IIMU/UUNGW 11:31 - Biblía Axweesantá Hhohho' ar Mungú 2004

³¹ Tera Abramu garmaawós gurir tláy, nee Loti garmoó naangós, na/oó Harani, nee Sarai harér garmaawós Abramu. Inooín nina altlayé' iimír gixsár Uri wa alé ar baraá yaamaá Kaldayo as tawa yaamaá Kana'anír kay. Ala tawa hardáh yaamaá Harani, tana baraadá' wa hoót.

IIMU/UUNGW 11:31 Iomraidhean Croise

IIMU/UUNGW 10:19

Digmuú yaamaá múk Kana'ani dír iwa iimu/ún a iimír Sidoni, bihhaá basko ay gixsár Gerari, iisaapoó gixsár Gasa, nee bihhaá da/aawe ay Sodoma nee Gomora, nee Adma nee Seboimu, iisaapoó gixsár Lasha.

IIMU/UUNGW 11:32

Tera ina gwaá' baraá yaamaá Harani kureeriiwós tawa tsiire tsár nee kooán.

IIMU/UUNGW 12:4

Naagáy Abramu iri tláy adoodá' AAKOÓ MUNGÚ ngura ádbáy. Nee Loti garmoó hhiyaawós tiri koné'. Qoomaarihe Abramu a heé kureeraá mibeeri faanqw nee kooán, qoomár iwa ti'iít baraá gixsár Haraniro.

IIMU/UUNGW 12:5

Abramu hareerós Sarai gari ar tláy, nee Loti garmoó hhiyaawós, nee muruuwós sleémeero nee lawaaleerose, kudá' aa sláy baraá gixsár Haranír wa alé. Tari ti'iít as tawa tlay ay baraá yaamaá Kana'ani. Inooín tawa dáh baraá yaamaá Kana'anír i alé,

IIMU/UUNGW 14:12

Loti, garmoó hhiyoó Abramu, kudá' yaamaá Sodomár hoót, nguna ar tlayé' nee daqaari'iimarose.

IIMU/UUNGW 15:7

Guri malé báy, «Aníng a AAKOÓ MUNGÚ, kuúng una huúw iimír yaamaá Urír wa alé ar múk Kaldayo, as yaamuká' ngiwa kuúng i haniis kiwa al.»

IIMU/UUNGW 24:10

Sagadiyusmooduú Abrahamu angamía mibaangw giri ar tláy. Iwa tlay muruú hhohhó' oo daa'aweemaá dimbadimbé oo amór aakoowós daáhh gu kón. Iri aa'aá káy ay gixsadá' Nahori i hooti ar baraá yaamaá Mesopotamia.

IIMU/UUNGW 24:15

Tam qoomár firooro iwa hhe'eesiiká, naxés Rebeka dasír Betueli, garmoó Milka, harér Nahori hhiyoó Abrahamu, ina hardát, i sirwirós koón ar suuma.

IIMU/UUNGW 27:43

Garmaaeé', /aymi'iieé' iiárií qaaseek, tláw, goów ay amór hhiyaaeé' Labani, baraá Harani.

IIMU/UUNGW 28:10

Yakobo iri Be'er-shebár wa tláy, iri amór Haranír xuú'.

2 WAAWITÁ 19:12

Xáy, munguaá xoorór Gosani nee Harani nee Resefu nee mukduú Edeni kudá' Telasárír hoót xoorduuká' taa hhaamiís nee taati'iieé', xáy inooín kaa /iísi nee munguii'ín?

NEHEMIA 9:7

Kuúng an AAKOÓ MUNGÚ, Munguúdá' Abramu gwaa tsawaar, nguri baraá yaamaá Urír Kaldayór wa dúx, kuri umií tsát tay Abrahamu.

YOBU 1:17

Qoomár kwí kaangwí nguwa hhe'eesiiká ooaro, oo hatlá' nina hardáh, iri oó', «Múk Kaldayo tina amohhe'eés ar daqooray tám, angamiadu ngiri hayoohiyé', sagadiyuuse ngiri tsu/iyé' ar paánga, aníng kilooeé' nina /úw, as kaangwí nguwa ooár aw.»

ISAYA 37:12

Xáy, munguiidaá xoordu, xoorduuín nga tu/ií'i qoomár baabuúeé' Gosani, nee Harani, nee Resefuwo ngiwa hhaamiís dinkwa nee múk Edeni kuduú Telasárír hoót.

Ebrania 11:8

Abrahamu sleeme a heé haratlintaaór koóm. Inós kuwa ateét, ateetamór Mungú gari iiárií qaás, iri tláy dír yaamuuwós wa ale, iri hardáh ay dír yaamuudá' Mungú aa al'axweés dirós i alé ngiwa aali. Slám iri tláy yaamuuwós wa ale, ala amór i kay ga xuiiká.