IIMU/UUNGW 14:22 - Biblía Axweesantá Hhohho' ar Mungú 2004

²² Abramu waawutmoó Sodoma guri báy, «Dakw'eé' ugwa tleés amór AAKOÓ MUNGÚ, Munguú Gáwtí dirií', tleehharusmoó doori nee yaamu,

IIMU/UUNGW 14:22 Iomraidhean Croise

IIMU/UUNGW 14:21

Waawutmoó Sodoma Abramu guri báy, «Mukwí aníng i haniisang, ala daqaari'iima kuúng na ooheek.»

IIMU/UUNGW 17:1

Abramu qoomár kureeriiwós tawa mibeeri gwaleél nee gwaleél AAKOÓ MUNGÚ guna harati'iít, guri báy, «Aníng a Munguú Aleesleemusmo. Dir'eé' wa hootang, masók tu xaslxaansli wásl.

IIMU/UUNGW 21:33

Abrahamu ti'ita guri dahaás didár Be'er-sheba, umuú AAKOÓ MUNGÚ, Munguúduú alhhe'eesay wásl guri ateét baraá firoorose.

IIMU/UUNGW 24:3

Án kuúng u lo'ór /aymiís ar umuú AAKOÓ MUNGÚ, Munguú doori nee yaamu, harér garmaaeé' ma lehhtuú awaar baraá tla/ángw dasuú múk Kana'ani, kwí nee atén alhootá'.

2 SAMUELI 2:5

muu guri ya/aáw amór Yabesh-gileadi, as ya/abtoorí kawa ooár ay, kiwa bay, «AAKOÓ MUNGÚ kuungá' nu tsuuqi, asma ilaiwa/amerhúng aga laqaandé' dír Saulo, aakoohúng, as kuwa folé'.

2 WAAWITÁ 5:16

Elisha iri oó', «Ar adoodá' AAKOÓ MUNGÚ ir hotaatina, kudá' ni sagadiyuus, gám aníng qeemuuwók u baloó oohaaká.» Na'amani Elisha guri ló'wa harhhehhe'eés, ala Elisha ina sií'.

1 QOM'I 29:11

Aá AAKOÓ MUNGÚ, uraay a kók nee /uuru nee xirif nee baaliro nee aleesleemuuwo. Asma umuú gaaro ar gawaá dooriwo, laqaá ar baraá yaamu a tók. Waawuti'iima a tók, kuúng taa xirfayeés nee tu úr dír umuú gaaro.

WARA'AMI 144:11

Án ba/amisáng dír tsatoó xaraasle, tu/áng dabaá hoomadá' afer'ine lamemaá tlaaq, dír mukdá' lo'ór lama ga /aáy, ar dabér doó /iyáy ngiwa gáwtí tleemisiya'.

WARA'AMI 144:8

Inooín afer'ine in lamtá kaahiyá'. Lo'ór lama ngin /ayiyá' ar daber'ín ar doó /iyáy kawa gáwtí tleemisi.

WARA'AMI 24:1

Yaamu nee muruudá' sleémeero gaa hatsiis an daqaari'iimár AAKOÓ MUNGÚ, yaamu nee múk baraawós wa hoota a kós.

WARA'AMI 83:18

Ngi tsaahhiye' adór kuúng AAKOÓ MUNGÚ, kuúng kilók tar Munguú úr baraá yaamu sleémeero.

TI'INAANGW 6:8

Aníng kuungá' nu huúw ay baraá yaamuudá' aníng naa lo'ór wa /aáy, ngiwa haniis dír Abrahamu nee Isaka nee Yakobo, aníng ngi haniís tawa aalirhúng, aníng a AAKOÓ MUNGÚ.› »

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

DANIELI 12:7

«Heedaádá' aa sihhiit bihhaá gawa awa yaae, kudá' tlabaá neewór kitaáni gaa dahaas, dabaawós tsaraawo giri gáwtí tleés, nguri axaás i lo'ór /aay ar umuú Munguúdá' hotatiím ay kureeraá kureér, ‹Baala i xeér ar afiqoomadaá tám nee tlaqi qoomár slahh'amuú múk hhohhó' bira faák, muruuwí sleémeero daqaní i boo/.›

DANIELI 4:34

«Alaá kureeridá' faanqw niwa waarahhiyé' anuú Nebukadnesa ana gawaá doorí qaytsiít, nee fuqurangw'eé' niri kií/. Munguúdá' úr una diidi'iís nguri sluufiís nee nguri ilaiwa/amér i tleéhh kudá' hotatiím ay alhhe'eesay wasle. Asma waawuti'iimarós an waawuti'iimár alhhe'eesoó koomaaká. Waawuti'iimarós in kumaamít qari sleémeero.

HAGAI 2:8

Peésa a daqaari'iimar'eé', nee sahaábu a daqaari'iimar'eé', anuú AAKOÓ MUNGÚ Aleesleemusmo tí ngina oó'.

DABE 10:14

Ga/aawaak, doori tam dooraá doori a daqaari'iimár AAKOÓ MUNGÚ, Munguúhúng, yaamu nee muruudá' sleémeero baraadá' i diriia a kós.

DABE 32:40

Aníng dakwe'eé' un gawaá doori tleés nee lo'o ngiri /aáy ar umuueé'.

HAR'OHUUSE 11:35

Yefta ngiwa ár dasiirós nguwa al'eér, tlabaawós gina feehhamiís iwa kaahi, «Dasir'eé', iga gurtlés nee iga slahh'amuú yaariír ar eér, asma aníng lo'o aga /aáy dír AAKOÓ MUNGÚ, slám lo'oorí amohhu'uumaro a aleeslawaaká.»