IIMU/UUNGW 12:5 - Biblía Axweesantá Hhohho' ar Mungú 2004

⁵ Abramu hareerós Sarai gari ar tláy, nee Loti garmoó hhiyaawós, nee muruuwós sleémeero nee lawaaleerose, kudá' aa sláy baraá gixsár Haranír wa alé. Tari ti'iít as tawa tlay ay baraá yaamaá Kana'ani. Inooín tawa dáh baraá yaamaá Kana'anír i alé,

IIMU/UUNGW 12:5 Iomraidhean Croise

IIMU/UUNGW 10:19

Digmuú yaamaá múk Kana'ani dír iwa iimu/ún a iimír Sidoni, bihhaá basko ay gixsár Gerari, iisaapoó gixsár Gasa, nee bihhaá da/aawe ay Sodoma nee Gomora, nee Adma nee Seboimu, iisaapoó gixsár Lasha.

IIMU/UUNGW 11:27

Kuká' an xwaylár Tera. Tera an baabuú Abramu, nee Nahori nee Harani. Harani Loti guri laqwaál.

IIMU/UUNGW 11:31

Tera Abramu garmaawós gurir tláy, nee Loti garmoó naangós, na/oó Harani, nee Sarai harér garmaawós Abramu. Inooín nina altlayé' iimír gixsár Uri wa alé ar baraá yaamaá Kaldayo as tawa yaamaá Kana'anír kay. Ala tawa hardáh yaamaá Harani, tana baraadá' wa hoót.

IIMU/UUNGW 13:5

Nee Loti, kudá' naa loohiye' nee Abramu, inós sleeme daqooroó hikwa nee muruú ququmát gu kón sleeme, nee heemaduuwós sleeme as múk do'ós nee lawaaleerós sleémeero.

IIMU/UUNGW 13:6

Yaamu niri alné' qawtantá muruuine, tam inooín niwa dinkwár wa hootiya', asma hikwaaín ki yaariir.

IIMU/UUNGW 14:14

Abramu ngiwa axaás adór garmoó hhiyaawós kura ar tláy, masoombarós gari xooslaá slaqwarár i haniís. Inooín an kudá' taa laqwaál baraá do'ós i alé, muu tsiire tám nee mibaá nee dakaát. Kiri eehár ay yaamaá Dani.

IIMU/UUNGW 14:21

Waawutmoó Sodoma Abramu guri báy, «Mukwí aníng i haniisang, ala daqaari'iima kuúng na ooheek.»

IIMU/UUNGW 28:10

Yakobo iri Be'er-shebár wa tláy, iri amór Haranír xuú'.

IIMU/UUNGW 36:6

Esau tlaawaywós nee daaqaywós nee dasuuwós, nee múk do'ós sleémeero, nee hikwaawós, nee muruuwós sleémeero, nee daqaari'iimarós sleémeero tidá' aa sláy baraá yaamaá Kana'anír wa alé, garir tláy, iri saweés dír hhiyaawós Yakobowo.

TLAHHOÓ LAÁWI 22:11

Ala barnaxes a lawaalmoowós oo aa tlaáxw as tawa kós, i ya/aán muruú /aymaadá' nguwa /ayi, nee sleeme kudá' taa do'ós wa laqwaál.

Tlehhema'aá ya/Abuuse 7:4

Abrahamu yaamaá Kaldayo giri geexáy, iri hotaá áy baraá yaamaá Haráni. Alaá gwa'arár baabuúwose Mungú guri loohatís ay baraá yaamuuká' kuungá' hamí ta hota'.