IIMU/UUNGW 15:18 - Biblía Axweesantá Hhohho' ar Mungú 2004

¹⁸ Baldae Mungú alqado gana tleéhh nee Abramu, Abramu guri báy, «Aníng xwaylarók a yaamuká' i haniís, iimír yaaér baraá yaamaá Misri ay yaaér ur ar Eufrate,

IIMU/UUNGW 15:18 Iomraidhean Croise

IIMU/UUNGW 12:7

Amoodaádae AAKOÓ MUNGÚ Abramu guri i ti'iít, guri báy, «Yaamukaáká' ngin kuúng i haniís nee xwaylarók.» Didaádae Abramu kitángw ilahhooa guri tleéhh as AAKOÓ MUNGÚ nguwa ilahhooárí haniisi, kudá' gwaa i ti'iit didae.

IIMU/UUNGW 13:15

Asma yaamuká' sleémeero ta ga/eer, án ngi kuúngií haniís nee xwaylarók ay kureér.

IIMU/UUNGW 2:14

Nee umuú yaaér tám a Tigri. An yaaeedá' aa waarahh ar bihhaá da/aáw awa yaamaá Ashuru. Nee umuú yaaér tsiyáhh a Eufrate.

IIMU/UUNGW 24:7

AAKOÓ MUNGÚ, Munguú doori, kudá' aníng iga duux amór doó baabuúeé' wa alé, baraadá' ti laqwaál, ina aníng i axweés, iri al'axweesántí haniís iwa kaahi, yaamuká' ngi xwaylarógí haniís. Inós malaykamoowós ngu ya/aaw geeraawók wa alé, kuúng garmaaeé' nguri harér i sleér amoosíng wa alé.

IIMU/UUNGW 26:4

Xwaylarók an tlahhás tawa adór tsatse/uú doori, nee yaamuká' sleémeero ngiri dir'ín i haniís. Ar baraá xwaylaroge xoordu sleémeero awa yaamu ki tsuuq.

IIMU/UUNGW 28:4

Kuúng u tsuuqi dinkwa nee xwaylarók ar adór Abrahamu ngura tsuúq, as yaamu kiwa al, kwisíng tawa adór dahaaymoó wa hot, yaamuudá' Mungú aa Abrahamú i haniís.»

IIMU/UUNGW 35:12

Yaamuká' naa Abrahamu nee Isaka i haniís, ngi kuúng i haniís sleeme, tawa kók nee xwayladá' ta aluuwók wa laqwaali.»

IIMU/UUNGW 50:24

Yosefu hhaeewós giri báy, «Án hám gwa'arar'eé' naa hamát. Ala Mungú niqo hardah dirhúng i alé, as nuwa duuxi baraá yaamuká' Misriro ay dír yaamuudá' aa oó' dír Abrahamu nee Isaka nee Yakobo.»

2 SAMUELI 23:5

Adoorí an adór dooeé' i dirii'i dír geeraá Munguhe Asma alqadór alhhe'eesay wasl ngaa dir'eéní oó' ar qoom, ar baloó warqawaaká. Inós muruú aníng ni slaa' sleémeero ngun slasláy.

2 SAMUELI 8:3

Daudi Hadadeseri garmoó Rehobu, waawutmoó Soba, guri malé baál. Daudi ina baalín qoomár Hadadeseri iwa loohírí dirii'i, qoomár iwa yaamuudaá yaaér Eufratír ki/isár ay bartá waawuti'iimarós.

1 WAAWITÁ 4:21

Solomon xoordu sleémeero gina sawaawuti'ín, iimír yaaér Eufrate wa tleemu ay yaamaá Filisti ay digmuú yaamaá Misri. Inooín nguna koódírí hanmiisiyé', nguri sagadiyuusiyé' baraá slafiingós sleémeero.

1 WAAWITÁ 5:1

Aluuwo Hiramu waawutmoó Tiro sagadiyuseerós gari ya/aáw amór Solomon, asma gana axaás adór kura iimbalaáx tawa waawutmo kitángw baabuúwose. Asma Hiramu Daudi guna slaá' deelo sleémeero.

1 QOM'I 16:16

Alqadoodá' aa oó' dír Abrahamu, nee al'axweesantós tidá' aa lo'ór wa /aáy dír Isaka,

1 QOM'I 5:9

Inooín bihhaá da/aawe hotaaín niri dalaa/iyé' ay xaanxaay amór yaaér Eufrate, asma hikwaaín na ló'wa tlahhiyé' baraá yaamaá Gileadiro.

2 QOM'I 7:8

Qoomaadae Solomon nee múk Israeli muruú /aymár úr nguna qaasiyé' deelo faanqw, múk iimír dahmaá Hamati bihhaá /iiko, ay digmuú yaamaá Misri bihhaá basko.

2 QOM'I 8:7

Múk hatlá' kudá' aa meet, mukduú Hiti, nee oo Amori, nee oo Perisi, nee oo Hifi nee oo Yebusi, kudaá múk Israeliwooká,

2 QOM'I 9:26

Inós waawitá sleémeero guna sawaawuti'ín iimír yaaér Eufrate ay yaamaá múk Filisti ay digmuú yaamaá Misri.

ESRA 4:20

Slám waawituú aleesleemuú koóm baraá Yerusalemu ngina hootiyé', inooín yaamaá gayuú /uwa yaaér Eufratero ngina sawaawuti'iné', nee ohme sleémeero ngina ohiné'.

NEHEMIA 9:8

Kuri aán adór ir ganaá' dír geeraawoge, tari dirósí alqadiín xwaylarós kawa yaamaá múk Kana'ani i hanis, nee oo Hiti, nee oo Amori, múk Perisi, nee oo Yebusi, nee múk Girgashi. Al'axweesantók kari boo/és, asma kuúng tu inkihhím.

WARA'AMI 105:11

Giri báy, «Yaamaá Kana'ani ngi haniís tari yaamuuhúng awa ta ala'.»

TI'INAANGW 13:11

«Bál bar AAKOÓ MUNGÚ na hardahaás baraá yaamaá Kana'ani adór ngira al'axweés dír baabi'iihúng i ale, ngiwa kuungá' i haniisi,

TI'INAANGW 2:24

Mungú /aa/eeín giri axaás, nee alqadoorós tidá' aa oó' dír Abrahamu, nee Isaka nee Yakobo gari insláy.

TI'INAANGW 23:23

Qoomár bar malaykamooeé' kuungá' naa geerahaár nuri hardahaás baraá yaamaaá xoorór Amori nee ar Hiti, nee ar Perisi, nee ar Kana'ani, nee ar Hifi, nee ar Yebusi, xoorduuká' ngiri hhaamiís.

TI'INAANGW 3:8

Aníng nina hardáh asma inooín ngiwa tuu/ baraá dabaá múk Misri wa alé, nee in huúw ay baraá yaamaá hhooá', yaamaá iintlaaxw, yaamaá diihooár ilwa nee dane, yaamuudá' ta hooti nee xoorór Kana'ani, nee ar Hiti, nee ar Amori, nee Perisi, nee Hifi, nee ar Yebusi.

TI'INAANGW 32:13

Sagadiyuuseerók Abrahamu nee Isaka nee Yakobo inslaweegáy, kudaádá' kuúng lo'o kasa /ák ar umuuwók nee kiri beér, ‹Aníng xwaylarhúng a tlahhás adór tsatse/uú gawaá doori, nee yaamuuká' sleémeero aníng naa dirhúng i al'axweés, aníng i haniís dír xwaylarhúng i ale, inooín kiri aal ay alhhe'eesáy wasle.› »

TI'INAANGW 34:11

Hara'ayaarí laarí ni kuúng babaw harmagahheek! Ga/aaweek aníng xoorór Amori nee ar Kana'ani, nee ar Hiti, nee ar Perisi, nee ar Hifi, nee ar Yebusi an geerahúng wa tlatlahhaás.

TI'INAANGW 34:24

Asma aníng xoordu in guús geeraahúng wa ale, nee digeemaá ayaahúng i bihheérí uuruúx, nee slám heé yaamuuhúng gi ilaatleeruús i kaahh qoomár kuungá' birna geeraá AAKOÓ MUNGÚ Munguúhúngí hardaté' ki/ima tám baraá kurko.

TI'INAANGW 6:4

Slám alqador'eé' dir'ine aga gawdeés ar yaamaá Kana'ani ngiwa dir'ínií haniis, kudá' aáng naa hootiyé' tawa adór dahaaye.

TI'INAANGW 6:8

Aníng kuungá' nu huúw ay baraá yaamuudá' aníng naa lo'ór wa /aáy, ngiwa haniis dír Abrahamu nee Isaka nee Yakobo, aníng ngi haniís tawa aalirhúng, aníng a AAKOÓ MUNGÚ.› »

ISAYA 27:12

Baalaadae AAKOÓ MUNGÚ balaangós gu slaahh iimír yaaér Eufratér wá tleemu, ay digmuú yaamaá Misri. Kuungaá Israeli tunduri wakeetín burumburiingo.

ISAYA 55:3

Iaahúng qaasaak, nee amor'eé' hardahare'. Aníng iiárií qaasaré', daqaní a hotá'. Aníng alqadór alhhe'eesay wasl a tleéhh nee kuungá', sla'aarir'eé' ar warqawaaká tidá' ló' dír Daudiwo.

YEREMIA 32:22

inooín kiri yaamuukií hanís, kuúng kiri diihhooár ilwa nee daneérí hanís, adoodá' aáng kara qaro alqadiín dír baabi'ii'ín.

YEREMIA 32:40

Aníng alqadór alhhe'eesay wasl an tleéhh nee inooín, as kahhó' inooín ngiwa baloó mawaaká hhooeemáy tlehhtuuwo, nee muunuú aníng iwa ilaiawawa/iya' un baraaíní qaás, as kahhó' aníng miwa malé si'iyé'.

TLAHHOÓ LAÁWI 26:42

aníng daqaní alqador'eé' an insláw, tidá' naa tleéhh nee Abrahamu, nee Isaka, nee Yakobo, nee yaamuudá' ngi al'axweés ngiri insláw.

TLAHHOÓ LAÁWI 26:45

Aasla'áy, as inooine alqador'eé' an insláw, tidá' naa tleéhh nee baabi'ii'ín, kudá' naa baraá yaamaá Misrír wa duúx, as án niwa Munguúín tleehhiit, adoorí xoordu ngina ariyé'. Aníng an AAKOÓ MUNGÚ.»

FAARO 34:5

Digmuuhúng birna Asmonír wa tláy iri warqáy, iri yaaér Misrír xuu', yaaeedár Misri gan eehar, iri dalaa/ ay Tlawtá Tla/aangw.

Tlehhema'aá ya/Abuuse 7:5

Ala Munguú Abrahamu ngwa yaamaá i aálií haniisiiká tam dír har digiruú wák. Slám na/aay gu konká, ala guna al'axweesántí haniís ar inós nee xwaylarós tidár aluuwo ngiwa yaamií haniisi.

DABE 11:24

Umuú dír ta adata' ya'ahunge a yaamuuhúng, iimu/úngw digimuú yaamuuhúng a iimír xaanxáy wa tleemu bihhaá basko, tay bihhaá tloomár Lebanoni bihhaá /iiko, iimír yaaér Eufrate wa tleemu bihhaá da/aawe, ay Tlawtá Tla/aangw bihhaá /uwawo.

DABE 12:20

«Qoomár AAKOÓ MUNGÚ, Munguúhúng, bar digimuú yaamuuhúng nguwa doogi, adoodá' ngura al'axweés, kuungá' tari oé', ‹Fu'unaay i /ayaán,› asma kiwa sla'a', i qoón har qoomoó ta sla'a' kuwa /aga' ay dír ti axa'.

DABE 19:8

«Slám barnaxes AAKOÓ MUNGÚ, Munguúhúng digeemaá yaamuuhúng ngaa doók, adoodá' ngira dír baabi'iihúng i alqadín, nee inós yaamu sleémeero kudá' aa al'axweés dír baabi'iihúng, ngiwa haniisi,

DABE 34:4

Naagáy AAKOÓ MUNGÚ Mose guri báy, «Yaamuusingá' an kudá' naa lo'ór wa /aáy dír baabi'iihúng Abrahamu, nee Isaka nee Yakobo, as ngiwa haniis dír xwaylar'ín. Aníng ngaa laqaám nee ilaawoge iga aán, ala kuúng a datká baraaqií alé.»

DABE 7:1

«AAKOÓ MUNGÚ Munguúhúng nu hardahaas baraá yaamuudá' kuungá' tay hotaá eera', nee xoordaá yaariir awa baraadá' gi guus. Qoomár bara daté' baraá yaamuudá', inós xoorduudá' faanqw /uuruú koomá' ta kuungae gi guus. Inooín an xoorór Hiti, nee xoorór Girgashi, nee xoorór Amori, nee xoorór Kana'ani, nee xoorór Perisi, nee xoorór Hifi nee xoorór Yebusi.

Ebrania 13:20

Aakoorén Yesu an de'eemusmoó úr oo bee/aangw. Munguúduú wayduú koóm Yésuuwí guna waaslee/atís baraá múk aa qaátl wa ale, ar /uuruú tseereedár alqadór alhhe'eesay wasl.

YOSHUA 13:3

iimír yaaér Shihorír wa oohang ay bihhaá da/aáw awa Misri ay digmuú Ekroni bihhaá /iiko, gaarí an yaamuudá' sleémeero ta babay awa xoorór Kana'áni. Waawituú Filisti a kooán, ayeemooín a kuká': Gasa nee Ashdodi, nee Ashkeloni, nee Gati, nee Ekroni nee yaamaá múk Afi,

YOSHUA 15:4

Iwa Karkár wa tláy digma ina waaraáhh Asmoni, iri dáh yaaér Misri, yaaeedá' gari kón iri ti'iít baraá tlawtadá' ur ar Mediteranea. Wa/ángw digmuú tlahhoó Yuda basko ira uhín an kwí.

Geehhoeemaá 9:14

Afoorí malaykamooduú lahhoó', kudá' tarumbeétár koóm, guri beér, «Malaykeedá' tsiyáhh gweereek, tidá' taa tseék dír yaaeedá' ur ta babay Eufrate.»