IIMU/UUNGW 16:3 - Biblía Axweesantá Hhohho' ar Mungú 2004

³ Alaá Abramu kureeraá mibaangw ngiwa hoót baraá yaamaá Kana'aniro, Sarai harér Abramu, Hagari tidár Misri ar sagadiyuso'oorós, gari hanís dír Abramu hhawaatuuwós tawa adór hareerós.

IIMU/UUNGW 16:3 Iomraidhean Croise

IIMU/UUNGW 16:16

Abramu a heé kureeraá mibeeri dakaát nee lahhoó' qoomár Hagari Ishmaeli nguwa xwayluúr.

IIMU/UUNGW 16:4

Abramu nee Hagari tari alqaát, inós iri tsít. Ala Hagari tiwa aán adór inós tar tsiiháy, Sarai gari waaqá'.

IIMU/UUNGW 16:5

Sarai Abramu guri beér, «Slasla/aruuwí aníng iga slay masók i gawaawók. Aníng sagadiyuso'or'eé' ngina haniís, ala inós ngiwa aán a tsiiháy, aníng daxta iga waaqá'. Ala AAKOÓ MUNGÚ sakwasleema ngi tsati dír án nee kuunge.»

IIMU/UUNGW 21:21

Iri baraá xaanxoó Paranír wa hoót. Aayoorós guri harér i sleér baraá yaamaá Misrír wa ale.

IIMU/UUNGW 25:6

Ala qoomár iwa slafi, daaqoó /ameenár hatlá' guna qáy. Daaqaydá' guri loohatís, giri da/ií saweés dír garmaawós Isakawo.

IIMU/UUNGW 28:9

Ala alaá /ameenadár hatlae Esau ina tláy ay amór Ishmaeli, garmoó Abrahamu, Mahatati hho'ór Nabaioti dasír Ishmaeli gari duúx.

IIMU/UUNGW 30:4

Raheli sagadiyuso'oorós tidá' gari hanís dír Yakobo i alé, tawa adór hareerós. Yakobo nee Bilha tari alqaát.

IIMU/UUNGW 30:9

Lea ngiwa aán i laqwaliindaaká, sagadiyuso'oorós Silpa gari hanís dír hhawaatuuwós Yakobo tawa adór hareerós.

IIMU/UUNGW 32:22

Xweeradaá kilae Yakobo iri daarkiít, tlaawaywós tsaraawo gurir tláy, sagadiyuuseerós tsaraawo nee na/iiwós kudá' mibaá nee wak, yaae gari waaraáhh dír dahhsantá ta babay Yaboki.

IIMU/UUNGW 35:22

Qoomár Israeli iwa hoót baraá yaamuudá' wa alé, Reubeni nee Bilha, /ameenír hatlá' ar baabuúwós, tari alqaát. Israeli kangwdá' guri axaás. Daaqoó Yakobo a mibaá nee tsár.

2 SAMUELI 5:13

Daudi /ameena gana duxuút, nee tana alhoót nee /ameenár aa quturmií qaminká baraá gixsár Yerusalemuro, alaá tindiwa kií/ Hebronír wa ale. /Ameenaarí guna na/aá daaqáy laqwál nee awa dasuwo.

1 WAAWITÁ 11:3

Tlaawoó Solomon tay tsiire faanqw, nee /ameenár quturmo wasl a tsiire tám. /Ameenaarí guri muuná warqés loohír Mungú ngiwa may.

Galatia 4:25

Asma Hagari a adór tloomár Sinai, tidár baraá yaamaá Arabiárí dirii'. Inós a slaqás nee gixsár Yerusalemu, tír hamí. Asma inós nee na/iiwose i baraá lawaali'iimárí dirii'iyá'.