IIMU/UUNGW 15:21 - Biblía Axweesantá Hhohho' ar Mungú 2004

²¹ nee Amori, nee Kana'ani, nee Girgashi, nee awa múk Yebusi.»

IIMU/UUNGW 15:21 Iomraidhean Croise

IIMU/UUNGW 13:7

Naagáy gila niri xayé' tla/ángw de'eemuusér hikwaá Abramu nee de'eemuusér hikwaá Loti. Nee de'emadaádae múk xoorór Kana'ani nee múk xoorór Perisi tan yaamuudá' wa hoot.

IIMU/UUNGW 15:20

yaamaá múk Hiti, nee Perisi, nee Refai,

IIMU/UUNGW 16:1

Ala Sarai harér Abramu, na/aay gwa sleeriiká, inós sagadiyuso'o ga koón ar Misri, umuuwós a Hagari.

1 QOM'I 1:14

nee xoorór Yebusi, nee ar Amori, nee ar Girgashi,

TI'INAANGW 3:17

Aníng adór kuungá' nur duúx baraá slahh'amusuú yaamaá Misriro aga oó', nuri dahaás baraa yaamaá xoorór Kana'ani nee ar Hiti, nee ar Amori, nee ar Perisi, nee ar Hifi nee ar Yebusi, yaamaá diihhooár ilwa nee dane.

TI'INAANGW 3:8

Aníng nina hardáh asma inooín ngiwa tuu/ baraá dabaá múk Misri wa alé, nee in huúw ay baraá yaamaá hhooá', yaamaá iintlaaxw, yaamaá diihooár ilwa nee dane, yaamuudá' ta hooti nee xoorór Kana'ani, nee ar Hiti, nee ar Amori, nee Perisi, nee Hifi, nee ar Yebusi.

TI'INAANGW 33:2

Aníng malaykamooeé' ngu ya/aáw, inós geeraahúng gi haar, aníng mukdá' baraadá' wa hoót u guús. Inooín a xoorór Kana'ani, nee ar Amori, nee ar Hiti, nee ar Perisi, nee ar Hifi nee ar Yebusi.

TI'INAANGW 34:11

Hara'ayaarí laarí ni kuúng babaw harmagahheek! Ga/aaweek aníng xoorór Amori nee ar Kana'ani, nee ar Hiti, nee ar Perisi, nee ar Hifi, nee ar Yebusi an geerahúng wa tlatlahhaás.

FAARO 13:29

Múk Amaleki dír Negebu ngi hootiyá'. Múk Hiti, nee oo Yebusi nee oo Amori dír i hootiya' a gawaá tlom'i, nee múk Kana'ani dír i hooti a isaapoó Tlawtá Tla/aangw nee afaá yaaér Yordani.»

FAARO 21:31

Naagáy xoorór Israeli iri hót baraá yaamaá múk Amori wa ale.

FAARO 21:32

Aluuwo Mose muu guri ya/aáw as gixsár Yaseri ngiwa tsawtsawusár aya', ngiri hayohiyé' dinkwa nee ayeemaá isaapaydá', múk Amori oo baraadá' hoót kuri guús.

Matayo 8:28

Yesu iri gayuú hatlá' oo yaaeérií waaraáhh amór yaamaá múk Gadara. Tiri doogiyé' nee múk tsár oo neetlaame aa eér, i amór /aantaá dahhiyá'. Slám a múk xaraásl. Tam hee waarahhamuú loohidá' gu qiitliiká.

DABE 20:17

Muu sleémeero hhaamisaak, múk Hiti, nee oo Amori, nee oo Kana'ani, nee oo Perisi, nee oo Hifi nee oo Yebusi, adoodá' AAKOÓ MUNGÚ, Munguúhúng ngira oó'.

DABE 7:1

«AAKOÓ MUNGÚ Munguúhúng nu hardahaas baraá yaamuudá' kuungá' tay hotaá eera', nee xoordaá yaariir awa baraadá' gi guus. Qoomár bara daté' baraá yaamuudá', inós xoorduudá' faanqw /uuruú koomá' ta kuungae gi guus. Inooín an xoorór Hiti, nee xoorór Girgashi, nee xoorór Amori, nee xoorór Kana'ani, nee xoorór Perisi, nee xoorór Hifi nee xoorór Yebusi.

YOSHUA 3:10

Yoshua iri oó', «Daxta a tsahhá' adór Munguú slaáf ir baraá tla/angwhúng i dirií', nee mukwí gu baloó mayká hingeesaro dír geerahunge: Múk Kana'ani, nee múk Hiti, nee múk Hifi, nee múk Perisi, nee múk Girgashi, nee múk Amori, nee múk Yebusi.