IIMU/UUNGW 10:9 - Biblía Axweesantá Hhohho' ar Mungú 2004

⁹ Inós a slakaatusmoó ilakaahaár dír geeraá AAKOÓ MUNGUHE. An gár muu is kaahi, «A adór Nimrodi, slakaatusmoodá' ilakaahaár dír geeraá AAKOÓ MUNGUHE.»

IIMU/UUNGW 10:9 Iomraidhean Croise

IIMU/UUNGW 10:10

Iimu/úngw waawuti'iimarós a yaamaá Babuloni, nee Ereki, nee Akadi. Gixsaduuká' sleémeero i baraá yaamaá Shinari.

IIMU/UUNGW 10:8

Kushi Nimrodi guri laqwaál. Inós tay heé geera oo waawuti'iimár /uuruú koom gawaá yaamuwo.

IIMU/UUNGW 13:13

Ala múk Sodoma a múk tlákw oo tlakweemaá yaariir gaa tlehhahhiit dír geeraá AAKOÓ MUNGUHE.

IIMU/UUNGW 25:27

Daaqaywí iwa uraaráy, Esau tari slakaatusmoó ilakaahaár oo sla/tá hotaatiím, ala Yakobo an heé tsá', oo doó hoót.

IIMU/UUNGW 27:30

Isaka Yakobo tsuuqaro nguwa hhe'eés, nee Yakobo hamtidár kilae niwa ti'iít dír baabuúwose, Esau hhiyoó Yakobo nina harakií/ baraá slaktuú wa alé.

IIMU/UUNGW 6:11

Múk baraá yaamu aa hhitiruuta hhe'eés dír geeraá Munguhe, yaamu nari hatsiyé' hara/untsawo.

IIMU/UUNGW 6:4

De'emudaádae múk ló'wa tlét i deer baraá yaamuwo. Nee tam aluuwo sleeme i deer. Mukwí an xwaylár daaqoó Mungú nee dasú muu. Inooín a pihhuuseedár aáng, nee a múk xirfuú koóm.

2 QOM'I 28:22

Qoomár waawutmo Ahasi iwa baraá slahh'amuú i dirii'i, ina ló'wa dee/anuút dír AAKOÓ MUNGUHE.

WARA'AMI 52:7

«Ga/aawaak, laatí heewí an kudá' Mungú gwa dír guwaywós tleehhiiká. Ala aqo har daqaari'iimarós gana harahhiíf, nee diihhooa gari baraadá' wa leelehhiít.»

ISAYA 18:2

kudá ya/abuuser'ín ya/abiitá' ar baraá yaaér Nili, kudá' aa'aá kakaawá' ar baraá ma'aay ar miringér taa tleéhh ar oombas. Tlawsé', kuungaásingaá ya/abuusér islahh, tlawsé', amór múk tledaadét nee oo slaqooín natsaatsa'á', amór mukdá' dae tlaáq umuú diiro, amór xooroodá' /uuruú koom nee baalaaliim, tidá' yaamuuwós taa qasiís nee yau.

YEREMIA 16:16

AAKOÓ MUNGÚ i kaahi, «Ga/aaweek, aníng múk yaariír oo siyoó ohiím ngu tleés as mukwí nguwa ohin. Aluuwo slakaatuusér yaariir ngiri tleés, ar mukwí gu slakaat gawaá umuú tloomaro, nee gawaá umuú gongoamaawo, nee baraá mar'ór tla/uuwo.

ESEKIELI 13:18

tawa kat, «Aakoó MUNGÚ i kaahi, ‹Tsaxwaahúng kuungá' awa /ameena, kudá' hirísír hiriitá' nee kay dahamisá' baraá dabér muu, nee kuungaáká' sheélár taa hirísáy hirité' ar umuú adooro as muu kuwa sage warqesa'. Xáy, kuungá' tawa slafíngw muk'eé' gigidiinda', kawa xuá' slafingwhúng u kiloohúng /isá'a?

MIKA 7:2

Heé inkihhím i kaahh baraá ayaawihe, Heé gan'amuú tlehhiít i kaahh. Umuúqo heewo gár i leelehhiiti a hee nguwa gaasi. Umuúqo heewo hhiyaawós gun tsaaxweelír i qamín.