IIMU/UUNGW 17:5 - Biblía Axweesantá Hhohho' ar Mungú 2004

⁵ Kuúng daxta tu male bayká Abramu, ala tun bay Abrahamu asma án kuúng ugwa baabuú xoordaá yaariir tleéhh.

IIMU/UUNGW 17:5 Iomraidhean Croise

IIMU/UUNGW 17:15

Munguú Abrahamu guri báy, «Sarai hareerók umuuwós u sangw malé beeraaká Sarai, ala umuuwós a Sara.

IIMU/UUNGW 32:28

Heedaádá' iri oó', «Kuúng tu malé bayká Yakobo, ala tun bay Israeli, asma nee Mungú tina /ootsité', nee muu sleeme, kiri arbá/.»

IIMU/UUNGW 32:29

Yakobo guri báy, «Na'ás, umuuwók ooang.» Ala inós iri oó', «Gár umuueé' kus yaahamis a milá?» Yakobo guri tsuúq.

IIMU/UUNGW 35:10

Mungú guri báy, «Umuuwók a Yakobo, ala tu malé bayká Yakobo, ala daxta umuuwók an Israeli.» Guri ateét «Israeli.»

2 SAMUELI 12:25

Inós Natani guri ya/aáw amór Daudi, as umuú na/aywí nguwa bay Yedidia as AAKOÓ MUNGÚ.

1 QOM'I 1:27

Tera ina laqwaál Abramu, inós an kudá' aluuwo taa báy Abrahamu.

NEHEMIA 9:7

Kuúng an AAKOÓ MUNGÚ, Munguúdá' Abramu gwaa tsawaar, nguri baraá yaamaá Urír Kaldayór wa dúx, kuri umií tsát tay Abrahamu.

ISAYA 65:15

Mukdá' naa tsawaár umerhúng ganar lu'umis nee Aakoó MUNGÚ kuungá' nun tsuu/, ala sagadiyuuseerós gan umuú /abén i tsaat.

YEREMIA 20:3

Matlaatlér looa niwa tleér Pashuri Yeremia guri gweér baraá peehháydá' iloe. Yeremia Pashuri guri báy, «AAKOÓ MUNGÚ kuúng daxta u ateetiiká ar umuú Pashuri, kuúng daxta tun bay, ‹Dae tlaqa umuú bihhiiwo.›

YEREMIA 23:6

Qoomár waawuti'iimarose múk Yuda ku ba/amis, nee múk Israeli i saxareemár hoot. Inós umuuwós ku bay, ‹AAKOÓ MUNGÚ an gan'amuurén.›

FAARO 13:16

Umeerí ar mukdá' Mose aa ya/aáw yaamaá Kana'ani ngiwa tsawtsawuusiya'. Mose Hoshea garmoó Nuni guna umií tsaát, guri báy Yoshua.

Yohana 1:42

Simon kuri huúw amór Yesu. Yesu iri qaytsiít amór Simon, iri oó', «Kuúng a Simon, garmoó Yohane. Nee kuúng tu bay Kefa.» (Gídaabárós a Petro, laqaá Tlaa/a).

Rumi 4:17

adoodá' kara gooín, tawa kaahi, «Án kuúng ugwa qaás tawa baabuú xoordaá yaariir.» Gawaá adoorihe inós an baabuú xoordaá yaariir dír geeraá Munguhe, Munguúdá' inós aa haratlintií'. Munguúwí an kudá' múk aa qaatl gu slafíngw i hanimiís, slám an kudá' mura' sleémeero oo kaáhh gu ateetiím tawa adór muruú dáw.

Geehhoeemaá 2:17

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng muruú /aymaadá' ta bay Maána kudá' taa luú/, u haniís. Nee tlaa/anoó /awaák nguri haniís. Gawaá tlaa/anoodae umuú /abén kwaa gooín, oo ta baloó tsaahhiiká nee hee, aqo har heedaádá' gu sláw.»