IIMU/UUNGW 15:2 - Biblía Axweesantá Hhohho' ar Mungú 2004

² Abramu iri oó', «Aá Aakoó Mungú, gár ni aníng i hanis a milá? Aníng baraakaá yaamu in geexáw tam na/aay u koomaaká. Nee heé dooeé' gu aál, a Elieseriwí oo Damasko.»

IIMU/UUNGW 15:2 Iomraidhean Croise

IIMU/UUNGW 14:15

Tiri amohhe'eesiyé' as tawa slaqwi nee waawitaádá' xweeraawo. Ala Abramu nee mukós waawitaádá' kuri baál, kuri tlatlahhaás amór yaamaá Hoba, kudá' bihhaá /iya awa yaamaá Damasko.

IIMU/UUNGW 15:1

Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

IIMU/UUNGW 15:3

Abramu iri malé oó', «Ga/aaweek, xwayla nga haniská, nee lawaalmoó taa baraá dooeé' laqwaál, inós an aalitmooeé'.»

IIMU/UUNGW 24:10

Sagadiyusmooduú Abrahamu angamía mibaangw giri ar tláy. Iwa tlay muruú hhohhó' oo daa'aweemaá dimbadimbé oo amór aakoowós daáhh gu kón. Iri aa'aá káy ay gixsadá' Nahori i hooti ar baraá yaamaá Mesopotamia.

IIMU/UUNGW 24:2

Abrahamu sagadiyusmoowós kudá' úr dír awa hatlá' sleémeerowo, kudá' daqaari'iimarós sleémeero ga sageesihhimiít, guna báy, «Dakók qaaseek gawaá nawdueé'.

IIMU/UUNGW 25:21

Rebeka a kaampeeri, gawaá adoorihe Isaka AAKOÓ MUNGÚ guna firiirín. AAKOÓ MUNGÚ firoorós gari ya/án, Rebeka iri tsít.

IIMU/UUNGW 39:9

Baraá do'wihe inós ku ureeká ta aninge, asma umuú gaaro ar aníng iwa /itín i káhh, aqo har kiíng as tawa hareerós. Gawaá adoorihe dakuúsár ur ar adór tisíng adór ngir tleehh dír geeraá Munguhe a adoomá?»

IIMU/UUNGW 43:19

Geeraharusmooduú doó Yosefu kuri harasaáp, tari axweés nee inós afkú dó' wa ale.

IIMU/UUNGW 44:1

Sageesihhtusmo guri i ilawaáts, guri báy, «Mayshaá mukwí dala/aak muruú /aymaaro, har afi qoomár gagaararo i aleeslaya', peésár umuú heewo ka qás baraá afkú mayshoórós.

WARA'AMI 127:3

Ga/aaweek, na/ii an aalír AAKOÓ MUNGÚ naa haniís, xwayla an tsuuqaawós.

AXWEESANOÓ SAGALOOA 13:12

Gár taa harahhíf bira tlík i slahh'eemís. Ala gár ta sla' bara sleér a adór xa'aanoó slafiingw.

AXWEESANOÓ SAGALOOA 17:2

Lawaalmoó sagaloó' ku uráy haniis daanduú barismoó barawásl wa ale. Kuri aalírí haniís adór na/oó wák oo do'odá'.

ISAYA 17:1

Kaangwí a iigu'utuú Mungú aa laqán daanduú gixsár Damaskoro, i kaahi, «Ga/aaweek, gixsár Damasko in hhaán iri baloó gixsárí ki/ká, in hhitirút iri ufa tleehhít.

ISAYA 56:5

Aníng inooín baraá guruú dooeene nee baraá guruú baquuwo in dír xiríf i haniís. Umuú ló'wa afhhamít oo na/aá daaqaay nee awa dasuuwo gi baa/ un haniís. Aníng in umií haniís oo ta inslaslay kureeri sleem oo ta baloó fitsiiká.

YEREMIA 49:23

Axweesantí an tidá' aa oó' daanduú Damaskoro. Gixsár Hamati nee Arpadi bayta gaa óh, asma kángw tlákw kwaa axaás. Munér muk'ín aa weeqaawéq as dae, inooín taa amoqwaqwadín adór tlawtá aa /eeraagwa', tidá' xasliitaaká.

Tlehhema'aá ya/Abuuse 7:5

Ala Munguú Abrahamu ngwa yaamaá i aálií haniisiiká tam dír har digiruú wák. Slám na/aay gu konká, ala guna al'axweesántí haniís ar inós nee xwaylarós tidár aluuwo ngiwa yaamií haniisi.

RUTI 2:6

Sageesihhtusmoodá' iri oó', «Inós a dahaayo'o ar xoorór Moabu. A tidá' nee Naomi ti koomá' qoomár Naomi niwa kí/ baraá yaamaá Moabu wa alé.

1 SAMUELI 1:11

Al'axweesani gari ó' dír Aakoó Munguú Aleesleemusmo, iri ó', «AAKOÓ MUNGÚ, barnaxés kuúng aniídár sagadiyuso'oorók iga i qaytsít baraá slahh'amaayero, nee iri insleér, bira gunqareská aniídár sagadiyuso'oorók, nee aniídár sagadiyuso'oorók na/oó garmaawo bira qeér, daqaní aníng baalaadae u haniís dír AAKOÓ MUNGÚ. Na/aywí baraá slafiingós sleémeerowo u saga deeqwaaká baloó alé.»