IIMU/UUNGW 12:10 - Biblía Axweesantá Hhohho' ar Mungú 2004

¹⁰ Ala giyeér ur nina tleér baraá yaamaá Kana'aniro. Abramu iri tláy iwa ala hotaá ay yaamaá Misri, asma giyeédá' ka ló'wa ur.

IIMU/UUNGW 12:10 Iomraidhean Croise

IIMU/UUNGW 41:56

Giyeé niri tleér baraá yaamu sleémeero. Yosefu kuuntáy sleémeero guri kiís, balaangw guri weermiís dír múk Misri. Yaamaá Misri sleémeero qwari iri tsimamiíhh.

IIMU/UUNGW 41:57

Múk yaamu sleémeero tindiri hardáh Misri, dír Yosefu, as balaangw kuwa tlaxwi, asma giyeé xoordu sleémeero gaa altsimaamíhh.

IIMU/UUNGW 42:5

Gawaá adoorihe baraá mukdá' laliisa baraá Misrír i alé, daaqoó Yakobo sleeme i deer. Asma giyeé ka ur baraá yaamaá Kana'aniro.

IIMU/UUNGW 43:1

Giyeé ina ak tsimaamíhh baraá yaamaá Kana'aniro.

IIMU/UUNGW 47:13

Muruú /ayma i kaahh baraá yaamaá hatlae, giyeé ka ló' wa ur baraá yaamaá Misriro, nee yaamaá Kana'ani, tana slahhaá' qwarko.

2 SAMUELI 21:1

Qoomár Daudi tawa waawutmo, giyér ur nina tleér baraá yaamuwo. Giyeérí ina kumaamít baraá yaamuwo ay kureeri tám. Daudi AAKOÓ MUNGÚ guri firín gawaá daanduú kaangwihe. AAKOÓ MUNGÚ Daudi guri báy, «Saulo nee múk do'ose a tlakuuse, asma inooín tseerdaá muu ngaa ku'umaamisiyé', inós múk Gibeoni guna tsuú/.»

2 WAAWITÁ 4:38

Elisha iri kií/ Gilgali qoomár giyeé niwa tleér baraá yaamuwo. Looarka wake Elisha nee eeharuusér aaruuse tawa iwiiwiti sagadiyusmoowós guri báy, «Hutloó úr qaaseek baraá asla, muruú /aymár aaruuse qaaseek.»

2 WAAWITÁ 6:25

Adoorí giyér hhamhhám gari húp baraá gixsár Samariaro. Tlaxo iri tsa/aán ságw daqwaay kuri weeriís ar parhheemaá mibeeri dakaát awa peésa, nee slooqoó niiná oo /o/ór hhooki gár kura weermiís a parhheemaá kooán awa peésa.

WARA'AMI 105:13

nina harweerariné' baraá yaamaá dimbadimbé wa ale, nee baraá waawituú ayeemaá dimbadimbé.

WARA'AMI 107:34

yaamaá xawuú koomá' giri warqeés tari hhapér diwi, asma múk tlákw oo baraadá' hoót.

WARA'AMI 34:19

Slahh'amuú heé gan'amuú koóm ku yaariír, ala AAKOÓ MUNGÚ gu tuu/ baraá tí sleémeero.

YEREMIA 14:1

Axweesantá AAKOÓ MUNGÚ Yeremia gari axaás daanduú slahheemastá hhamhhám.

Yohana 16:33

Tí án ngina kuungá' báw, as wayda kuwa sleera' baraaeene. Baraaká' yaamuwo slahh'amu u sleerá'. Ala ma mune siaara', asma aníng yaamu iga ar baá/.»

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»

Tlehhema'aá ya/Abuuse 7:11

Giyeé niri tleér baraá yaamaá Misriro nee Kana'ani sleémeerowo. Muu slahh'amuú úr guri sláy, tam baabi'iirén gár ta /ayi iri qwát.

RUTI 1:1

Aáng qoomár yaamaá Israeli kiwa geeraharahaár nee har'ohuuse, giyér ur ina tleér baraá yaamaá Israeliwo. Heeko wák oo baraá gixsár Betilehemu ar baraá yaamaá Yuda ina tláy iwa ala hotaá ay baraá yaamaá Moabu. Inós nee hareerós nee daaqaywós tsár tina koné'.