IIMU/UUNGW 11:6 - Biblía Axweesantá Hhohho' ar Mungú 2004

⁶ AAKOÓ MUNGÚ iri oó', «Ga/aaweek, mukwí a wak, nee inooín sleeme tsifrir'ín a wak, slám gaarí an sangw iimu/úngw gár ta tlehhemuú slai. Nee daxta umuúqo gár ta tlehhemuú wa slai ar gir baa/ i káhh.

IIMU/UUNGW 11:6 Iomraidhean Croise

IIMU/UUNGW 11:1

De'emuudae yaamu sleémeero tsifrír tar axweesi a wak, nee axweesantaín a wak.

IIMU/UUNGW 3:22

AAKOÓ Mungú iri oó', «Ga/aaweek, hee daxta aa adór atén tleehhiít gawaá xu'utír hhooeema nee tlakweemaawo. Ala wané dakose mamaá xa'anoó slafíngw koóm gi taataahh, giri /aay, iri slaaf ay kureeraá kureér.»

IIMU/UUNGW 6:5

Aako gari ár adór tlakweemaá muu kir úr baraá yaamuwo, nee adór umuúqo inslawoó baraá muner'ín kur tlákw umuú daqto.

IIMU/UUNGW 8:21

AAKOÓ MUNGÚ slaahhareraá tsuuá' giri sláy awa ngwa sla'atisiye'. AAKOÓ MUNGÚ iri baraá muunaáwós i oó', «Yaamu i baloó lu'usaaká alaá adoorihe asma muu, asma inslawoó hee ku tlákw iimír iimu/uungose. Aníng muruú slaáf sleémeero u malé qwaareesaaká baloó alé, ar adoodá' ngira tleéhh.

IIMU/UUNGW 9:19

Daaqaywí tamaawo an daaqoó Noa. Xwaylar'ín iri kumít, yaamu niri hatsiyé' muko.

1 WAAWITÁ 18:27

Qoomár /ameetleemuuwo Eliya giri i tlatláy niqimisuuwo, ngiwa babay, «Firiimé' ar afór ur ló' wa alé. Inós a mungú! Hám siiwarkaaro gár i aldakuuti i deer, laqaá aa /o/ór áy, laqaá i baraá aai, laqaá siiwarkaaro aa guú', kár ala i hariín kuwa tlesa'.»

DAHARUSMO 11:9

Kuúng masoómo, masoombi'iimarók sa qwalaala/eek, nee muunaáwók qwala/aseek baraá masoombaimaroge. Adór ta sla' baraá muunaáwoge eehareek, nee adór ilaawoge taqo ga/eera. Ala ka xú' baraá muruuwí sleémeerowo Mungú kuúng u huuw baraá sakwasleema.

AMOS 4:7

«Slám aníng nuna tluwoó /iít qoomár slahheeraá tám niwa meetiyé' hamnoó balaango. Ala tluwaay una haniís gixsár wák i alé, dír gixsár hatlae ngway ilaá/. Baraá qaymór wake tluwaay ina tluúw, nee qaymór hatlae i tluwiiká, iri qor'ót.

Luka 1:51

Kángw úr gwa tleéhh ar /uuruú dakós, Kudá' daara/aamá' baraá inslawoó muner'ine gaa diyaá/.

Tlehhema'aá ya/Abuuse 17:26

Inós xoordu sleémeero gina iihhaáf baraá heé wák wa aleeró, giri qaás baraá yaamu sleémeero. Inósuú kilá' iimír aange qom'i gina qaás, nee harki/isoó hotangw'ine.

HAR'OHUUSE 10:14

Tlawsé' munguihúng kudaá hatlá' taa tsawdé' i /aa/aá awaak, nu /iisiye' baraá slahh'amuuhunge.»