IIMU/UUNGW 12:8 - Biblía Axweesantá Hhohho' ar Mungú 2004

⁸ Abramu iri didá' wa tláy, iri hardáh ay yaamaá goongoama bihhaá da/aáw awa gixsár Beteli. Heémarós gari didií kikií', gixsár Beteli i bihhaá /uwa, nee gixsár ta bay Ai i bihhaá da/aáw. Kitángw ilahhooa guri tleéhh, umuú AAKOÓ MUNGÚ guri ateetín baraá firoorose.

IIMU/UUNGW 12:8 Iomraidhean Croise

IIMU/UUNGW 13:18

Naagáy Abramu heémarós gay surkuús, iri hardáh dír ta/eewoó heé ta bay Mamre, baraá yaamaá Hebroni. Iri didá' wa hoót. Didaádae kitángw ilahhooa guri tleéhh as AAKOÓ MUNGÚ.

IIMU/UUNGW 13:3

Abramu iri yaamaá Negebuú wa tláy, iri kumaamiít aaiiwo ay yaamaá Beteli nee gixsár Ai.

IIMU/UUNGW 13:4

Didá' kitángw ilahhooa ngway tleéhh. Nee Abramu umuú AAKOÓ MUNGÚ guri didá' wa ateetín.

IIMU/UUNGW 21:33

Abrahamu ti'ita guri dahaás didár Be'er-sheba, umuú AAKOÓ MUNGÚ, Munguúduú alhhe'eesay wásl guri ateét baraá firoorose.

IIMU/UUNGW 22:9

Tawa hardáh didá' Mungú aa oó', Abrahamu kitángw ilahhooa guri tleéhh. Migír guri hhaáf gawaá kitangwdá', garmaawós Isaka guri tseék ar hima, guri qaatiís gawaá daanduú migíruudá'.

IIMU/UUNGW 26:25

Gawaá adoorihe Isaka kitángw ilahhooa guri amoodií tleéhh, AAKOÓ MUNGÚ guri xirfayeemiís. Heémarós gari amoodií kikií', nee sagadiyuuseerós hhalaangw guri fól.

IIMU/UUNGW 28:19

Didá' gay báy Beteli, ala umuú gixsadá' geeraawo a Lusu.

IIMU/UUNGW 31:25

Labani iri hardáh amór Yakobo, qoomaarihe Yakobo heémarós gaa kikií' gawaá gongoamo. Labani sleeme nee mukós heemaduuín ngay kiki'iyé' gawaá gongoamaá Gileadi.

IIMU/UUNGW 33:20

Kitángw ilahhooa guri tleéhh amoodaádá' i ale. Kitangwdá' guri umií tsaát guri báy El-Elohe-Israeli.

IIMU/UUNGW 35:3

A tlawaán a tsa/amán amór Beteli, aníng Mungú nguri kitángw ilahhooár tleéhh, inósuudá' aníng iga axaas, qoomár slahh'amaayer'eene, nee tari dinkwa nee aníng baraá loohi sleémeero ar naa oohi.»

IIMU/UUNGW 35:7

Kitángw ilahhooa guri tleéhh. Didaádá' gari báy El-beteli. Asma an didá' Mungú nguwa i ti'iít, qoomár iwa goów as hhiyaawós.

IIMU/UUNGW 4:26

Seti na/oó garma guri laqwaál, guri umií tsaát Enoshi. Qoomaarí an qoomár muu umuú AAKOÓ MUNGÚ nguwa iimu/ún ateetiingo baraá firor'ine.

IIMU/UUNGW 8:20

Noa kitángw ilahhooa guri tleéhh as AAKOÓ MUNGÚ, makiito'ór wák gari taataáhh baraá umuúqo daa'aweemaá makaá hhohhoe, nee tsir/ír wák gari taataáhh baraá umuúqo daa'aweemaá tsir/ór hhohhoe, gari didá' wa daá/ ilahhooár wá ale.

NEHEMIA 11:31

Múk tlahhoó Benyamini Geba ngina hootiyé', nee Mikmashi, nee Ai, nee Beteli nee ayeemaá ngaa harweeriye'.

WARA'AMI 116:4

AAKOÓ MUNGÚ nguri i /aa/amiím, «AAKOÓ MUNGÚ, na'amamís, hhiintluueé' tu/eek.»

TI'INAANGW 17:15

Mose kitángw Mungú nguwa ilahhooárí haniisi guri tleéhh. Kitangwdá' guri umií tsaát, guri báy, «AAKOÓ MUNGÚ an Bendeérar'eé'.»

ISAYA 10:28

Wakusmo naa Rimoni wa tláy, aa hardáh Ayati, aa waaraáhh ar baraá tla/ángw Migroni, huwaawós gaa qaás baraá Mikmashi.

Yoeli 2:32

Nee umuúqo heé umuú AAKOÓ MUNGÚ gwaa ateet, ku ba/amis. Asma gawaá tloomár Siyoniro nee baraá Yerusalemuwo múk ba/ám i deer. Nee baraá kuká' naa meetiye', awa AAKOÓ MUNGÚ i ateetin i dayá', adoodá' AAKOÓ MUNGÚ ngira oó'.»

Tlehhema'aá ya/Abuuse 2:21

Nee umuúqo heewo oo umuú Aako gwa ateeti ku ba/amis.›

1 Korinto 1:2

amorhúng i alé, kuungaásingá' kríshaanáy, awa baraá yaamaá Korintór i diriia'. Kuungá' a múk Mungú gwa haratlintii'. Kuungá' tunduna hhoohhooeés ar baraá Kristo Yesu, tunduri ateét, as tawa múk hhohhó' oo Mungú, dinkwa nee mukdá' sleémeero oo Aakoorén Yesu Kristo gu ateetiím umuúqo diiro. Inós a Aakooín, nee slám a Aakoorén.

Ebrania 11:9

Iri hoót ar haratlintaao baraá yaamuudá' Mungú aa dirósií al'axweés. Ala inós a adór dahaaymo baraá yaamuudae. Ina hoót baraá heémár wa ale tam Isaka nee Yakobo sleeme tana baraá heémár hoót al'axweesantadá' Mungú aa oó' kari sláy.

YOSHUA 18:22

nee Bet-araba, nee Semaraimu, nee Beteli,

YOSHUA 22:10

Niwa hardihiyé' afaá yaaér Yordani awa /uwa, kitángw yangaariír oo ilahhooa kawa da/aa/an nguri tleehhiyé' afaá yaaeérií ale.

YOSHUA 7:2

Yoshua muu guna ya/aáw amór gixsár Yerikór wa ale ay amór yaamaá Ai, gixsadár bihhaá da/aáw awa Beteli, ar iisaapoó Bet-aweni, inooín giri báy, «Tlawsé' yaamuudá' tsawtsawuusare'.» Inooín tari tláy gixsár Ai ngiri tsawtsawuusiyé'.

YOSHUA 8:12

Yoshua múk kume kooán guna giirór wa luú/ bihhaá /uwa awa gixsa, tla/ángw Ai nee Beteli.

YOSHUA 8:17

Umuú heé aa meet baraá gixsár Ai nee Beteli i kaahh, asma sleémeero múk Israeli nguna guusiyé', nee gixsar'ín ina kilós mét.

YOSHUA 8:3

Yoshua slaqwaruuse gari amohhe'eés tawa haratlay Ai. Slaqwaruusér kume mibeeri tám gana tsawaár, gari ya/aáw ay Ai xweeraawo.

YOSHUA 8:30

Naagáy Yoshua kitángw ilahhooa kawa haniis dír AAKOÓ MUNGÚ, Munguú Israeli, guri tleéhh gawaá tloomár Ebali.

YOSHUA 8:9

Naagáy Yoshua inooín giri báy, «Tlawsé', umuúqo heewo dír nahhatarós ngi leeleehhi.» Inooín tay bihhaá /uwaá áy awa gixsár Ai, tla/ángw gixsár Ai nee Beteli. Ala Yoshua iri deél baraá xafoó Israeli xweeraadae.

HAR'OHUUSE 6:24

Naagáy Gideoni kitangwduú ilahhooár AAKOÓ MUNGÚ guri didií tleéhh, didá' gari umií tsaát iwa kaahi, «AAKOÓ MUNGÚ a wayda.» Tam ay laarí kitangwduú ilahhooa i daadeer didár Ofraro, tidár tlahhoó Abieseri.

1 SAMUELI 30:27

Qeemuwí oo múk Beteli nee oo múk Ramotír Negebu, nee oo múk Yatiri,