IIMU/UUNGW 14:10 - Biblía Axweesantá Hhohho' ar Mungú 2004

¹⁰ Nee baraá xatstá Sidimuro boh'ér laámi ka ur. Waawituú Sodoma nee oo Gomora niwa ta'aainé', nay /e/etiné' baraadí alé, ala kudá' hatlá' naa meetiye' tana gawaá tlom'ií goów.

IIMU/UUNGW 14:10 Iomraidhean Croise

IIMU/UUNGW 11:3

Mukdá' tari al'axweés, tari oó', «Gimsé', matofaáli a tleehhaán, kari da/aán.» Ala inooín gár ta kon a matofaáli kitángw tlaa/eewo nee laámi kitángw busluwo.

IIMU/UUNGW 14:11

Wakuuse daqaari'iima sleémeero ar yaamaá Sodoma nee yaamaá Gomora garir tleér, nee muruú /ayma nguri ar tlayé' sleeme.

IIMU/UUNGW 14:17

Abramu Kedorlaomeri nguwa baál nee waawitaádá' nee inós ti alkoomá', waawutmoó Sodoma nina tláy as Abramu nguwa al'ay amór xatstá Shafe, nee an xatstá ta bay xatstá Waawutmo.

IIMU/UUNGW 14:21

Waawutmoó Sodoma Abramu guri báy, «Mukwí aníng i haniisang, ala daqaari'iima kuúng na ooheek.»

IIMU/UUNGW 14:3

Kuká' sleémeero tina doogiyé' baraá xatstá Sidimu, didár Tlawtá Diwi.

IIMU/UUNGW 14:9

as niwa slaqwiya' nee Kedorlaomeri waawutmoó Elamu, nee Tidali waawutmoó Goi'imu, nee Amrafeli waawutmoó Shinari, nee Arioki waawutmoó Elasari. Waawituú tsiyáhh tina amohhe'eés tawa slaqwi nee waawituú kooán.

IIMU/UUNGW 19:17

Qoomár kiwa tsee/ií duúx, malaykamoó wák iri oó', «Goów, slafiingók ba/amiseek, ló' ma alií qaytaar, tam sleeme ma dír wák i sihhiitaar baraá xatstihe, ti ba/amis gawaá tloomaarí alé, as tawa gwa'aká.»

IIMU/UUNGW 19:30

Loti iri iimír Soari wa tsa/án, iri baraá mar'ír wa hoót gawaá tlooma, inós dinkwa nee dasuuwós kudá' tsár, asma ina da'ayuút iwa yaamaá Soarír wa hooti.

WARA'AMI 83:10

Kudá' naa hhané' baraá Endórír wa ale, nee tu'uuín nay naasuutiyé' yaamií alé.

ISAYA 24:18

Heé aa daér wa goow, in /eet baraá bohoongw, nee kudá' ni baraá bohóngw wa ti'imiít kun oh nee tsaaxweeli. Asma foxa'aá doori kaa gweér nee iihhafiirír yaamu i diingiín.

YEREMIA 48:44

Heé dae tlaqa gwa ilagoow in /eet baraá bohoongw, heé naa baraá bohóngw wa ti'iit tsaaxweeli gun ót. Aníng muruuwí ngu huúw dír múk Moabu, kurkú muxtar'ín bira xeér. Anuú AAKOÓ MUNGÚ tí ngina oó'.

YOSHUA 8:24

Múk Israeli muu sleémeero oo Ai tsu/utaro nguwa hhe'eesiyé' dír tsee/aá /awaák wa alé, inooín nay ki/iyé' baraá gixsár Ai. Mukdá' aa meet kuri hhaamiís ar paánga.