IIMU/UUNGW 17:3 - Biblía Axweesantá Hhohho' ar Mungú 2004

³ Abramu iri tumbarara'aát, Mungú iri oó',

IIMU/UUNGW 17:3 Iomraidhean Croise

IIMU/UUNGW 17:17

Naagáy Abrahamu iri tumbarara'aát, iri qasén, iri baraá muunaáwós i oó', «Xáy, heé kureeraá tsiiru dirose na/aay ku laqwaáli? Sara ar kureeraá mibeeri gwaleél sleeme iqo xwayluúra?»

IIMU/UUNGW 18:2

Iri qaytsiít, ga/aaweek, múk tám aa sihhiít dír geeraawós. Abrahamu ngiwa ár, iri ta'aaín iimír afkú heémarós wa alé as ngiwa al'ay, iri tumbarara'aát.

1 WAAWITÁ 18:39

Muu adoorí ngiwa ár tari gur'eérár qaqatín ta kaahi, «AAKOÓ MUNGÚ an Munguú ló', AAKOÓ MUNGÚ an Munguú ló'.»

TI'INAANGW 3:6

Mungú iri malé oó', «Aníng a Munguú baabuúwók, Munguú Abrahamu, nee Munguú Isaka nee Munguú Yakobo.» Mose ilaawós giri luú/ asma qaytsitár amór Mungú gana da'ayuút.

ESEKIELI 1:28

Adór ga/alér tluwaay, adoorí an adoodá' slaqsoó xirfuú AAKOÓ MUNGÚ i dirii'i. Adoorí ngiwa ár ana gurúr qaát, afór axwees ngiri axaás.

ESEKIELI 3:23

Naagáy niri sihhiít, niri tláw ay dír tlapapaaidá'. Héh, amoodae xirfuú AAKOÓ MUNGÚ una ár, aa sihhiít adoodá' ira sihhiít qoomaadár niwa dír yaaér Kebari, aníng niri i gurúr qaát.

ESEKIELI 9:8

Qoomár tawa múk tsu/i, aníng tina kilooeé' geexáy, niri gurúr qaát yaamu, niri /aá/, niri oó' «Aá Aakoó MUNGÚ! Múk Israeli sleémeero kudaá meet u hhaamísa, as xaraasleemawók daanduú Yerusalemuro kiwa boo/es?»

DANIELI 10:9

Afoorós ngiwa axaás niri gurúr yaamií qaát nay slar/aát gu'uteero.

FAARO 14:5

Naagáy Mose nee Aroni tari gur'eér qaát dír geeraá dinku'uuma sleémeero ar múk Israeli.

FAARO 16:22

Ala Mose nee Aroni tari gur'ér qaqtín tawa kaahi, «Aá AAKOÓ MUNGÚ Kudaádá' oo slafíngw muu sleémeero, xáy heé wák bira dakuús, aqo xooro sleémeero an i búhha?»

FAARO 16:45

«Dír dinku'uumasinge ti paratle', hamír kilá' i adaá hhaamiís!» Ala Mose nee Aroni tana gur'ér ar qaát.

Matayo 17:6

Eeharuuse afoodá' ngiwa axás, iri ló'wa da'ayút, iri yaamií slar/amít.

YOSHUA 5:14

Heedaádá' iri oó', «Aasla'áy, án bartá naa áw i káhh, aníng a diirí dirií', asma aníng a geeraharusmooduú malaykér AAKOÓ MUNGÚ.» Yoshua iri tumbarara'aát, giti gari yaamúr óh as ilaiwa/ame, iri oó', «Aakooeé', aníng a sagadiyusmoowók, gár kuúng ta sla' ar ni tleehh a milá?»

Geehhoeemaá 1:17

Aníng qoomár nguwa ár, niri huú' dír ya'aawós i alé adór heé aa gwaa'. Dakós oo doó /iyáy nguri qaás gawaaeé' alé, iri oó', «Ma da'ayuumitaar. Aníng a kuduú geera nee kuduú alhhe'eesaay,

HAR'OHUUSE 13:20

Qoomár tsángw asla iwa gawaá doorí tlatlay dír kitángw ilahhooár wa ale, malaykamoó AAKOÓ MUNGÚ iri gawaá doorí tláy ar baraá tsangwduú asla. Manoa nee hareerós adoorí kawa ár tari tumbarara'aát giti ngiri yaamúr oohiyé'.