IIMU/UUNGW 16:8 - Biblía Axweesantá Hhohho' ar Mungú 2004

⁸ Malaykamo gari yaahaás, «Hagári, kiíng sagadiyuso'ór Sarai a dáhh, nee kiíng a keér?» Hagari iri ilawáts, iri ó', «Án aamar'eé' Sarai ngina ilagoów.»

IIMU/UUNGW 16:8 Iomraidhean Croise

IIMU/UUNGW 16:1

Ala Sarai harér Abramu, na/aay gwa sleeriiká, inós sagadiyuso'o ga koón ar Misri, umuuwós a Hagari.

IIMU/UUNGW 16:4

Abramu nee Hagari tari alqaát, inós iri tsít. Ala Hagari tiwa aán adór inós tar tsiiháy, Sarai gari waaqá'.

IIMU/UUNGW 16:9

Malaykamoó AAKOÓ MUNGÚ gari báy, «Kií/ amór aamaarók, nee aamaarók ilaiwawa/eek nee sagadiyuseek.»

IIMU/UUNGW 21:17

Mungú afór garma gari axaás, nee malaykamoó Mungú Hagari gari gawaá doorí wa ateét, gari báy, «Gár kiíng i daawitimiis a milá? Hagári, ma da'ayumiitaar, asma Mungú afór garma gaa axaás didií dirii'i.

IIMU/UUNGW 3:9

Ala AAKOÓ Mungú heedaádá' guri ateét guri báy, «Kuúng a amá?»

IIMU/UUNGW 4:10

AAKOÓ MUNGÚ Kaini guri báy, «Gár taa tléhh a milá? Tseerér hhiyaawók i amor'eé' /aa/amiín baraá hhapér wa alé.

1 WAAWITÁ 19:13

Naagáy Eliya afoorí ngiwa axaás gitsee/aawós giri tuuntuúk ar hiyaywós, iri ti'iít dír afkú mar'idá'. Afo gari axaás i kat, «Eliya, kuúng ma tléhh diirihe?»

1 WAAWITÁ 19:9

Iri dáh baraá mar'i, iri qaát baraadá'. Naxés axweesantá AAKOÓ MUNGÚ, gana axaás iwa kat, «Eliya, kuúng gár ta tlehh a milá diirihe?»

2 WAAWITÁ 5:25

Gehasi iri dáh baraá doó Elisha, Elisha Gehasi guri yaahaás, «Amór taa keér a amá?» Gehasi iri oó', «Anuú sagadiyusmoowók amór naa káw i káhh.»

DAHARUSMO 10:4

Waawutmo bar kuúng ugwa i buúhh, didá' tay dir'a ma tlawaar, asma axweesantá fur'ár tsá' buhhtaá yaariir gi hingés.

HAR'OHUUSE 19:17

Inós iwa qaytsiít, heé aausmo guna ár aa iwiít dír tlahhoó muu iwa iwaawiti. Aakoowí guri yaahaás, «Amór ta keer a amá, nee amór ta dahh a amá?»

1 SAMUELI 26:19

Hamí daxta, aakooeé' kuú waawutmo, axweesantá sagadiyusmoowók iiárií qaaseek. Barnaxes AAKOÓ MUNGÚ una amor'eéní tliwií/, ilahhooa ngi oohi tidá' inslawaywós gu warqees. Ala barnaxes a afér muu, múk adór kwí AAKOÓ MUNGÚ ngu lu'usi kwí aníng i gusisiím dír aalir'eé' tidá' AAKOÓ MUNGÚ naa haniís tawa kaahi, ‹Tláw slaqsi'iidaá munguaá hatlá' sagadiyuseek.›