IIMU/UUNGW 12:13 - Biblía Axweesantá Hhohho' ar Mungú 2004

¹³ Án kiíng i firiím, kiíng ta o', ‹Inós a hhiyaaeé',› as aníng niwa /uw, nee slafingw'eé' iwa ba/an as kiíng.»

IIMU/UUNGW 12:13 Iomraidhean Croise

IIMU/UUNGW 11:29

Abramu nee Nahori tari duuxuuxún. Harér Abramu umuuwós a Sarai, nee ar Nahori umuuwós a Milka, dasír Harani. Harani an baabuú Iska sleeme.

IIMU/UUNGW 12:14

Naagáy Abramu iwa hardáh yaamaá Misri, múk Misri /ameenidá' gari ár, adór inós kar hhoohhoó'.

IIMU/UUNGW 20:2

Abrahamu daanduú hareerós Sararo iri oó', «Tí an hho'or'eé'.» Abimeleki waawutmoó Gerari muu guri ya/aáw Sara kawa huwi amoorós.

IIMU/UUNGW 20:5

Xáy, inós aa oóiíke, ‹A hho'or'eé'.› /Ameenirí inós ar kilá' ina óiíke, ‹A hhiyaaeé'›. Án adoorí ana tleéhh ar muunuú hhoohhoó', dabaaeene sleeme dakuúsár naa tleéhh i káhh.»

IIMU/UUNGW 26:7

Múk amoodá' guri yaahaás kángw hareerós, inós iri oó', «Tí a hho'or'eé'.» Asma ina da'ayuút iwa ooi a hareerós, asma múk amoodá' aluuwo gu gaas, Rebeka karir tláy. Asma Rebeka a /ameenír hhoohhoo' ló'wa alé.

ISAYA 57:11

Xáy, heé kuungá' nu dae tlaáq a heemá? Tam lameemo kiri tlaqé', aníng iri insleeri'iiká, tam aníng iri meeré' baraá inslawayhunge. Aníng iimír aange aga dir'eéní xasliitiikáhe, nee an gár kuúng is ilaiwawa/ká doóqa.

YEREMIA 38:17

Yeremia Sedekia guri báy, AAKOÓ MUNGÚ Aleesleemusmo, Munguú Israeli i kaahi, «Kuúng bar aga ya/aán tiwa hanis baraá dabaá geeraharuusér waawutmoó Babuloni, daqaní slafiingók u tú/, nee gixsarí ka da/iiká ar asla, kuúng nee múk do'oge tundu tsu/iiká.

YEREMIA 38:20

Yeremia iri oó', «Kuúng tu dir'ín i hanisiiká. Kuúng afór AAKOÓ MUNGÚ iialooeeseek baraá tí u babaawa, daqaní adoorók i qoón nee slafiingók u tú/.

ESEKIELI 18:4

Xuaak slafiingw sleémeero a kwe'eé', slafíngw xwayliitamó nee slafíngw na/aywo. Heé tlakweema gaa tleehh an heedaádá' gwaá'.

Yohana 8:44

Kuungá' amór ta dahha' a amór baabuúhúng, Neetlaangw, nee ilatleerír baabuúhúng an tidá' ta sla'a' tlehhmuuwo. Inós a tsu/utusmo iimír iimu/uungo, tam aa sihhiitiiká baraá looeemá i alé, asma looeema baraawose i kahhiyá'. Bir lamtá axwees, a tós kilós gan axwees, asma inós a lamusmo nee a baabuú lama.

Rumi 6:23

Asma bu'utuú tlakweema a gwa'ara, ala gár Mungú atén tir qay a slafíngw alhhe'eesay wásl baraá Kristo Yesu Aakoorén.

Kolosai 3:6

Gawaá adoorihe sakwasleemár Mungú nin hardát dír mukdá' inós gu iilooeemisaaká as muruuwí.