IIMU/UUNGW 18:18 - Biblía Axweesantá Hhohho' ar Mungú 2004

¹⁸ Barqo Abrahamu inós un xoorór ur tleéhh, nee ar baraá inose xoordu sleémeero awa yaamu kin tsuuq?

IIMU/UUNGW 18:18 Iomraidhean Croise

IIMU/UUNGW 26:4

Xwaylarók an tlahhás tawa adór tsatse/uú doori, nee yaamuká' sleémeero ngiri dir'ín i haniís. Ar baraá xwaylaroge xoordu sleémeero awa yaamu ki tsuuq.

IIMU/UUNGW 28:14

Xwaylarók ka yaariir adór teerír yaamu, nee xwaylarók tsee/a gin tsát, kuúng an tsiiyayaaxát ay /uwa, da/aáw, /iya nee basa. Múk yaamu sleémeero ku tsuuq as kuúng nee na/iiwók.

WARA'AMI 72:17

Yaeemír waawutmo i kumaamit, waawutmo ku diidi'iimaamisi qooma sleémeero ar tsee/amá iwa gwa/aati, xoordu sleémeero tsuuqa ngi slaye' ar inós, nee inós ku bay, «Kudá' taa tsuúq.»

Galatia 3:14

Kristo adoorí gana tleéhh, as kahhó' tsuuqaadá' Mungú aa al'axweés dír Abrahamu, xoordu ngiwa i hardihiya' ar loohír Kristo Yesu. Nee sleeme adoorí gana tleéhh as kahhó' atén Qeeruú hhoohhoó' kudá' Mungú naa dirén i al'axweés, kuwa slawaan ar loohír haratlintaao.

Galatia 3:8

Gooi gana geerií aán adór Mungú múk xoordu ngur gan'amií harafaari as haratlintaaor'ín. Ya/abtoorí hho' Gooi gaa geerií alki/ít Abrahamu nguwa beér, «Baraawoge xoordu sleémeero ki tsuuq.»

Efeso 1:3

Mungú i xirfuuti, Baabuú Aakoorén Yesu Kristo. Inós atén tina tsuúq ar baraá Kristo ar tsuuqa sleémeero awa Qeeru, awa gawaá doori.