IIMU/UUNGW 15:15 - Biblía Axweesantá Hhohho' ar Mungú 2004

¹⁵ Ala kuúng an diín ar diimoó hhohhó', tari gwá' ar wayda, turi fool.

IIMU/UUNGW 15:15 Iomraidhean Croise

IIMU/UUNGW 23:19

Alaá kaangwihe Abrahamu tuuár hareerós Sara gari foól baraá mar'idár qaymór Makpela, tidár bihhaá da/aáw awa Mamre, tidá' ta bay Hebroni, ar baraá yaamaá Kana'ani.

IIMU/UUNGW 23:4

«Án niwa hoót a adór dahaaymo nee /eetusmo baraá tla/angwhunge. Yaamaá niina dir'eé' weerisaare', awa muk'eé' nguy foliit, as dír tuuár harer'eé' ngi fool ngiwa slaw.»

IIMU/UUNGW 35:29

Isaka a aakoó aa uray, diimay gway daáhh, kuri foól nee daaqaywós Esau nee Yakobo.

IIMU/UUNGW 47:30

Ala án bara gwaá', huwáng, foolár awáng amoodá' taati'iieé' ki foliít.» Yosefu iri oó', «Kahhoo', adoosíng kuúng ta kat a tleéhh.»

IIMU/UUNGW 49:29

Israeli na/iiwós gina hara'ayín, giri báy, «Aníng gwa'araaro aga nakaá/. Bara gwaá' án ir folá' dinkwa nee taati'iieé' baraá mar'idár baraá qaymór Efroni, oo múk Hiti,

IIMU/UUNGW 49:31

Amoodá' an dír Abrahamu nee hareerós Sara ki foliít, nee an dír Isaka nee hareeró Rebeka ki foliít, nee an dír Lea ngi foól sleeme.

IIMU/UUNGW 50:13

Kuna ar tláy ay baraá yaamaá Kana'ani, kuri foól baraá mar'idár baraá qaymór Makpela, tidá' Mamrero da/aáw, mar'idá' Abrahamu aa tlaáxw dinkwa nee qaymór Efroni, heé Hiti, tawa dír mukós kway foliiti.

1 QOM'I 23:1

Qoomár Daudi tawa aakoó aa diimaay hhe'eés, garmaawós Solomon guri waawutmoó Israeli wa qaás.

1 QOM'I 29:28

Inós iwa gwaá' a aakoó aa dimaay hhe'ees, a daqaarmo nee a heé ta ilaiwawa/i. Garmaawós Solomon kitaangós oo waawuti'iima guna óh.

2 QOM'I 34:28

Ga/aawek kuúng bar aga gwá', tun foól ar wayda, tari haraagwá' amór baabi'iiwók, slahh'amuuwí ni huuw baraá yaamuuká' nee dír yaamuuloouuseerós ilaawók ngu ariiaaká.› » Naagáy mukdá' taa ya/aáw kaangwí nguri ki/ís amór waawutmo Yosia.

YOBU 41:32

Dír inós ira waaráhh in gwa/át aluuwós wá ale, sloorór /awak ngin dúx baraá tlawtá wá ale, hee sloororí bir ngaa ár al/awtani gari baraá tláwtí xuruut.

YOBU 42:17

Yobu iri gwaá', inós a aakoó kureeraá yaariir.

YOBU 5:26

Kuúng an hotaatiín, diimaay uri daahh, aqo adoodá' balaangw ir hamdaaditi kway buu'.

WARA'AMI 37:37

Heé ganaá' ló'wa alhooreeseek, heé inkihhím ga/aaweek. Asma heé tsá', yaeemirós ka tleer.

WARA'AMI 49:19

ala inós iqo haragwaa' amoodár bariisér bál geera aa keér, amoodá' gwa/aateema ngiwa baloó ariiká.

DAHARUSMO 12:7

Dír kuúng tara baraá hhapeérí ki/iká, nee dír qeeru ira ki/iiká amór Munguúdá' ngwa haniis.

DAHARUSMO 6:3

Barnaxes hee na/aá tsiiru gaa laqwaál, nee iri hoót kureeraá yaariire, iri hoót deelór yaariire, ala inós amohhooár hotaangw gaa slayká, nee iwa gwaá' kwaa fooliiká, aníng a kah, gurkwahhama a tsiní ta heewihe.

DANIELI 12:13

«Ala kuúng, aá Danieli, tláw, hoót ay dír tay gwa', ta hungu/ús baraá /aanta, nee qoomaadá' birna xeér, tu waslee/atis, nee turi aalirók i haniis.»

FAARO 20:24

«Aroni i gwaa', i dahiiká baraá yaamuudá' ni dír múk Israelírí haniis, asma kuungá' tsaraawo hara'ayar'eé' ana sié' baraá Meribaro.

FAARO 27:13

Yaamuká' bira aán kuúng tari kahhút, adoodá' hhiyaawók Aroni ira kahhuút.

Matayo 22:32

‹Aníng a Munguú Abrahamu nee Munguú Isaka nee Mungú Yakobo.› Mungú a Mungú tu'uuwooká, ala a Mungú múk slaáf.»

Tlehhema'aá ya/Abuuse 13:36

Daudi múk qartós guna sagadiyuús, adoodá' Mungú aa slaá' gari tleéhh. Aluuwo iri gwaá', kuri foól dinkwa nee baabi'iiwós. Inós hhitiru'uuma gari sláy.

DABE 31:16

AAKOÓ MUNGÚ Mose guri báy, «Kuúng daxta deeloorók ar tawa kahhut naa tseewuúr, nee alaá bara gwá', muu aníng i geexáy, nee munguaá hatlá' kiri eehaar awa baraá yaamuudá' tay hotaá ay. Aníng i geexayá', nee alqador'eé' ngiri geexayá', tidá' nee inooín taa tleehhaán.

HAR'OHUUSE 2:10

Slám muu sleémeero oo qartadá' iwa faakiís, qartá hatlá' niri aluuín wa iitleér ar AAKOÓ MUNGÚ gu xuaaká, tam gadiyeédá' aa tleéhh as múk Israeli ngi xuiaaká.