IIMU/UUNGW 13:16 - Biblía Axweesantá Hhohho' ar Mungú 2004

¹⁶ Aníng xwaylarók a ureés ngari adór teerír yaamu tleéhh. Barnaxes hee teerír yaamu faarooro ga aleesláy, daqaní xwaylarók sleeme ga aleesláy faarooro.

IIMU/UUNGW 13:16 Iomraidhean Croise

IIMU/UUNGW 15:5

Mungú Abramu guri tsee/ií huúw, iri oó', «Gawaá doori i qaytsiteek daxta, tsatse/ faareek, bur aleesleér faarooro.» Guri malé báy, «Adoorí an adór xwaylarók i diri'.»

IIMU/UUNGW 16:10

Malaykamoó AAKOÓ MUNGÚ gari malé báy, «Aníng xwaylarók ngi doók, tam faaro ga ya/aandaaká as kawa yaariír.»

IIMU/UUNGW 17:16

Aníng inós a tsuúq, nee inós kuúng uri na/oó garma i xwayluúr. Án a tsuúq, inós tari aayór xoordu, nee waawituú tlahh'aá muu dirós ngin daahh.»

IIMU/UUNGW 17:2

Aníng alqado a tleéhh tla/ángw án nee kuúng, aníng xwaylarók a ló'wa tlahhás.»

IIMU/UUNGW 17:20

Ala daanduú Ishmaeliwo án kuúng ugwa axaás. Inós ugwa tsuúq. Án u tlahhás, as iwa doogin kángw kilá' wa ale. Inós tay baabuú waawituú mibaá nee tsár, aníng ngway xoorór ur tleéhh.

IIMU/UUNGW 17:6

Aníng kuúng un xwaylár yaariír i haniís, slám u xooro tleéhh, nee waawitá nin baraawók wa ti'iit.»

IIMU/UUNGW 18:18

Barqo Abrahamu inós un xoorór ur tleéhh, nee ar baraá inose xoordu sleémeero awa yaamu kin tsuuq?

IIMU/UUNGW 21:13

Garmaasuú lawaalo'o aníng sleeme u xooro tleéhh, asma inós sleeme a xwaylarók.»

IIMU/UUNGW 22:17

án daxta kuúng u ló'wa tsuúq, nee xwaylarók an ló'wa tlahhás, tari adór tsatse/uú doori nee adór hhasángw afaá tlawi. Nee xwaylarók wakuuser'ín gari bál, nee gari sawaawuti'iín.

IIMU/UUNGW 26:4

Xwaylarók an tlahhás tawa adór tsatse/uú doori, nee yaamuká' sleémeero ngiri dir'ín i haniís. Ar baraá xwaylaroge xoordu sleémeero awa yaamu ki tsuuq.

IIMU/UUNGW 28:14

Xwaylarók ka yaariir adór teerír yaamu, nee xwaylarók tsee/a gin tsát, kuúng an tsiiyayaaxát ay /uwa, da/aáw, /iya nee basa. Múk yaamu sleémeero ku tsuuq as kuúng nee na/iiwók.

IIMU/UUNGW 28:3

Munguú Aleesleemusmo u tsuuqi as xwaylár yaariir kawa sleer nee iwa doogiin, as tawa múk yaariír tleehhit.

IIMU/UUNGW 32:12

Inslaweek kuúng án ina al'axweesántí hanís ar iwa hhooárí tlehh, nee xwaylar'eé' kawa tlahhas adór hhasángw afaá tlawi, kudá' faaro ga ya/aamaaká.»

IIMU/UUNGW 32:13

Naagáy Yakobo iri didií deél xweeraadae. Boohhár daqaari'iimarós gari paraátl tawa gár i haniisi dír Esau hhiyaawós:

IIMU/UUNGW 35:11

Mungú guri báy, «Aníng an Munguú duú Aleesleemusmoó mura' sleémeero, kumiít tawa doogiin. Xoordaá yaariir nin baraawók wa ti'iitiyá', nee waawitá sleeme.

IIMU/UUNGW 46:3

Iri oó', «Aníng a Mungú, Munguú baabuúwók, ma da'ayumiitaar tawa Misrírí /et, asma aníng kuúng u xoorór ur tleéhh baraá ayaaqane.

1 WAAWITÁ 3:8

Sagadiyusmoowók i baraá tla/ángw mukók kudá' taa tsawát, múk yaariír oo faaro ga ya/amaaká, slamí faror'ín xu'utiro i ya/andaaká asma ki ló'wa yaariir.

1 WAAWITÁ 4:20

Xoorór Yuda nee ar Israeli ki ló'wa yaariir adór hhasángw afaá tlawi, nina /ayné' nay wahané', niri qwalaala/iyé'.

2 WAAWITÁ 13:23

Ala AAKOÓ MUNGÚ múk Israeli guna gurtleemuú wa ár. Inós gina gurtleemuú wa ár asma alqadoodá' aáng aa alqadín dír Abrahamu nee Isaka nee Yakobo. Tam ay laarí múk Israeli kwa hhaamiisiiká laqaá kwa si'iiká nee Mungú.

1 QOM'I 21:5

Yoabu faarór múk Israeli sleémeero gari huúw dír Daudi. Baraá Israeliwo múk slaqwarár paangadu ga baál a kume kumuú wák nee kume tsiiruú wák, baraá Yudawo múk slaqwarár paángadu ga baál a kume tsiire tsiyáhh nee mibeeri faanqw.

1 QOM'I 27:23

Ala waawutmo Daudi múk Israeli oo kureeri mibeeri tsár gaa ayká gwaa faariiká. Asma AAKOÓ MUNGÚ al'axweesani gana oó', adór múk Israeli ngur tlahhás adór tsatse/uú gawaá doori.

2 QOM'I 1:9

Aá AAKOÓ MUNGÚ, Mungú, gimáy daxta al'axweesantadá' taa ó' dír baabuúeé' Daudi boo/eseek. Asma aníng kuúng iga waawutmoó wa qás oo mukwí yaariír adór hhasaangw oo faarooro ni aleeslawaaká.

YOBU 5:25

Na/aá yaariir kuúng in sleér, nee xwaylarók in ló'wa tláhh adór xwaylár hibaambi

TI'INAANGW 1:7

Ala xoorór Israeli iri ló'wa laqwál, iri doogiín, tari tlaáhh, inooín tari xoorór /uuruú koom, yaamuudá' ngiri hatsisiyé'.

TI'INAANGW 32:13

Sagadiyuuseerók Abrahamu nee Isaka nee Yakobo inslaweegáy, kudaádá' kuúng lo'o kasa /ák ar umuuwók nee kiri beér, ‹Aníng xwaylarhúng a tlahhás adór tsatse/uú gawaá doori, nee yaamuuká' sleémeero aníng naa dirhúng i al'axweés, aníng i haniís dír xwaylarhúng i ale, inooín kiri aal ay alhhe'eesáy wasle.› »

YEREMIA 33:22

Aníng faarór xwaylár sagadiyusmooeé' Daudi a doók, nee faarór kaahamuusér Mungú tidár tlahhoó Laáwiwo, tari adór tsatse/uú gawaá doori kudá' faarooro ta aslayká, nee adór hhasángw afaá tlawi.»

FAARO 23:10

Heé amaaqawár doó Yakobo farooro ga aleesláw a heemá, laqaá heé tlaqtá niina ar múk Israeli faaroorós ngi oó' a heemá? Masók aníng an gwaá' ar gwa'arár heé ganaá', alhhe'eesay'eé' masók a adór kooín.»

DABE 1:10

AAKOÓ MUNGÚ, Munguúhúng, kuungá' naa tlahhás, hám laarí tundu ló'wa yaariír adór tsatse/uú gawaá doori.

Ebrania 11:12

Gawaá adoorihe Abrahamu xwayla gari sláy, inós tam a adór heé aa gwaai. Nee heewí wák xwaylarós ka yaariir tam faarooro ka aleeslayká. Faaroorós a adór tsatse/uú gawaá doori, nee adór hhasángw baraá afaá tlawi.

Geehhoeemaá 7:9

Alaá tihe aníng niri qaytsiít, boo/oó yaariír ló'wa ale nguri ár, oo hee faarooro i baloó aleeslayká. Mukwí dír i dahhi a baraá umuúqo xoorooro nee umuúqo tlahhaywo nee umuúqo mar'afto nee umuúqo tsifriro. Taa sihhiít dír geeraá kitangwduú aleesleemu, nee dír geeraá Deelmooduú bee/i, kaa tsiitiís ar tlabaá /awak, nee slám i haleemaá slaanslár koná' gawaá dabaaine.

HAR'OHUUSE 6:3

Umuú daqto múk Israeli balaangw burngwa dahaasiyé' baraá qamuuín, múk Midiani nee oo Amaleki, nee oo hatlá' kuduú da/aáw, tan haraatláy amor'ín.

HAR'OHUUSE 6:5

Mukwí ina intsahhán daqaaqango, inooín ki ló'wa yaariir adór ingigi nee hikwaaine, nee angamíaro nee heemaduwo, niri hotaá ayé' yaamaá múk Israeli, yaamaá múk Israeli ngiri hhitaatiné'.