IIMU/UUNGW 16:7 - Biblía Axweesantá Hhohho' ar Mungú 2004

⁷ Malaykamoó AAKOÓ MUNGÚ Hagari gari ár, i dír kutltá ma'aay ar baraá xaanxaay. Kutltadá' dír i diri' a dír loohír Shurír kaw.

IIMU/UUNGW 16:7 Iomraidhean Croise

IIMU/UUNGW 20:1

Abrahamu iri tláy yaamaá Mamrér wa alé, iri baskú xuú' ay yaamaá Negebu. Iri tla/ángw Kadeshi nee Shurír wa hoót. Naagáy iri hi'iimiít baraá Gerari wa alé.

IIMU/UUNGW 21:17

Mungú afór garma gari axaás, nee malaykamoó Mungú Hagari gari gawaá doorí wa ateét, gari báy, «Gár kiíng i daawitimiis a milá? Hagári, ma da'ayumiitaar, asma Mungú afór garma gaa axaás didií dirii'i.

IIMU/UUNGW 21:18

Tláw, garma ooheek baraá dabaawók, asma aníng inós un xoorór ur tleéhh.»

IIMU/UUNGW 21:19

Mungú inós gari ila' gwa/atís, inós hhalángw ma'aá koóm guri aán. Iri tleér, quruuntlír aáng gari i hhék, gari hatsís ma'aywo, nee garma guri qeér ma'aywo sleeme.

IIMU/UUNGW 22:11

Ala malaykamoó AAKOÓ MUNGÚ iri gawaá doorí wa ateét, iri oó', «Abrahámu! Abrahámu!» Abrahamu iri oó', «Aníng a diirí.»

IIMU/UUNGW 22:15

Malaykamoó AAKOÓ MUNGUÚ Abrahamu guri sagaáwa tsár wa ateét gawaá doorí wa alé,

IIMU/UUNGW 24:7

AAKOÓ MUNGÚ, Munguú doori, kudá' aníng iga duux amór doó baabuúeé' wa alé, baraadá' ti laqwaál, ina aníng i axweés, iri al'axweesántí haniís iwa kaahi, yaamuká' ngi xwaylarógí haniís. Inós malaykamoowós ngu ya/aaw geeraawók wa alé, kuúng garmaaeé' nguri harér i sleér amoosíng wa alé.

IIMU/UUNGW 25:18

Xwaylár Ishmaeli ina hót iimír yaamaá Hafila ay yaamaá Shuri bihhaá da/aáw awa Misri, amór isaapoó Ashuru. Múk Ishmaeli ina iisaapoó hhaeeín wa hoót.

IIMU/UUNGW 31:11

Malaykamoó Mungú nee aníng ana axweesaán ar baraá tlata. Án ina ateét, ‹Yakóbo›. Aníng niri ooiím, ‹Aníng a diirí.›

TI'INAANGW 15:22

Mose xooroodár Israeli gari geerahaár tawa geerií kumiiti dír tlawtá Shamúr wa ale. Inooín tari tláy ay xaanxoó Shuri, tari hi'iimiít deelo tám baraá xaanxáy wa ale, ma'aay ngaa slay'iiká.

TI'INAANGW 3:2

Amoodae malaykamoó AAKOÓ MUNGÚ guri harati'iít ar tsángw asla baraá tla/ángw kitikiinti. Mose iwa qaytsiít, naxés kitikiinti asla ga /agká.

AXWEESANOÓ SAGALOOA 15:3

Ilaá AAKOÓ MUNGÚ umuú diiro i xumiisiyá', Heé tlaákw nee heé hhooe ngu ga/ayá'.

1 SAMUELI 15:7

Saulo múk Amaleki guri baál iimír yaamaá Hafilár wa ale ay awa Shuri, ti'inángw da/aáw oo Misri.