IIMU/UUNGW 17:8 - Biblía Axweesantá Hhohho' ar Mungú 2004

⁸ Aníng yaamuká' kuúng ta dahi'iimár wa hot, ngi haniís dirógí ale, nee dír xwaylarók ar kumiit aluuwoge, yaamuká' sleémeero awa Kana'ani, tawa kók ay alhhe'eesay wasle, aníng tay Munguúín.»

IIMU/UUNGW 17:8 Iomraidhean Croise

IIMU/UUNGW 12:7

Amoodaádae AAKOÓ MUNGÚ Abramu guri i ti'iít, guri báy, «Yaamukaáká' ngin kuúng i haniís nee xwaylarók.» Didaádae Abramu kitángw ilahhooa guri tleéhh as AAKOÓ MUNGÚ nguwa ilahhooárí haniisi, kudá' gwaa i ti'iit didae.

IIMU/UUNGW 13:15

Asma yaamuká' sleémeero ta ga/eer, án ngi kuúngií haniís nee xwaylarók ay kureér.

IIMU/UUNGW 13:17

Sihhiít, hi'iimiít baraá yaamuká' wa alé, baraá bihheerós nee tlenaangose. Asma yaamuká' ngin kuúngí haniís.»

IIMU/UUNGW 23:4

«Án niwa hoót a adór dahaaymo nee /eetusmo baraá tla/angwhunge. Yaamaá niina dir'eé' weerisaare', awa muk'eé' nguy foliit, as dír tuuár harer'eé' ngi fool ngiwa slaw.»

IIMU/UUNGW 26:24

Xweeradaá kilae AAKOÓ MUNGÚ guri i ti'iít, guri báy, «Aníng an AAKOÓ Munguú baabuúwók Abrahamu. Ma da'ayumiitaar, asma aníng nee kuúng a dinkwa. Án kuúng u tsuúq, nee xwaylarók ngiri tlahhás as sagadiyusmooeé' Abrahamu.»

IIMU/UUNGW 28:4

Kuúng u tsuuqi dinkwa nee xwaylarók ar adór Abrahamu ngura tsuúq, as yaamu kiwa al, kwisíng tawa adór dahaaymoó wa hot, yaamuudá' Mungú aa Abrahamú i haniís.»

IIMU/UUNGW 35:27

Yakobo iri hardáh amór baabuúwós Isaka, baraá yaamaá Mamre, gixsár Kiriat-arba, tida' ta bay Hebroni, iri amoodá' wa hoót, yaamuudá' Abrahamu nee Isaka naa hootiyé' ar dah'iima.

IIMU/UUNGW 36:7

Asma daqaari'iimar'ín ka ló'wa ur, tam hotaá dinkwa i ya/ana'aaká, laqaá tam yaamuudá' taa i lóh in bu'uutiaaká inooine sleeme, asma muruuín ku ló'wa úr.

IIMU/UUNGW 37:1

Yakobo ina kumiít hotaango baraá yaamaá Kana'anír wa alé, yaamuudá' Isaka aa hoót adór dahaaymoó wa alé.

IIMU/UUNGW 48:4

Iri báy, ‹Ga/aaweek, aníng kuúng u xwayla doók, uri tlahhás, aníng uri xoorór ur tleéhh, slám xwaylarók ngari yaamuká' i haniís, tawa kooín ay kureeraá kureér.› »

2 SAMUELI 23:5

Adoorí an adór dooeé' i dirii'i dír geeraá Munguhe Asma alqadór alhhe'eesay wasl ngaa dir'eéní oó' ar qoom, ar baloó warqawaaká. Inós muruú aníng ni slaa' sleémeero ngun slasláy.

1 QOM'I 16:18

iwa oó', «Yaamaá Kana'ani ngi haniís tawa aalirhúng.»

WARA'AMI 103:17

Sla'aarír warqawaaká ar AAKOÓ MUNGÚ i deer ar iimír iimu/uungw wasle ay alhhe'eesay wasle, dír mukdá' ngu ilaiwawaá/. Gan'amuuwós in kumaamiit ay nángw naangw,

WARA'AMI 105:11

Giri báy, «Yaamaá Kana'ani ngi haniís tari yaamuuhúng awa ta ala'.»

WARA'AMI 105:9

Alqadoorós tidá' aa oó' dír Abrahamu gana boo/eés. Nee tidá' aa Isakí báy aqo gana boo/eés.

TI'INAANGW 13:11

«Bál bar AAKOÓ MUNGÚ na hardahaás baraá yaamaá Kana'ani adór ngira al'axweés dír baabi'iihúng i ale, ngiwa kuungá' i haniisi,

TI'INAANGW 21:6

daqaní heedaádá' i lawaali'iít lawaalmoodá' ngu huwi dír geeraá Mungú, dír afkú do', laqaá dír nahhtá afkú do', nee kuri iia fooxiis nee aakoowós ar muqsli. Inós tari lawaalmoó heedaádá' slafiingós sleémeero.

TI'INAANGW 29:45

Aníng nari hoót baraá tla/ángw múk Israelír wa alé. Aníng tari Munguúín.

TI'INAANGW 32:13

Sagadiyuuseerók Abrahamu nee Isaka nee Yakobo inslaweegáy, kudaádá' kuúng lo'o kasa /ák ar umuuwók nee kiri beér, ‹Aníng xwaylarhúng a tlahhás adór tsatse/uú gawaá doori, nee yaamuuká' sleémeero aníng naa dirhúng i al'axweés, aníng i haniís dír xwaylarhúng i ale, inooín kiri aal ay alhhe'eesáy wasle.› »

TI'INAANGW 40:15

Ki iimbaláx di/to adór baabuúín ar ale, as kahhó' inooín tawa kaahamuusér Mungú. Iimbalaaxar'ín tisíng gin dahás baraá gadiyér kaahamuusi'iima ay qari sleémeero.»

TI'INAANGW 6:4

Slám alqador'eé' dir'ine aga gawdeés ar yaamaá Kana'ani ngiwa dir'ínií haniis, kudá' aáng naa hootiyé' tawa adór dahaaye.

TI'INAANGW 6:7

Nee aníng kuungá' nun muk'eé' tleéhh, aníng tari AAKOÓ MUNGÚ, Munguúhúng, kudá' kuungá' nu gweér baraá gadiyeédá' tunduwa /uurutimiisi nee múk Misri.

YEREMIA 25:5

Tunduna babáy, ‹Umuú heewo tlehhimi'iiwós kudá' slasla/aren nee kudá' tlakw ngi may, as daqaní kuungá' tawa hota' baraá yaamuudá' AAKOÓ MUNGÚ naa kuungií haniís, nee baabi'iihúng, iimír aáng wa alé, as kiwa ala' kureerisleém.

YEREMIA 31:1

AAKOÓ MUNGÚ i kaahi, «Qooma i hardát ar aníng tawa Munguú tlahh'aá múk Israeli, nee inooín tari muk'eé'.»

ESEKIELI 11:20

as kuungá' daber'eé' kawa eehada', nee tidá' naa káh kawa ilaiwa/a', kuungá' tari muk'eé', aníng tari Munguúhúng.

ESEKIELI 33:24

«Heewí, yaamuloouusér aa met baraá yaamaá Israeli tam hamí i kat, ‹Aáng Abrahamu a kilós baraá yaamuukae, tam adoorihe, yaamuuká' gina aál. Ala atén ti yaariír, gaarí ka geehhoo' yaamuuká' a aaliirén.›

TLAHHOÓ LAÁWI 14:34

«Barnaxes aga daté' baraá yaamaá Kana'ani, kudá' aníng na dirhúngí haniís kiwa ala', aníng dir/akuú tiqtír tsatmituú koóm ugwa qaás gawaá koo/ír maraykaariya' kuungá' ta ala'.

TLAHHOÓ LAÁWI 16:34

Gaarí an dákw hotaatiím ay alhhe'eesay wasle, a hariima kuwa eehada' nee haraki/isa kawa tlehhita' as múk Israeli ki/ima wak baraá kurko as tlakweemaaín sleémeero kiwa gurtlatlay.» Aroni muruuwí sleémeero guri tleéhh ar adoodá' AAKOÓ MUNGÚ Mose ngura hara'ayín.

TLAHHOÓ LAÁWI 26:12

An hi'iimiít baraá tla/angwhúng wa ale, aníng tari Munguúhúng nee kuungá' tari muk'eé'.

SEKARIA 8:8

Aníng inooín ngiri huúw, tawa hotaá ay tla/ángw Yerusalemu, inooín tari muk'eé', aníng tari Munguúín, ngiri geerahaár ar inkihhimu nee hotaá ganaa'á'.»

FAARO 10:29

Mose kumbu'uuwós, kudá' ta bay Hobabu garmoó taatoó hareerós Reueli, heé Midianír daáhh guna báy, «Atén a aa'aá kawaán amoodá' AAKOÓ MUNGÚ atén tiwa báy, ‹Yaamuudá' ngi kuungá' i haniís.› Gimáy góh ti alkoomaán, atén kuúng u adór hhoó' i tleehhaán, asma AAKOÓ MUNGÚ diihhooa gaa al'axweés dír múk Israeli.»

FAARO 25:13

Án alqadoorí an tleéhh nee inós nee xwaylarós adór tar kaahamuusér Mungú ay kureeraá kureér, asma inós sla'aari nguna tliwí/ daanduú Munguúwose, múk Israeli guri haraki/isár i tleéhh.› »

FAARO 27:12

AAKOÓ MUNGÚ Mose guri báy, «Tsa/ám gawaá dindirmoó tlom'aá ta bay Abarimu, yaamuudá' naa dír xoorór Israelírí haniís xuuxuueek.

Tlehhema'aá ya/Abuuse 7:5

Ala Munguú Abrahamu ngwa yaamaá i aálií haniisiiká tam dír har digiruú wák. Slám na/aay gu konká, ala guna al'axweesántí haniís ar inós nee xwaylarós tidár aluuwo ngiwa yaamií haniisi.

DABE 14:2

Asma kuungá' a múk hhohhó' oo AAKOÓ MUNGÚ, Munguúhúng. Kuungá' AAKOÓ MUNGÚ naa tsawaár as tawa mukós dír tla/ángw múk gawaá daanduú yaamu sleémeero.

DABE 26:18

Nee AAKOÓ MUNGÚ laarí ooaro gaa gwa/atís adór kuungá' tar mukós oo kilá' adoodá' ngira oó', nee kuungá' gár tunduwa hariím a hara'ayaarós sleémeero an otá'.

DABE 29:13

Inós laarí kuungá' nu gawdes tawa mukós, nee inós tari Munguúhúng, adoodá' ngira lo'ór wa /aáy dír kuungá' nee baabi'iihúng, Abrahamu, nee Isaka nee Yakobo.

DABE 32:49

«Tsa/ám gawaá tloomár Abarimu, tloomár Nebo, tidár baraá yaamaá Moabu, tidá' nee gixsár Yeriko ti ga/aawá', yaamaá Kana'ani xuuxueek, kudá' ni aalír wa haniis dír múk Israeli.

DABE 32:8

Qoomár kudá' úr oo gáwtí dirií' xoordu ngiwa aalir'ín i haniís, qoomár inós muu nguwa qasiís, digeemi gina qaás awa muu, adoodá' faarór na/aá Israeli i diri'.

DABE 34:4

Naagáy AAKOÓ MUNGÚ Mose guri báy, «Yaamuusingá' an kudá' naa lo'ór wa /aáy dír baabi'iihúng Abrahamu, nee Isaka nee Yakobo, as ngiwa haniis dír xwaylar'ín. Aníng ngaa laqaám nee ilaawoge iga aán, ala kuúng a datká baraaqií alé.»

DABE 4:37

Asma inós baabi'iihúng gina ló'wa slaá'. Inós kuungaásaá xwaylar'ín nuna tsawaár, inósuú kilá' nuri baraá Misrír wa duúx ar /uuruuwós kudá' úr.

DABE 9:5

Yaamuuín kuungá' i ala'aaká as kuungá' tawa hota gana'a', laqaá munerhúng kawa hhohhó', ala AAKOÓ MUNGÚ, Munguúhúng mukwí gun geeraahúng wa gusiisín, asma inooín kiwa tlákw, nee axweesantós tidá' aa lo'ór wa /aáy dír baabi'iihúng, Abrahamu, nee Isaka, nee Yakobo gan gawdeesár wa slaa'.

Ebrania 9:15

Asma aáng Mungú al'axweesani gana dír mukií haniís ar aalír alhhe'eesay wasl kawa slay. Ala muu Mungú guna sadakuús qoomár alqadoodár geeraawo. Kristo iri gwaá' as muu nguwa gweeri baraá tlehhemi'ii'ín kudae. Gawaá adoorihe Kristo an haraki/isusmoó alqadór /aben, as mukdá' taa ateét nee Mungú al'axweesantadá' Mungú aa oó' kawa slay.

YOSHUA 1:2

«Sagadiyusmooeé' Mose aa gwaá'. Gím daxta tláw, kuúng nee múk Israeli sleémeero, yaaér Yordani waarahhaak, ta datá' baraá yaamuudá' aníng ni haniis dír xoorór Israeli.

Geehhoeemaá 21:7

Heé arba/ati ga sláw, inós muruuwí sleémeero gu aal. Daqaní aníng tari Munguúwós nee inós tari garmaaeé'.