IIMU/UUNGW 18:19 - Biblía Axweesantá Hhohho' ar Mungú 2004

¹⁹ Aníng inós una tsawaár, asma na/iiwós ngiwa hara'ayin, nee na/aá na/iiwós, loohír AAKOÓ MUNGÚ ngiwa oohiya', as gan'amu nguwa tleehhiya' nee sakwasleema, as AAKOÓ MUNGÚ al'axweesantós dír Abrahamuwo ngiwa boo/esi.»

IIMU/UUNGW 18:19 Iomraidhean Croise

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

IIMU/UUNGW 12:3

Oo kuúng u tsuúq, án u tsuúq, Oo kuúng u lu'umís, án un lu'ús. Nee baraá kuunge xoordu sleémeero kin tsuuq.»

IIMU/UUNGW 17:9

Munguú Abrahamu guri báy, «Kuúng alqador'eé' na ooheek, kuúng nee xwaylarók, nee dír xwaylar'ín aluuwoge.

IIMU/UUNGW 22:18

Ar baraá xwaylaroge xoordu sleémeero tsuuqa ngiri slayá', asma kuúng afor'eé' aga iiárií qás.› »

IIMU/UUNGW 35:2

Yakobo múk do'ós sleémeero nee kudá' nee inós alhootá' giri báy, «Munguiidá' ta koonda' hingeesaak, ti hheehhe'ese', nee tlabaahúng warqesaagáy.

2 SAMUELI 22:22

Asma loohír AAKOÓ MUNGÚ aga eehár sleeme taa paraatliiká dír Munguúeene ar tlakweema.

2 SAMUELI 7:20

Aá Aakoó MUNGÚ, anuú Daudi lawaalmoowók, gár ni male dirógií oo' a milá? Asma kuúng anuúwí oo lawaalmoowók i xú'.

1 QOM'I 28:9

Daudi Solomon guri báy, «Kuúng garmaaeé' Solomon, Munguú baabuúwók xueek, inós sagadiyuuseek ar muunaáwók sleémeero nee ar tsáp. Asma AAKOÓ MUNGÚ inslawoó muu sleémeero gun tsee/aarín, nee umuúqo gár ta qoomeemesi gan tsatsahhán. Barnaxes kuúng inós ugwa leeléhh u sleér, ala bar ugwa sí', inós un geexáy ay alhhe'eesay wasle.

2 QOM'I 14:3

Baraá yaamuwo kiteeraá munguaá hatlá' kiwa sluufmiís gina hingeés nee wa/ameedár gongooama' ar munguaá hatlá' kiwa slufmiisi gari hingeés nee uheemidaá giri tlaáq, slaqsi'iidaá Ashera giri supín.

NEHEMIA 9:7

Kuúng an AAKOÓ MUNGÚ, Munguúdá' Abramu gwaa tsawaar, nguri baraá yaamaá Urír Kaldayór wa dúx, kuri umií tsát tay Abrahamu.

YOBU 1:5

Alaá umuúqo deelór ur bira sa waaraáhh, Yobu na/iiwós gin ateet giri hhoohhooees. Matlaatlér boo/ deelór ur bira sa waaraáhh, in tláy ilahhooár da/a gan haniis as umuúqo na/aywós. Yobu gár adoorí ngis tlehhiiti in kaahi, «Wane na/iieé' Mungú ngwa tlakweemí tleehhiyé' nee baraá gur'er'ine ngwa /oosliné'.»

WARA'AMI 1:6

Asma AAKOÓ MUNGÚ múk hota ganaá' gun xún baraá lohuine, ala múk tlakuuse loohir'ín gin húp baraá qwanaay.

WARA'AMI 11:4

AAKOÓ MUNGÚ i baraá Do'ós kudá' hhoohhoó'. Kitángw AAKOÓ MUNGÚ i gawaá doori. Muu gu ga/áy ilaawose. Umuúqo gár muu i tlehhiiti ga xuu'.

WARA'AMI 34:15

Asma ilaá AAKOÓ MUNGÚ i dír mukdá' hota ganaa'á', nee firor'ín ga axamiis.

AXWEESANOÓ SAGALOOA 22:6

Na/aay intsaahhatiseek hotaá ganaa'a'a, inós adoosíng ga baloó gunqaresiiká gar wa dín.

ISAYA 38:19

Múk slaáf kilós an kudá' kuúng u sluufiís adoorí aníng laarí ni /imiis xwayliité inkihhimuwók guri dír na/ii'íní alki/ít.

TLAHHOÓ LAÁWI 14:42

Naagáy tlaa/aá /aben ki didá' taa feé/ ar tleehhi, nee na/amisuú /abén ku na/aasi.

AMOS 3:2

iwa kaahi, «Baraá tla/ángw xoordu sleémeero awa baraá yaamuwo kuungá' kiloohúng nun xuú'. Gawaá adoorihe aníng kuungá' nun muúx asma tlakweemaahúng sleémeero.»

Matayo 25:17

Tam kudaáduú talaántár tsár gaa slay, inós sleeme gari ar halaanuús, talaántár hatlá' tsár gari sláy.

Yohana 10:14

Aníng a de'eemusmoó hhoó'. Aníng bee/angw'eé' u xuú', nee bee/angw'eé' aníng i xuu'.

Yohana 21:17

Yesu iri malé oó' sagaáwa tame, «Símon, garmoó Yohane, án kuúng i slá'a?» Petro iri gurhaamuút asma adoodá' kuwa yaahaás sagaáwa tame, nguwa báy, «Án kuúng i slá'a?» Petro iri oó', «Aáko, kuúng mura' sleémeero u xú', nee kuúng aga tsáhh adór án kuúng ur slaá'.» Yesu iri oó', «Bee/angw'eé' /aymiiseek.

Tlehhema'aá ya/Abuuse 27:31

Paulo geeraharusmoó askaári guri báy, «Mukwí bir baraá miringamoó wa iwiwiitiiká, kuungá' a ba/aanda'aaká.»

Efeso 6:4

Kuungá' xwaylité, na/iihúng mi buhhtimisara', ala geeraharaaharaak ar baraá ilaiwa/ame, nee kiwa naanaqá' ar baraá Aako.

DABE 32:46

inooín giri báy, «/Aymi'iiká' sleémeero awa daa'angwí laarí naa dirhúng i daá', baraá munerhúng ti qase', nee na/iihúng ki hara'ayiindá', as kahhó' niwa ilakaahareesiya' axweesanoó dabeerí ooharo.

1 Timoteo 3:12

Alee/isuusér múk kríshaanáy masók a múk tlaaway wakét, múk na/ii'ín gi hara'ayiyiím gan'amúr alé, nee múk maray'ín gi aleesláw geeraharahaduuwo.

2 Timoteo 1:5

Asma aníng a xuú' adór kuúng Mungú kura haratlintí' ar haratlintaaór waaqooda wasl. Haratlintaaoorí geeraawo aamaarók Loisi gan koón, nee aayoorók Eunike. Slám aníng a xuú' adór kuúng kar koón sleeme.

2 Timoteo 2:19

Ala iimu/úngw haratlintaao aa sihhiít, kudá' Mungú aa qaroó qaás. Iimu/uungwí layár kway gooín a tí, «Aako mukós gu xuu',» nee slám «Umuúqo heewo oo umuú Aako gu ateetiím, tlakweema ngi may.»

2 Timoteo 3:15

Asma iimír na/uumaroge kuúng Gooír hhohho' a xú', tidá' sagalooa ngi kuúng i hanmiis, as ba/ama kawa sleer ar loohír Kristo Yesu kuwa haratlintí'.

YOSHUA 24:15

Barnaxes kuungá' AAKOÓ MUNGÚ kuwa sagadiyusa' a sla'a'aaká, gimsé', tsawdimé' laarí munguaá ta sagadiyusa' slawaak. Bar awa ta sla'a' an kudá' baabi'iihúng naa sagadiyusiyé' afaá yaaér Eufrátér wa ale, laqaá bar awa ta sla'a' an kudá' múk Amori ni sagadiyusiya', mukdá' ayaaín hamí ta hota', tlawsé'. Ala aníng nee múk dooeé' sleémeero AAKOÓ MUNGÚ un sagadiyusaán.»

HAR'OHUUSE 13:12

Manoa iri oó', «Gám bál /aymi'iiwók kudá' birna boo/iyé', daqaní na/aywí a heé adoomá? Nee gadiyeérós a milá daqaní?»