IIMU/UUNGW 17:12 - Biblía Axweesantá Hhohho' ar Mungú 2004

¹² Umuúqo na/oó garma oo deelo dakaát ku hheehhe'eesi dirhunge, umuúqo hhawaata baraá xwaylarhunge oo taa laqwaál dó' wa alé, nee oo taa tlaáxw ar peésa, umuúqo dahaaymowo oo xwaylarogeeká,

IIMU/UUNGW 17:12 Iomraidhean Croise

IIMU/UUNGW 17:23

Abrahamu garmaawós Ishmaeli guri óh, nee kudá' sleémeero taa laqwaál baraá do'ós wa alé, nee kudá' sleémeero taa tlaáxw ar peésa, hhawaate sleémeero awa múk doó Abrahamu, giri hheehhe'eés baalaadár kilá' adoodá' Mungú ngira oó'.

IIMU/UUNGW 21:4

Garma deelo dakaát ngiwa áy, Abrahamu guri hheehhe'eés adoodá' Mungú ngwa báy.

TI'INAANGW 12:44

Ala lawaalmoó taa tlaáxw bar kwa al/uútl gu /aay.

TI'INAANGW 22:30

Adoorí an tlehhá' sleeme dír na/aá baris awa hikwaahúng nee awa bee/angwhunge. Na/oó slee in dír aayírós wa du'ún deelo faanqw, bál dakaate ngu aníngí haniisá'.

TLAHHOÓ LAÁWI 12:3

Bál dakaate na/aay ku al/utli.

Luka 1:59

Bál dakaate na/aay kuri hheehhe'eesár áy. Umuú geera kway tsattá wa slai a umuú baabuúwós Sakaria.

Luka 2:21

Bál dakaát an hheehhe'eesár na/aay, umuuwós kuri báy Yesu, adoodá' malaykamo ngura oó' iimír kuwa tsihiiká.

Tlehhema'aá ya/Abuuse 7:8

Alqadór al/utlo gari alqadín. Abrahamu iri laqwaál Isaka, nee bál dakaát guri al/uútl. Isaka iri laqwaál Yakobo. Nee Yakobo iri laqwaál kudá' mibaá nee tsár. Inooín a bariiseerén. Nee kudá' sleémeero kiri al/utlín.

Rumi 2:28

Asma hee barnaxes a heé Yahudi baraá muruú tlehhma'aá slaqwa kilós, inós a heé Yahudír kil'eeká. Slám al/utlór taa tleéhh gawaá slaqwa, a al/utlór kil'eeká.

Filipi 3:5

Aníng tina al/uútl bál dakaate, alaá tiwa xwaylúy. Aníng a heé xoorór Israeli, heé tlahhoó Benyamini, aníng a heé Ebrania, tam xwayliitér'eé' a múk Ebrania. Kángw hara'aya ooharo aníng a heé Farisayo.