IIMU/UUNGW 11:1 - Biblía Axweesantá Hhohho' ar Mungú 2004

¹ De'emuudae yaamu sleémeero tsifrír tar axweesi a wak, nee axweesantaín a wak.

IIMU/UUNGW 11:1 Iomraidhean Croise

IIMU/UUNGW 10:32

Adoorí an adór tlahh'aá daaqoó Noa i dirii'iya', adór xwaylar'ín nee xooror'ine. Baraá mukwihe xoordu sleémeero nina tsiyayaaxatiyé' baraá yaamu alaá tluwoó da/atene.

IIMU/UUNGW 11:2

Alaá muu iwa bihhaá da/aáw wa tláy, xatsa kana ár baraá yaamaá Shinari. Tay amoodá' wa hoót.

IIMU/UUNGW 11:6

AAKOÓ MUNGÚ iri oó', «Ga/aaweek, mukwí a wak, nee inooín sleeme tsifrir'ín a wak, slám gaarí an sangw iimu/úngw gár ta tlehhemuú slai. Nee daxta umuúqo gár ta tlehhemuú wa slai ar gir baa/ i káhh.

ISAYA 19:18

Baalaadae tsifrír Ebrania kanar axwees baraá gixsadaá kooán awa yaamaá Misriro, múk gixsaduudá' lo'o kari /aay dir AAKOÓ MUNGÚ Aleesleemusmoó wa alé, ar inooín kiwa inkihhím. Gixsár wák kari bay, «Gixsár Tsee/amá.»

SEFANIA 3:9

«Asma qoomaadae tsifrír xoordu an warqeés, tari axweesantá hhooár axwees as sleémeero anuú AAKOÓ MUNGÚ iwa firiirina', nee iwa sagadiyuusiya' ar muunuú wák.

Tlehhema'aá ya/Abuuse 2:6

Afoodá' kawa axaás, múk yaariír iri burumburiít, tari ló'wa da'ayuút, asma umuúqo heewo mukdá' guna axamiís iwa axweesi ar tsifrirós ar kilá'.