IIMU/UUNGW 11:7 - Biblía Axweesantá Hhohho' ar Mungú 2004

⁷ Qwalaasé', a aweeraán yaamu, tsifrir'ín a qasmisaán, kahhó' heé axweesantá kuqá' ga tsaáhh i kaahh.»

IIMU/UUNGW 11:7 Iomraidhean Croise

IIMU/UUNGW 1:26

Naagáy Mungú iri oó', «Hee u tleehhaán ar tlehhmuurén, nee ar slaqsayrén. Nee inooín siyoó baraá tlawi ku sawaawuti'ii'ín, nee tsir/ór gáwtí tlatlaawa, nee makaá ta de'ena, nee makaá baraá sla/a sleémeero, nee muruú gur'eérár hi'iimita gawaá daanduú yaamuwo.»

IIMU/UUNGW 10:20

Kuká' an na/aá daaqoó Hamu adoodár tlahhi'ii'ín i dirii'iya' nee tsifrir'ine, yaamuuín nee xooror'ine.

IIMU/UUNGW 10:32

Adoorí an adór tlahh'aá daaqoó Noa i dirii'iya', adór xwaylar'ín nee xooror'ine. Baraá mukwihe xoordu sleémeero nina tsiyayaaxatiyé' baraá yaamu alaá tluwoó da/atene.

IIMU/UUNGW 10:5

Xwaylar'ín an iimu/úngw mukdá' sleémeero bihhaá tlawtá wa hoót. Mukwí an xwaylár Yafeti. Inooín tana doogaagín, tari hoót, umuú tlahhaywo nee yaamuuín nee tsifrir'ín nee xooror'ín.

IIMU/UUNGW 11:5

AAKOÓ MUNGÚ nay aweér baraá yaamu as gixsa nee tsitsini ngiwa ari, tidá' taa tleéhh nee muu.

IIMU/UUNGW 3:22

AAKOÓ Mungú iri oó', «Ga/aaweek, hee daxta aa adór atén tleehhiít gawaá xu'utír hhooeema nee tlakweemaawo. Ala wané dakose mamaá xa'anoó slafíngw koóm gi taataahh, giri /aay, iri slaaf ay kureeraá kureér.»

IIMU/UUNGW 42:23

Tam inooín sleeme nga tsahhi'iiká adór Yosefu inooín ngir axamiís, asma tana axweés ar loohír heé tsifrír ki/imís.

YOBU 12:20

Múk axweesani ga xuú' gun afe tseek, bariise gari sagalooa hayoh.

WARA'AMI 2:4

AAKOÓ MUNGÚ kudá' gawaá doorií wa baaliliím gi waqaseesén, nee tidá' i tlehhiitiya' gan niqimis.

WARA'AMI 33:10

AAKOÓ MUNGÚ axweesanoó múk xoordu taa qoomeemeés guna hhitín, muruudá' ta aldakuút guri warqeés.

WARA'AMI 55:9

Aáko, tlakuuse amoqwaareeseek, tsifrir'ín hhitimeek, asma gár naa ár a tlaahhír ur nee gila baraá gixsaro.

TI'INAANGW 4:11

AAKOÓ MUNGÚ iri oó', «Heé afkú hee gwaa axweesántí tleehh aa heemá? Laqaá heé afaawasli nee iawaslero, nee heé xuumiís nee oo taampaaro gaa tleehh a heemá? A anuú AAKOÓ MUNGUHEEKÁHE?

ISAYA 33:19

Kuungá' múk sagegawdén u baloó aanda'aaká, tam múk axweesani bó/ oo ta tsatsahhanda'aaká sleeme, múk axweesantaín ga mororohhiím ar ta tsahhká.

ISAYA 6:8

Afór Aako ngiri axaás, i kat, «Heé ni ya/aaw a heemá oo daanduurén wa daqáw? «Aníng niri mu/aywaáts, «Aníng a diirí, án ya/aawáng!»

YEREMIA 5:15

Anuú AAKOÓ MUNGÚ a kah, ‹Aníng xoororka wák ngi amór saáw wa huúw as kuungá' múk Israeli nuwa i haraatleer. Xoorór kuungá' ta baloó bal'aaká, xoorór bál qaro, xoorór kuungá' ta tsifri xua'aaká, laqaá tam gár inooín ta kaahi kuungá' a tsahha'aaká.

1 Korinto 14:23

Laqaá an ooaan, kríshaanáy sleémeero bira burumburiít, nee sleémeero barta axwees ar tsifrír xuawaslen, aluuwo múk adoodá' xuaaká, laqaá múk aa haratlinti'iiká, bar naa dáh, ta ooiikáhe mukwí a daktana?

DABE 28:49

AAKOÓ MUNGÚ xoorór amór saáw daahh ngin huuw, kuúng uri i haratleér ar gaanslaay adór gwareesi ir gáwtí tlaatleer, xoorór kuúng tsifirirós ta xu'uká.