IIMU/UUNGW 17:14 - Biblía Axweesantá Hhohho' ar Mungú 2004

¹⁴ Umuúqo hhawaata oo ta hheehhe'eesiiká kun paraatl dír mukose, asma alqador'eé' gaa boo/eesiiká.»

IIMU/UUNGW 17:14 Iomraidhean Croise

IIMU/UUNGW 17:15

Munguú Abrahamu guri báy, «Sarai hareerók umuuwós u sangw malé beeraaká Sarai, ala umuuwós a Sara.

IIMU/UUNGW 34:14

Tari oó', «Adoosíng ngi tleehhanaaká hho'oorén ngiwa hanisaan, dír heé taa hheehhe'eesiiká. Adoosíng bara tleehhaán, a alsi'imu direne.

WARA'AMI 55:20

Mulqumooeé' kudá' slahhaá' mulqeerós gaa sakií/. Alqadoorós gaa sií'.

TI'INAANGW 12:15

«Mikaátér taa sluuftisiiká an /agá' deelo faanqw. Bál geeraawo muruudá' taa sluuftís sleémeero un duxá' baraá marayhunge, asma umuúqo heé gár taa sluuftís gaa /aay iimír bál geraá wá ale ay bál faanqw, heé adoosíng a tlatlahhasa baraá xoorór Israeliwo.

TI'INAANGW 12:19

Baraá deeloosíng faanqwe gár sluuftimis miwa deerút baraá marayhunge, asma umuúqo heé gár taa sluuftís gaa /aay, heesíng aqo kun tlatlahhaas dír múk Israeliwo, a gaarooká inós bar hoomo laqaá bar heé Israeli.

TI'INAANGW 30:33

Heé di/tá adór tí gaa tleehh nee heé di/tí gaa heé iwa harindaakár iimbalaax, heé adoorí gaa tleehh a baynitisa.› »

TI'INAANGW 30:38

Heé mooyángw daa'awtí gwaa tleehh as slikiingós a baynitisa.»

ISAYA 24:5

Yaamu kaa meetagaás nee mukdá' gi hoót, asma hara'ayár Mungú ngina hhitiné', nee kaahirós ngina si'iyé', nee alqadoodár alhhe'eesay wasl ngiri si'iyé'.

ISAYA 33:8

Loohidá' ur gár ga ohiim i káhh, hhaytusmoó loohidár waraáhh i kaahh, Al'axweesanay kwa warqemamiís lamabu'uuse kaa waqaá' heé hee gu heé wá tsatsahhaám i kaahh.

YEREMIA 11:10

Inooín tlehhmi'idá' tlakw awa baabi'ii'ín ngina i ki/iyé' tlehhtuuwo, kudá' axweesante'eé' nga si'iye' eeharto. Inooín munguaá hatlá' ngina harahhifiyé' nee ngina sagadiyusiyé'. Múk Israeli nee oo Yuda alqadoodá' aníng naa oó' dír baabi'ii'ín ngaa geexayé'.»

YEREMIA 31:32

Alqadoorí nee tidá' naa oó' dír baabi'ii'ín qoomár ngiwa duúx baraá yaamaá Misriro ti slay'aaká. Alqadoodá' ngina si'iyé', tam aníng dir'ine a adór aakooine. Anuú AAKOÓ MUNGÚ tí ngina oó'.

ESEKIELI 44:7

Dír hotaeé' aga meetagasé', as múk taa hhehhe'eesiiká iwa didií daráh, múk aníng i ilaiwawa/aaká, qoomár di/i nee tseere birki dir'eénií hanmiis. Gawaá adoorihe, muk'eé', kuungá' alqador'eé' aga geexeeré', ar muruuhúng kudá' aníng ni ahhiit kuungá' taa tlehhité'.

TLAHHOÓ LAÁWI 18:29

Muu sleémeero oo muruudá' ta waki gu tlehhiít a gár hariím kun baynitimis dír muk'ín wa aleeró.

TLAHHOÓ LAÁWI 19:8

Heé fu'unaydá' gaa /aay taa dahaás baraá tlakweema, asma gadaádá' hhoohhoo' ar AAKOÓ MUNGÚ gaa slasla/areés. Heewí gár kuwa hariím a kun baynitis dír múk Munguhe.

TLAHHOÓ LAÁWI 23:29

Umuúqo heewo oo baalaarihe aa gwaawinká gár kuwa hariím a kun baynitis dír mukós oo Israeliwo.

TLAHHOÓ LAÁWI 7:25

Hee tam gaalá bar wahhnár slér taa ilahhooár da/tá wa haniís dír AAKOÓ MUNGÚ gaa /aáy, kun baynitis dír xooroorós ar Israeliro.

TLAHHOÓ LAÁWI 7:27

Umuúqo heewo oo tseere gaalá gaa /aay kun baynitis dír xooroorós ar Israeliro.»

FAARO 9:13

ala barnaxés hee kuqo hhoohhoó' nee i baraá aaií diri'iiká, deelór Pasaáka gaa oohiiká as adoodá' AAKOÓ MUNGÚ nguwa ilahhooárí hanisiiká qoomaadá' hariima, i hariín kuwa slahha'eesi as daanduú tlakweemaawós.

1 Korinto 11:27

Gawaá adoorihe, barnaxes hee mukaatmoowí gwa /aáy, nee gár baraá xooslmoó Aako gaa wáh ar loohír hariimaaká, heé adoorí slaqwtá Aako nee tseerér Aako gaa tlakweemií tleéhh.

1 Korinto 11:29

Ala umuúqo heewo oo /ayiím, nee oo wahaám, barnaxes slaqwtá Aako gaa tsaahhiiká, heewí taa kilós sakwasleemár i tleéhh ar loohír /ayma nee wahaangw.