IIMU/UUNGW 15:1 - Biblía Axweesantá Hhohho' ar Mungú 2004

¹ Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

IIMU/UUNGW 15:1 Iomraidhean Croise

IIMU/UUNGW 15:2

Abramu iri oó', «Aá Aakoó Mungú, gár ni aníng i hanis a milá? Aníng baraakaá yaamu in geexáw tam na/aay u koomaaká. Nee heé dooeé' gu aál, a Elieseriwí oo Damasko.»

IIMU/UUNGW 15:4

Axweesantá AAKOÓ MUNGÚ gari axaás, i kat, «Kwí u aaliiká, ala kudá' kuúng ta laqwal an oo u aál.»

IIMU/UUNGW 21:17

Mungú afór garma gari axaás, nee malaykamoó Mungú Hagari gari gawaá doorí wa ateét, gari báy, «Gár kiíng i daawitimiis a milá? Hagári, ma da'ayumiitaar, asma Mungú afór garma gaa axaás didií dirii'i.

IIMU/UUNGW 22:1

Nee alaá muruuwí sleémeero Munguú Abrahamu guri iiár, guri báy, «Aá Abrahamu». Abrahamu iri oó', «Aníng a diirí.»

IIMU/UUNGW 22:20

Alaá muruuwihe Abrahamu kuri báy, «Milka sleeme daaqaay gwaa xwayluúr dír hhiyaawók Nahori.

IIMU/UUNGW 26:24

Xweeradaá kilae AAKOÓ MUNGÚ guri i ti'iít, guri báy, «Aníng an AAKOÓ Munguú baabuúwók Abrahamu. Ma da'ayumiitaar, asma aníng nee kuúng a dinkwa. Án kuúng u tsuúq, nee xwaylarók ngiri tlahhás as sagadiyusmooeé' Abrahamu.»

IIMU/UUNGW 31:7

Slám inós aníng iga al/aáy, slaasláwar'eé' gari sagaá wa mibángw wa warqemaamiís. Ala Aakoó Mungú inós gwaa pa/ángw i haniisiiká oo aníng iwa hariiay.

2 SAMUELI 22:3

A Munguúeé' nee tlaa/ar'eé', nee an dír guway'eé' ar amoohhoo', a baqmór'eé', a /uuruú ba/amar'eé', a koo/ir'eé' ar gawit nee dír guway'eé', a ba/amusmooeé' in ba/amimis dír múk gurtleemu wasle.

2 WAAWITÁ 1:15

Naagáy malaykamoó AAKOÓ MUNGÚ Eliya guri báy, «Inós mu da'ayumiitaar, al'aweeré' nee inós.» Eliya iri sihhiít tari al'aweér ay dír waawutmo

1 QOM'I 28:20

Aluuwo waawutmo Daudi garmaawós Solomon guri báy, «Gimáy, piíhh muuna hhe'eés, gadiyeérí tleehheek, ma da'ayuumitaar laqaá ma amoqwaqwadiimar, asma AAKOÓ MUNGÚ, Munguúeé', i dinkwa nee kuúng. Inós kuúng u baloó geexayká, laqaá u baloó mayká ay dír gadiyeé sleémeero ar doó AAKOÓ MUNGÚ i hhooeer.

WARA'AMI 115:10

Múk guruú doó Aroni harahhifo qaasaak dír AAKOÓ MUNGÚ. Inós nu alee/iimiis nee nu baqamín.

WARA'AMI 119:114

Kuúng a gaambór'eé', ni dirógi nahhaát, axweesantók a ló'wa harahhiíf.

WARA'AMI 142:5

AAKOÓ MUNGÚ, án kuúng u ateetiím, kuúng an dír guway'eé' ar saxmaar. Kuúng una gurií baá/ ta umuú gaaro baraá slafingw'eene.

WARA'AMI 18:2

AAKOÓ MUNGÚ an baqmor'eé', nee ba/amusmooeé', an Munguúeé' oo ni i gogoow. Inós aníng in baaq adór gaambór wa ale, in aleekalaa/ iri ba/amis, aníng ti saxmaár dirose.

WARA'AMI 27:1

AAKOÓ MUNGÚ an gwa/aateemaaeé' nee ba/amar'eé', heé ni daimiit a heemá? AAKOÓ MUNGÚ a baqmór slafingw'eé', heé ni xuruumiit a heemá?

WARA'AMI 3:3

AAKOÓ MUNGÚ, kuúng aníng in báq dír tsaxwawo adór gaamboót. Kuúng an xirfuueé' nee kudá' aníng i pihháy hanmiís.

WARA'AMI 3:4

AAKOÓ MUNGÚ un ateetiím, inós i mu/aywaats iimír tloomarós ar hhoohhoó' wa ale.

WARA'AMI 5:12

AAKOÓ MUNGÚ, kuúng kudaádá' hota ganaa'á' in tsúq. In báq ar hhooeemawók adór gaamboót.

WARA'AMI 58:11

Muu iri ooi, «Ar looeemaawo bu'tuú heé ganaá' i deer. Ar looeemaawo Mungú i deer oo sakwasleemuút baraá yaamuwo.»

WARA'AMI 84:11

Asma AAKOÓ Munguúrén an gwa/aateema nee an adór gaamboót, AAKOÓ MUNGÚ gurhhooa nee xirif gi kón. Inós ku hhoó' dír mukdaáduú gan'amuú kooma.

WARA'AMI 84:9

Aakoó Mungú, kuúng baqmoorén i qaytsiteek, waawutmoodá' kuúng taa tsawát i qaytsiteek.

WARA'AMI 91:4

Un tuuntuuk ar hayowós, baraá guruú hhampe'eeriwose dír guwaay an sleér. Inkihhimuuwós an gaamboót nee baqmoó.

TI'INAANGW 14:13

Ala Mose muu guri báy, «Ma da'ayumiitaara'! Ló'wa sihhiité', nee ba/amár AAKOÓ MUNGÚ tidá' ni kuungií tleehhi laarí ka aandá'. Asma mukuú Misri ta ga/eera' laarí, u baloó aanda'aaká malé ale.

AXWEESANOÓ SAGALOOA 11:18

Heé tlaákw baraá tlakweemaawo slaasláwár kumiit ga slayká; Ala heé hotaawós ganaa'á' slaasláwár ló' ga sláy.

AXWEESANOÓ SAGALOOA 30:5

Umuúqo /aymuú Mungú aa ooi kwaa alqaytsiít. Inós a gaamboót dír mukdá' inós gu i gogoowa.

ISAYA 35:4

Múk da'ayumiít ku beera', mune hhe'eesé', ma da'ayumitaara', Ga/aawaak, Munguúhúng ni hardah as li/aay nguwa bui, Inós li/aay gun buu' gawaá wakuuserhúng. Inós ni hardah as kuungá' nuwa ba/amisi.

ISAYA 40:10

Ga/aaweek, Aakoó MUNGÚ ni hi'iit ar /uuruuwós, ar /uuruuwoosuú kilae in waawuti'ín. Mukdá' aa sláy tawa slaqweerós, i dinkwa nee inós. Mukdá' aa baraá slaqwarár wa sláy as iwa baalín, i geeraawós wá hi'iit.

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

ISAYA 41:14

AAKOÓ MUNGÚ i kaahi, ‹Múk Yakobo kuungá' tam tundu daqe tlakwene adór tsuua, ma da'ayumitaara'. Kuungaá múk Israeli, AAKOÓ MUNGÚ i kaahi, án kuungá' nu alee/iís. Ba/amusmoohúng an Kudá' Hhoohhoó' oo Israeli.

ISAYA 43:1

AAKOÓ MUNGÚ, Kudá' kuungaá múk Yakobo naa tleehh, kudá' kuungaá múk Israeli naa buqumbuqun, i kaahi, «Ma da'ayumitaara', asma kuungá' naa ba/amís. Aníng kuungá' naa ateét as tawa kwe'eé'.

ISAYA 43:5

Ma da'ayumitaara', asma aníng a dinkwa nee kuungá'. Aníng xwaylarhúng ngi da/aáw wa ki/ís. Aníng kuungá' nu burumbuúr bihhaá /uwaá wa ale.

ISAYA 44:2

AAKOÓ MUNGÚ kudá' kuungá' naa tleehh, kudá' kuungá' naa buqumbuqun baraá guruú aayooro nee kudá' nu alee/iís, i kaahi, «Ma da'ayumitaara', kuungaá múk Yakobo, sagadiyuuser'eé', Yeshuruni kudá' aníng naa tsawaár.

ISAYA 44:8

Ma da'ayumitaara' laqaá ma xurumitaara'. Xáy aníng kuungá' iimír geeraawo naa kaangwí bawiikáhe? Kuungá' a lamabu'uuser'eé'. Xáy Munguú adór aníng i deéro? Tlaa/ár hatlá' i káhh, aníng a xuaaká.»

ISAYA 51:12

AAKOÓ MUNGÚ i kaahi, «Aníng a kudá' kuúng u gurkwa/ás. Ahaá waáy gár heé gwaá' kus da'ayuumit Heé qo ilaá wa qwaár adór gitso?

YEREMIA 39:17

Ala baalaadá' birna xeér aníng kuúng un ba/amís, kuúng tu gaasiiká nee mukdá' kuúng ta da'ayuumit.

WA/AA/I 3:24

Aníng ana baraaeé' oó', «AAKOÓ MUNGÚ an aalir'eé', gawaá adoorihe, aníng inós un harahhiíf.»

ESEKIELI 1:1

Bál slahhángw tsiyáhh tawa kooán, kurkú mibeeri tám, qoomár aníng nee mukdá' taa loohatís tawa baraá yaamaá Babulónírí diriiaan, bihhaá yaaér Kebari, doori nina gweeritiyé', iigu'utuú Mungú nguri ár.

ESEKIELI 11:24

Qoomár niwa baraá iigu'utuuwí dirii', qeeruú Mungú ina gáwtí tleés, iri huúw ay yaamaá Babuloni dír mukdá' baraá looháy dirií'. Naagáy iigu'utuuwí iri faák.

ESEKIELI 3:4

Iri báy, «Heewí, tláw dír múk Israeli, kangw'eé' kwí baweek.

FAARO 12:6

Naagáy AAKOÓ MUNGÚ giri báy, «Axweesante'eé' iiárií qaasaak, ‹Barnaxes aarusmo i deer baraá tla/angwhunge, aníng tin dirós i xu'utís ar loohír iigu'utu, nee tari axweesaán ar baraá tlata.

FAARO 18:20

AAKOÓ MUNGÚ Aroni guri báy, «Kuúng aalír ta sleer i káhh, baraá yaamuuine, laqaá tawa garká koon baraá tla/angw'ine, aníng an gár kuúng ta koon, nee an aalirók baraá tla/ángw múk Israeliwo.»

FAARO 24:4

A aarír heé axweesantá Mungú ga axamiís, heedá' iigu'utuú Mungú Aleesleemusmo gu araa'ár, kudá' aa tumbarara'aat ala i xumiis.

Matayo 28:5

Malaykamo /ameenadá' gari báy, «Kuungá' ma da'ayumitaara'. Aníng a xuú' heé kuungá' ta leelehhita' a Yesu, kudá' taa kikií' gawaá msalaába.

Matayo 8:26

Giri báy, «Mas da'ayuumitá', kuungaásingá' haratlintaao niina.» Siiwadár kilae iri tláy, fur'a nee tlawto giri iigahhaát, umuúqo gaaro iri xaslít.

Luka 1:13

Ala malaykamoodá' guna báy, «Sakaría, ma da'ayumiitaar, asma firoorók kaa axaás, nee hareerók Elisabeti na/oó garma gu xwayluúr. Umuuwós ku beer Yohane.

Luka 1:30

Malaykamo gari báy, «Maria ma da'ayuutaar, asma tsuuqaá Mungú iga sleér.

Luka 12:32

«Ma da'ayumitaara', kuungaá daqtá niina. Asma Baabuúhúng gaa slaá' waawuti'iimadá' ngiwa haniisi.

Tlehhema'aá ya/Abuuse 10:22

Tari oó', «Kornelio, geeraharusmoó askaári, atén tina ya/aáw. Inós a heé ganaá', slám a heé Munguú ilaiwawaá/, nee adór tar heé hhoó' múk Yahudi sleémeero ga xuu'. Inós kuna ádbáy nee malaykamoó hhoohhoó' muu nguwa ya/aawi amoorók, as kuúng tawa amór do'ós i daqeer, as axweesantók ngiwa axaasi.»

1 Korinto 3:22

Paulo a koohúng, nee Apolo nee Kefa sleeme. Yaamu a koohúng, nee slafiingw, nee gwa'ara sleeme. Nee qoomaarí hám dáw a toohúng, nee tidá' hardaha sleeme.

DABE 18:2

Ala inooín aali mingiwa slayé' dír hhaeeine, asma AAKOÓ MUNGÚ an aalir'ín, adoodá' ngira qaroó al'axweés.

DABE 31:6

Kuungá' /atlé', nee munehhe'eesé'. Mada'ayumiitaara', laqaá munduwa dae tlaaqiyé'. Asma AAKOÓ MUNGÚ, Munguúhúng nee kuungá' tin alkoondá', inós i surukiiká dirhunge nee nu geexayká.»

Ebrania 1:1

Mungú aáng aa axweés dír baabi'iirén ar afér aaruuse ki/imaá yaariire nee slám ar adór dimbadimbé.

Geehhoeemaá 1:17

Aníng qoomár nguwa ár, niri huú' dír ya'aawós i alé adór heé aa gwaa'. Dakós oo doó /iyáy nguri qaás gawaaeé' alé, iri oó', «Ma da'ayuumitaar. Aníng a kuduú geera nee kuduú alhhe'eesaay,

RUTI 2:12

Gawaá tisíng taa tlehhiti AAKOÓ MUNGÚ bu'utuuwók ngu haniisi. AAKOÓ MUNGÚ, MUNGÚ Israeli bu'utuú yaariír ngu haniisi, kudá' kiíng taa i góp as kiíng iwa xun.»

1 SAMUELI 15:10

AAKOÓ MUNGÚ Samueli guri báy,

1 SAMUELI 9:9

Bál geera baraá yaamaá Israeliro hee bira kángw yaahasár áy dír Mungú in ooi, «Axáy, góh amór iigu'utusmo.» Asma heé de'emaakae ta bay aarusmo, bál geera kun bay iigu'utusmo.