tawa baraá xaanxár oté', afiqoomár kureeraá mibeeri tsiyahhe, as kuungá' nuwa múk iialoén tleehhi, nee munerhúng ngiwa iiari, as tidá' kuungá' ta aldakuta' baraá munerhunge ngiwa xui, nee axáy hara'ayaarós aga otí'i, laqaá aasla'áy.

1 Tesalonike 4:16

Asma Aako inósuú kilá' i aweer gawaá doorí wa ale, afór ur ar hara'aya kari axaas, nee afór malaykamoó úr, nee afór tarumbeétár Mungú kari axaas. Mukdá' Kristo gwa haratlintii', kudá' aa qaatl kuri geerií waaslee/atis.

Ebrania 4:13

Umuúqo gaaro ar Mungú i harslaaqati arto i káhh. Mura' sleémeero i kístí dirii', nee ku geehhoó' dír ilaawose, nee atén adór tara hootaán an dír geeraawósií kwalilimaán.

YOSHUA 22:22

«Munguúduú Aleesleemusmo inós an AAKOÓ MUNGÚ kilós! Munguúduú Aleesleemusmo inós an AAKOÓ MUNGÚ kilós! Inós gár naa tleehhaán ga xuu', nee dirhunge sleeme ngi ooaán, barnaxes atén ana dee/aanutaán, laqaá AAKOÓ MUNGÚ haratlintaaoro una siaán, daqaní ti tsu/e', tam panmo miwa meét.