IIMU/UUNGW 13:7 - Biblía Axweesantá Hhohho' ar Mungú 2004

⁷ Naagáy gila niri xayé' tla/ángw de'eemuusér hikwaá Abramu nee de'eemuusér hikwaá Loti. Nee de'emadaádae múk xoorór Kana'ani nee múk xoorór Perisi tan yaamuudá' wa hoot.

IIMU/UUNGW 13:7 Iomraidhean Croise

IIMU/UUNGW 10:19

Digmuú yaamaá múk Kana'ani dír iwa iimu/ún a iimír Sidoni, bihhaá basko ay gixsár Gerari, iisaapoó gixsár Gasa, nee bihhaá da/aawe ay Sodoma nee Gomora, nee Adma nee Seboimu, iisaapoó gixsár Lasha.

IIMU/UUNGW 12:6

Abramu iri waaraáhh ar tla/ángw yaamaá Kana'ani, iri hardáh ay dír ta/eewír More, tidá' tseew bihhaá gixsár Shekemu. Qoomaadae múk xoorór Kana'ani ina yaamuudá' wa hoót.

IIMU/UUNGW 21:25

Abrahamu iri quraruú/ dír Abimeleki, asma hhalángw ma'aay kudá' sagadiyuusér Abimeleki aa hayót.

IIMU/UUNGW 26:20

De'eemuusér ayaá Gerari tina aeér nee de'eemuusér Isaka, tana káh, «Ma'ayká' a koorén.» Isaka hhalangwdá' guri báy Eseki, asma inós nee de'eemuuseedá' tina a'ayé'.

IIMU/UUNGW 34:30

Yakobo Simeon nee Laáwi giri báy, «Iga slahh'esé' iwa heé tlaákw tlehhé' baraá tla/ángw múk ayaawihe, múk Kana'ani, nee múk Perisi. Aníng muk'eé' ku niiná, birta i burumburiít, tin muux, án nee múk dooeene tiri qwaarees.»

IIMU/UUNGW 46:34

Kuungá' ta oa', ‹Atén lawaaleerók a de'eemuuse iimír na/uumar'eene ay laarí, tam taati'iirén iimír aange a de'eemuuse.› Kuungá' adoorí bara oé', daqaní inós yaamaá Gosheni ngi haniis dirhúng.» Yosefu adoorí gana oó', asma múk de'eemuuse a múk taa ló'wa aáhh baraá yaamaá Misriro.

NEHEMIA 5:9

Aluuwo ngiri báw, «Adoosíng ta tlehhita' i qoondaaká, xáy i harindaakáhe kuungá' Munguúrén kuwa ilaiwa/a' as xoordaá hatlá' kudaá wakuuseerén kiwa ilaa/i mitiwa niqimís.

TI'INAANGW 2:17

De'eemuuse bahh'ale niri hardát, dasuudá' guri gús, ala Mose dasuudá' guri ale/iís, hikwaá baabuúín giri wahaás.

AXWEESANOÓ SAGALOOA 20:3

Heé gila ga geewakay i ilaiwa/amér wa harín, Ala umuúqo heé daktanto in gilín.

Marko 3:25

Nee múk doó wák birti kilooín tlaampa'aamiisiyá', do'dá' sihhiita ga aleeslayká.

1 Korinto 3:3

Asma tam hamí kuungá' a hotaatiindá' ar adoodár múk Qeeruú koomaaká ir hotaatin. Asma baraahunge da/i i deer, nee kaangaani. Gaarí gár i laqaaqaan a kuungá' heeuumarhúng tidár tlakweema an eeharahadá'aáke, nee an hotaatiindá'aáke ar adoodá' múk baraaká' yaamu ir hotaatin?

Galatia 5:20

nee slaqsa'aá mungui kiwa haratlintaati'i, nee da/ari, nee wakaari, nee gila, nee da/i, nee buhhta, nee fola, nee tlaahhi qamiingw, nee partlito,

Kolosai 4:5

sagalooa koomaak dír mukduú haratlintaaór koomaakahe, umuúqo pa/ángw taa sleeré' ar gadiyusaak.

1 Tesalonike 4:12

Gawaá adoorihe daqaní kuungá' tundu ilaiwawaa/ nee múk xoordu, nee umuúqo heewo u diitsakwaár ar eera'aaká.

Tito 3:3

Aáng atén sleeme a daktana, slám a múk iawásl. A múk aa qwaar, nee atén a lawaalér ilatleeri nee qwal/uú dimbadimbé. Atén ana hootaán baraá tlakweema nee da/i, muu una buhhtimisaán, nee nguri ahhitaán.

Yakobo 3:16

Asma didár da/i iwa deér, nee muu tiwa kilooín slai, tlaahhi i kahhká, nee umuúqo tlehhema'aá tlakw i dayá' didaádae.

Yakobo 4:1

Slaqwararí sleémeero nee gilaká' sleémeero baraá tla/angwhunge amór i dahhiya' a amá? A baraá ilatleerirhúng, tidá' baraá slaqoohúng wa slaqwaakáhe?

1 Petro 2:12

Slafingwhúng masók i tlehhema'aá hhohhó' laqaaqán dír geeraá múk xoorduuwo. As qoomár inooín burtundu /ayseenií tlaaq, tawa kaahi, a muruú tlákw tlehhitá', ala inooín tlehhemi'iihúng awa hhohho' birka ara'ár, daqaní inooín Mungú ku xirfayees bál inós birna hardáh.