IIMU/UUNGW 18:10 - Biblía Axweesantá Hhohho' ar Mungú 2004

¹⁰ Oo wák baraá tla/angw'ine Abrahamu guri báy, «Looeemaá kilae kurko siiwár adoorihe án ni kií/, nee qoomaadae hareerók Sara na/oó garma gwaa sleér.» Qoomaadae Sara i aluuwósí dirí', dír afkú heéma, i iiár qamiín.

IIMU/UUNGW 18:10 Iomraidhean Croise

IIMU/UUNGW 16:10

Malaykamoó AAKOÓ MUNGÚ gari malé báy, «Aníng xwaylarók ngi doók, tam faaro ga ya/aandaaká as kawa yaariír.»

IIMU/UUNGW 17:16

Aníng inós a tsuúq, nee inós kuúng uri na/oó garma i xwayluúr. Án a tsuúq, inós tari aayór xoordu, nee waawituú tlahh'aá muu dirós ngin daahh.»

IIMU/UUNGW 17:19

Mungú iri oó', «A adoosingeeká, ala hareerók Sara, kuúng un na/oó garma i xwayluúr, kuúng umuuwós kway beer Isaka. Aníng alqador'eé' an gawdeés dirose tawa alqadór alhhe'eesay wasl as xwaylarós ar alu.

IIMU/UUNGW 17:21

Ala alqador'eé' an gawdeés dír Isakawo, kudá' Sara i xwayluúr kurko qoomár adór tihe.»

IIMU/UUNGW 18:9

Inós nguri yaahasiyé', «Hareerók Sara i amá?» Iri oó', «I baraá heéma.»

IIMU/UUNGW 21:1

AAKOÓ MUNGÚ Sara gari insláy, nee adoodá' aa dirós i oó', gari tleéhh.

IIMU/UUNGW 21:2

Sara iri tsít, Abrahamu guri na/oó garmaá i xwayluúr baraá diimaywose ar afi qoomaadá' Mungú aa dirósí oó'.

Luka 1:13

Ala malaykamoodá' guna báy, «Sakaría, ma da'ayumiitaar, asma firoorók kaa axaás, nee hareerók Elisabeti na/oó garma gu xwayluúr. Umuuwós ku beer Yohane.

Galatia 4:23

Ala na/ayduú /ameenír lawaalo'o kuna laqwaál ar adoodár na/aá hatlá' kir laqwalaalin, ala na/ayduú /ameenír lawaalo'oorooká kuna laqwaál asma al'axweesantá Mungú tidá' aa geerií oó'.

Galatia 4:28

Hám daxta, kuungá' hhaee'eé', kuungá' a adór Isaka, asma kuungá' a na/aá Mungú as al'axweesantós tidá' aa geerií oó'.