IIMU/UUNGW 18:14 - Biblía Axweesantá Hhohho' ar Mungú 2004

¹⁴ /Aymuú gawít i deéro oo AAKOÓ MUNGÚ gur baá/? Har afi qoomaadá' án naa ooi, án ni kií/ kurko siiwár adoorihe, Sara na/oó garma gwaa sleér.»

IIMU/UUNGW 18:14 Iomraidhean Croise

IIMU/UUNGW 17:16

Aníng inós a tsuúq, nee inós kuúng uri na/oó garma i xwayluúr. Án a tsuúq, inós tari aayór xoordu, nee waawituú tlahh'aá muu dirós ngin daahh.»

IIMU/UUNGW 17:21

Ala alqador'eé' an gawdeés dír Isakawo, kudá' Sara i xwayluúr kurko qoomár adór tihe.»

IIMU/UUNGW 18:10

Oo wák baraá tla/angw'ine Abrahamu guri báy, «Looeemaá kilae kurko siiwár adoorihe án ni kií/, nee qoomaadae hareerók Sara na/oó garma gwaa sleér.» Qoomaadae Sara i aluuwósí dirí', dír afkú heéma, i iiár qamiín.

IIMU/UUNGW 18:13

AAKOÓ MUNGUÚ Abrahamu guri báy, «Bareemák Sara ina qaseén, i kat, ‹Án looeemawo na/aay uqo xwayluúwa, anír aga diim?›

IIMU/UUNGW 18:15

Ala Sara iri tlánk i kat, «Án aga qaseemiiká,» asma ina da'ayút. AAKOÓ MUNGÚ iri oó', «Alók, qaseengo kaá ga qaseén.»

IIMU/UUNGW 21:1

AAKOÓ MUNGÚ Sara gari insláy, nee adoodá' aa dirós i oó', gari tleéhh.

IIMU/UUNGW 21:2

Sara iri tsít, Abrahamu guri na/oó garmaá i xwayluúr baraá diimaywose ar afi qoomaadá' Mungú aa dirósí oó'.

2 WAAWITÁ 4:16

Elisha gari báy, «Kurko qoomár adór tihe kiíng garma u umiín.» /Ameenidá' iri ó', «Aasla'áy, aakooeé', kuúng a heé Mungú, anír sagadiyuso'oorók mi al/agimaar.»

YOBU 36:5

Qaytsiít, Mungú i /uuruú kón slám inós i heé waaqaqaiiká, inós gár i xuiiká i káhh.

YOBU 42:2

«Aníng a xuú' adór kuúng umuú gaaro kar aleesleér, nee umuú gár taa tleehhár wa sla'a ka baqiiká.

WARA'AMI 90:13

AAKOÓ MUNGÚ, buhhtaawók i kumaamitir ay xaylá? Ki/áng sagadiyuuseerók gurtlaweek.

WARA'AMI 93:1

AAKOÓ MUNGÚ aa waawuti'ín, AAKOÓ MUNGÚ taa tsiitiís ar aleesleemu nee /uuruuwós, yaamu gaa gawdeés as mindiwa dingitiyé'.

WARA'AMI 95:3

Asma AAKOÓ MUNGÚ inós a Munguú ak úr, nee waawutmoó úr dír mungui sleémeero.

ISAYA 50:2

Ahaá waáy, qoomár niwa hardáh heé naa didií áw mis kaahh? Qoomár niwa ateét heé aa ooin mis kaahh? Xáy, dakw'eé' ku ququmaáre ba/amisa gari aslayká? Laqaá aníng /uuruú nir ba/amis u koomaakáhe? Ga/aawaak, tlawi ngiwa i gahhaát, ma'aay niri kahiyé', yaae ngiri yaamaá xaanxay tleéhh, siyó iri diíx as ma'aay ngiwa dakuús nee ina qaátl as waxe.

YEREMIA 32:17

«Aá Aakoó MUNGÚ, kuúng doori nee yaamu ina tléhh ar aleesleemuú úr, nee ar /uuruuwók.

YEREMIA 32:27

«Ga/aaweek, aníng a AAKOÓ MUNGÚ, Munguú muu sleémeero, gár aníng ni harslaaqaat iqo deéro?

DANIELI 6:20

Iwa tseewúy bihhaá mar'i, Danieli guri ateét ar afór gurhaami, iwa kaahi, «Daniéli, sagadiyusmoó Munguú slaáf. Xáy Munguúwók kudá' ta sagadiyumaamis umuú daqto ugwa aleesláyi tu/to dír direeriwo?»

MIKA 7:18

Munguú adór kuúng i deéro? Asma kuúng tlakweemaá mukók kudá' aa meet in gurtleér, nee dakuúsar'ín an hingeemís. Kuúng buhhtaawós i alkomkakondaaká deelo sleémeerowo. Ala gár ta ló'wa sla' a sla'aarír warqawaaká,

SEKARIA 8:6

AAKOÓ MUNGÚ Aleesleemusmo i kaahi, «Ala tí tam ka gawide dír ilaá mukwí aa meeti, dír ilaeene sleeme ka gáwde? AAKOÓ MUNGÚ Aleesleemusmo tí gan kah.

FAARO 11:23

AAKOÓ MUNGÚ Mose guri mu/aywaáts, «Ahaá aleesleemueé' aa /aarúyí? Gimáy daxta axweesante'eé' adór tar ló' laqaá lama a tsáhh.»

Matayo 14:31

Siiwadár kilae Yesu dakós guri gan'aás, dákw Petro guri óh, guri báy, «Kuúng haratlintaaoorók ka tsuwa niina. Asma milá masa xurút?»

Matayo 19:26

Yesu eeharuuse gari i qaytsiít gari báy, «Dír muko adoosíng i ya/aandaaká, ala dír Munguhe umuúqo gaaro i ya/aán.»

Matayo 3:9

Slám ma baraá munerhúngií kaahara', ‹Abrahamu a baabuúrén.› Án a kah, Mungú ga aleesláy tlaa/eeká' ngiwa na/aá Abrahamu tleehhi.

Marko 10:27

Yesu giri i qaytsiít iri oó', «Muu ga aleeslayká, ala dír Munguhe a adoosingeeká, asma dír Munguhe umuúqo gaaro i ya/aán.»

Luka 1:13

Ala malaykamoodá' guna báy, «Sakaría, ma da'ayumiitaar, asma firoorók kaa axaás, nee hareerók Elisabeti na/oó garma gu xwayluúr. Umuuwós ku beer Yohane.

Luka 1:18

Sakaria malaykamo guri báy, «Kangwsíng án adór ngur tsaahh? Asma án a aako, nee harer'eé' a aamár aa qaroó diin.»

Luka 1:37

Asma dír Munguhe gár ya/aamaaká i káhh.»

Luka 8:50

Ala Yesu adoorí ngiwa axaás, guri báy, «Ma da'ayumitaar, án kilooeé' na haratlintiáng, inós i hungú/.»

Rumi 4:21

Nee slám al'axweesantá Mungú gari haraxuú' adór Mungú tidá' aa dir'ínií al'axweés ngir aleesláy tleehhamooro.

Efeso 3:20

Mungú i xirfuuti, kudá' muruú waa/oo/amór yaariir gu tlehhiít ar /uuruudá' baraarén wa gadiyuús, ta kudá' sleémeero oo atén ta firiirimaana laqaá ta inslaslaawaana.

DABE 30:3

daqaní AAKOÓ MUNGÚ, Munguúwók uri ki/is baraá amohhooarók, nee guruuwós iri tláy as kuúng, nee uri ki/is baraá xoorduudá' uy diyaa/i.

DABE 7:21

Gimsé', mi da'ayumiitaara', asma AAKOÓ MUNGÚ, Munguúhúng i baraá tla/angwhúng i dirii'. Inós an Munguú úr nee kudá' dae tlaaq.

Filipi 3:21

Inós slaqoorén kuká' hhitiruutá' giri warqees nee tari adór slaqwtós tidár xirfuú koom. Inós adoorí tleehhamooro ga aleesláy. Asma inós /uuru gu kón oo mura' sleémeero nguwa qaasi baraá aleesleemuuwós i alé.

Filipi 4:13

Mura' sleémeero u aleesláw baraá kudaádá' aníng i /uurií hanmiisa.

Ebrania 11:19

Asma Abrahamu ga xuu' adór Mungú ir /uuruú kón oo hee nguwa waaslee/atisi baraá múk aa qaátl wa ale, nee ar ló', Isaka nguwa malé sláy a adór heé naa sláy baraá waasle/uú wa ale. Adoorí ina tleehharút ar slaqsaay.

HAR'OHUUSE 13:3

Looarka wake malaykamoó AAKOÓ MUNGÚ gana i hardáh gari báy, «Ga/aaweek kiíng aáng a kampeeri, na/ii i koondaaká, ala hamí daxta a tsít na/oó garma u sleér.

1 SAMUELI 14:6

Naagáy Yonatan garmaadá' xooslaarós koóm guri báy, «Gimáy qwaláng mukwí taa al/utlinká u harawarahhaán baraá koo/ir'ínií ale, dooqa AAKOÓ MUNGÚ atén ti alee/iis, asma muu bar ku yaariír laqaá bar ku niiná, AAKOÓ MUNGÚ gu baqiiká mukós ba/amisaro.»