IIMU/UUNGW 14:21 - Biblía Axweesantá Hhohho' ar Mungú 2004

²¹ Waawutmoó Sodoma Abramu guri báy, «Mukwí aníng i haniisang, ala daqaari'iima kuúng na ooheek.»

IIMU/UUNGW 14:21 Iomraidhean Croise

IIMU/UUNGW 12:5

Abramu hareerós Sarai gari ar tláy, nee Loti garmoó hhiyaawós, nee muruuwós sleémeero nee lawaaleerose, kudá' aa sláy baraá gixsár Haranír wa alé. Tari ti'iít as tawa tlay ay baraá yaamaá Kana'ani. Inooín tawa dáh baraá yaamaá Kana'anír i alé,

IIMU/UUNGW 14:10

Nee baraá xatstá Sidimuro boh'ér laámi ka ur. Waawituú Sodoma nee oo Gomora niwa ta'aainé', nay /e/etiné' baraadí alé, ala kudá' hatlá' naa meetiye' tana gawaá tlom'ií goów.

IIMU/UUNGW 14:11

Wakuuse daqaari'iima sleémeero ar yaamaá Sodoma nee yaamaá Gomora garir tleér, nee muruú /ayma nguri ar tlayé' sleeme.

IIMU/UUNGW 14:20

Munguú Gáwtí dirií' i xirfuuti, kudá' wakuuseerók ngaa gawaá dabaawók i qaás.» Nee Abramu baraá umuúqo muruú mibaango gár wák gari haniís dír Melkisedeki.

IIMU/UUNGW 14:22

Abramu waawutmoó Sodoma guri báy, «Dakw'eé' ugwa tleés amór AAKOÓ MUNGÚ, Munguú Gáwtí dirií', tleehharusmoó doori nee yaamu,

IIMU/UUNGW 47:24

Ala qoomár bu'uungo boohhár wák baraá bohhaá kooane ka Farao i haniisá'. Bohhaá tsiyáhh a koohúng, as tawa dahaasíngw qamuuhúng, nee muruú /aymarhúng nee oo múk dír marayhúng wa hoót, nee muruú /aymár na/iihúng.»