IIMU/UUNGW 14:14 - Biblía Axweesantá Hhohho' ar Mungú 2004

¹⁴ Abramu ngiwa axaás adór garmoó hhiyaawós kura ar tláy, masoombarós gari xooslaá slaqwarár i haniís. Inooín an kudá' taa laqwaál baraá do'ós i alé, muu tsiire tám nee mibaá nee dakaát. Kiri eehár ay yaamaá Dani.

IIMU/UUNGW 14:14 Iomraidhean Croise

IIMU/UUNGW 12:16

Farao Abramu guri hhooeemií tleéhh as /ameenidá'. Abramu bee/aangw guri sláy, nee hikwa nee daqwaayér yaqaambe, nee lawaalér hhawaate nee ar /ameena, nee daqwaayér /ameena nee angamía.

IIMU/UUNGW 12:5

Abramu hareerós Sarai gari ar tláy, nee Loti garmoó hhiyaawós, nee muruuwós sleémeero nee lawaaleerose, kudá' aa sláy baraá gixsár Haranír wa alé. Tari ti'iít as tawa tlay ay baraá yaamaá Kana'ani. Inooín tawa dáh baraá yaamaá Kana'anír i alé,

IIMU/UUNGW 13:8

Abramu Loti guri báy, «Gila mindiwa xayé' tla/ángw aníng nee kuunge, laqaá tla/ángw de'eemuuser'eé' nee de'eemuuseeroge. Asma án nee kuúng a hhae.

IIMU/UUNGW 14:12

Loti, garmoó hhiyoó Abramu, kudá' yaamaá Sodomár hoót, nguna ar tlayé' nee daqaari'iimarose.

IIMU/UUNGW 14:16

Abramu daqaari'iima sleémeero ngiri tuú/, nee Loti, garmoó hhiyaawós, nee daqaari'iimarose, nee /ameenaaro, nee muko sleeme.

IIMU/UUNGW 15:3

Abramu iri malé oó', «Ga/aaweek, xwayla nga haniská, nee lawaalmoó taa baraá dooeé' laqwaál, inós an aalitmooeé'.»

IIMU/UUNGW 17:12

Umuúqo na/oó garma oo deelo dakaát ku hheehhe'eesi dirhunge, umuúqo hhawaata baraá xwaylarhunge oo taa laqwaál dó' wa alé, nee oo taa tlaáxw ar peésa, umuúqo dahaaymowo oo xwaylarogeeká,

IIMU/UUNGW 17:23

Abrahamu garmaawós Ishmaeli guri óh, nee kudá' sleémeero taa laqwaál baraá do'ós wa alé, nee kudá' sleémeero taa tlaáxw ar peésa, hhawaate sleémeero awa múk doó Abrahamu, giri hheehhe'eés baalaadár kilá' adoodá' Mungú ngira oó'.

IIMU/UUNGW 17:27

Nee muu sleémeero oo do'ós, kudá' taa dó' wa laqwaál, nee kudá' taa tlaxún ar peésa dír dahaayér wa alé, kina hheehhe'eemiís dinkwa nee inose.

IIMU/UUNGW 18:19

Aníng inós una tsawaár, asma na/iiwós ngiwa hara'ayin, nee na/aá na/iiwós, loohír AAKOÓ MUNGÚ ngiwa oohiya', as gan'amu nguwa tleehhiya' nee sakwasleema, as AAKOÓ MUNGÚ al'axweesantós dír Abrahamuwo ngiwa boo/esi.»

IIMU/UUNGW 23:6

«Aáko, iia qaaseek, kuúng a heé úr oo Mungú baraá tla/angwrene, tuuár hareerók fooleek baraá baa'ár muunaáwoge taa tsawát. Baraá tla/angwrene heé baa'a ga kuúng wa /itiím i kaahh, tam oo u ilaá/ tuuár hareerók kawa fol i kaahh.»

1 WAAWITÁ 15:20

Waawutmo Ben-hadadi adoorí waawutmo Asa i slai gari ya/án, slaqwaruuseerós gari ya/aáw as gixsadaá yaamaá Israeli kiwa i haraatlay. Inooín gixsadaá Iyoni nee Dani nee Abel-bet-ma'aka nee Kinerotiro nee yaamaá Naftaliwo sleémeero kiri hayóh.

WARA'AMI 68:12

Waawituú slaqwaruuse in gwaagoow, /ameena baraá maraywo maraando gan qasmís.

AXWEESANOÓ SAGALOOA 17:17

Mulqumoó ló' deelo sleémeero i sla'aarír kón, tam hhiya' kunguna laqwaál as uwa tu/i baraá slahh'amko.

DAHARUSMO 2:7

Aníng lawaalér hhawaate nee /ameenaaro ina tlaxuúm, bahh alé nina dír dooeé' wa laqwaliné'. Slamí daqaari'iimár hikwa nee bee/aango heé i baá/ i kaahh dír kudá' naa baraá yaamaá Yerusalemúr wa hooti'i.

YEREMIA 41:12

muk'ín sleémeero kuna burumbuúr, tari slaqwarár áy amór Ishmaeli. Ishmaeli kuri dír tlahhsaadá' ur ar Gibeonírí áy.

DABE 34:1

Mose iri baraá xatstadár Moabúr wa tláy, iri tsa/án gawaá tloomár Nebo, ay dír tsitsinidá' ta bay Pisga, tidá' nee yaamaá Yeriko ti ga/aawá'. Nee AAKOÓ MUNGÚ yaamuudá' sleémeero iimír Gileadír wa tleemu ay Dani giri dirósí laqán,

1 Yohana 2:18

Láqwalo, gaarí a qoomár alhhe'eesaay, adoodá' kara axasé' tawa kaahi, wakusmoó Kristo ni hardah. Tam hamí wakuusér Kristo ar yaariir aa qaroó deerút. Ala adoorihe gaarí a qoomár alhhe'eesaay.

HAR'OHUUSE 18:29

Gixsarí umuuwós kway báy Dani, as ooartá umuú baabuúín kudá' taa laqwaál nee Israeli. Umuú gixsarí geeraawo a Laishi.

HAR'OHUUSE 20:1

Aluuwo xoorór Israeli iri ti'ít sleémeero, Dani ay Be'er-sheba dinkwa nee Gileadi, iri iwít iri qartlamít dír geeraá AAKOÓ MUNGÚ baraá Mispa.

1 SAMUELI 30:19

Daudi umuúqo gár tooine, ar ur nar niinawe, na/oó garma nee oo dasiiro, nee umuúqo gár taa haasaáng wa huwi ngina tuú/.